Suriya ET OTT Release: ఓటీటీలో విడుదలకు సూర్య 'ఈటి - ఎవరికీ తలవంచడు' రెడీ - స్ట్రీమింగ్ ఎప్పట్నించి అంటే?

ఓటీటీలో విడుదలకు సూర్య హీరోగా నటించిన 'ఈటి - ఎవరికీ తలవంచడు' సినిమా రెడీ అయ్యింది. ఈ సినిమా ఓటీటీలో ఎప్పుడు విడుదల కానుంది? ఎందులో విడుదల కానుంది? అంటే...

సూర్య

తెలుగులోనూ అభిమానులను సొంతం చేసుకున్న తమిళ స్టార్ హీరో సూర్య. ఆయన సినిమాలకు ఓటీటీలోనూ ఆదరణ బావుంది. 'ఆకాశమే నీ హద్దురా', 'జై భీమ్' చిత్రాలు డైరెక్టుగా ఓటీటీ వేదికల్లో విడుదల అయ్యాయి. ఆ రెండు చిత్రాలూ ప్రేక్షకుల, విమర్శకుల ప్రశంసలు అందుకున్నాయి. ఆ రెండిటి తర్వాత సూర్య నటించిన సినిమా 'ఈటి - ఎవరికీ తలవంచడు'. మార్చి 10న థియేటర్లలో విడుదలైంది. త్వరలో ఓటీటీలో విడుదల కానుంది.

'ఈటి - ఎవరికీ తలవంచడు' సినిమా డిజిటల్ రైట్స్ రెండు ఓటీటీ సంస్థలు సొంతం చేసుకున్నాయి. సన్ నెక్స్ట్ (Sun NXT), నెట్ ఫ్లిక్స్ ఓటీటీ వేదికల్లో ఏప్రిల్ 7 నుంచి సినిమా స్ట్రీమింగ్ కానుంది. 'ఈటి' ఓటీటీ రిలీజ్ విషయాన్ని నెట్ ఫ్లిక్స్ వెల్లడించింది. అయితే... సన్ నెక్స్ట్ ఏమీ చెప్పలేదు. కాకపోతే ఏప్రిల్ 7 నుంచి ఆ ఓటీటీలో కూడా సినిమా విడుదలయ్యే అవకాశం ఉంది.

సూర్య సరసన ప్రియాంకా అరుల్ మోహన్ కథానాయికగా నటించిన ఈ చిత్రానికి పాండిరాజ్ దర్శకత్వం వహించారు. డి. ఇమ్మాన్ సంగీతం అందించారు. తమిళ, తెలుగు భాషలతో పాటు హిందీలోనూ సినిమాను విడుదల చేయనున్నారు. తమిళంలో ఈ సినిమాకు ఎటువంటి స్పందన లభించిందనేది పక్కన పెడితే... తెలుగులో మాత్రం అంతగా ఆకట్టుకోలేదు. సినిమాలో తమిళ నేటివిటీ ఎక్కువ అయ్యిందనే విమర్శలు వచ్చాయి. ఓటీటీలో ఎటువంటి స్పందన లభిస్తుందో చూడాలి. 

 

 

 

 

 

Δείτε αυτή τη δημοσίευση στο Instagram.

 

 

 

 

 

 

 

 

 

 

 

Η δημοσίευση κοινοποιήθηκε από το χρήστη Sun Pictures (@sunpictures)