Jeffrey Epstein Web Series : ఎప్‌స్టీన్ ఫైల్స్ వివాదం - ఆరేళ్ల తర్వాత వెబ్ సిరీస్ ట్రెండింగ్... ఎందులో స్ట్రీమింగ్ అంటే?

Jeffrey Epstein Series : జెఫ్రీ ఎప్‌స్టీన్ స్కామ్ హాట్ టాపిక్ మారిన వేళ ఈ పేరుతో ఆరేళ్ల క్రితం వచ్చిన వెబ్ సిరీస్ ఇప్పుడు ట్రెండ్ అవుతోంది. 'నెట్ ఫ్లిక్స్'లో మిలియన్ల కొద్ది వ్యూస్ వస్తున్నాయి.

జెఫ్రీ ఎప్ స్టీన్ ఫైల్స్ వెబ్ సిరీస్ ట్రెండింగ్

Source : https://x.com/SinemaTengahMlm/status/2018513482074018299/photo/1

Jeffrey Epstein Web Series Top Trending On Netflix : జెఫ్రీ ఎప్‌స్టీన్ వివాదం ప్రస్తుతం ప్రపంచవ్యాప్తంగా సంచలనం సృష్టిస్తోంది. తాజాగా ఈ కుంభకోణంలో వివిధ దేశాలకు చెందిన దిగ్గజ పారిశ్రామికవేత్తలు, పొటిలికల్ లీడర్స్‌తో పాటు పలువురు సెలబ్రిటీల పేర్లు సైతం వినిపిస్తున్నాయి. బిల్ క్లింటన్, ఎలాన్ మస్క్, ట్రంప్, బిల్ గేట్స్ ఇలా చాలా మంది పేర్లు ఆ పైల్స్‌లో ఉన్నట్లు పెద్ద ఎత్తున ప్రచారం సాగుతోంది. ఇండియాలోనూ పలువురు ఫేమస్ వ్యక్తుల పేర్లు ఇందులో ఉన్నట్లు తెలుస్తోంది. అమెరికాకు చెందిన ఈ లైంగిక నేరస్థుడితో సంబంధం ఉన్నట్లుగా రోజుకొకరిపై ఆరోపణలు వస్తుండడం ఆందోళన కలిగిస్తోంది.

ట్రెండింగ్ వెబ్ సిరీస్... ఎందులో స్ట్రీమింగ్ అంటే?

'ఎప్ స్టీన్ ఫైల్స్' ప్రస్తుతం హాట్ టాపిక్‌గా మారిన క్రమంలో జెఫ్రీ ఎప్‌స్టీన్‌పై ఆరేళ్ల క్రితం రిలీజ్ అయిన వెబ్ సిరీస్ ఇప్పుడు ట్రెండ్ అవుతోంది. 'ఎప్‌స్టీన్ ఫైల్స్ : ఫిల్తీ రిచ్' పేరుతో 'నెట్ ఫ్లిక్స్'లో స్ట్రీమింగ్ అవుతున్న ఈ వెబ్ సిరీస్ గత కొద్ది రోజులుగా మంచి వ్యూస్ సొంతం చేసుకుంటోంది. 4 ఎపిసోడ్స్‌తో 'నెట్ ఫ్లిక్స్'లో టాప్ టెన్ ట్రెండింగ్ వెబ్ సిరీస్‌ల్లో ఒకటిగా కొనసాగుతోంది.

ఈ సిరీస్‌లో ఏముందంటే?

బాలికల అక్రమ రవాణా, లైంగిక వేధింపుల కేసులో అరెస్టైన జెఫ్రీ ఎప్‌స్టీన్ 2019లోని అమెరికా జైలులో సూసైడ్ చేసుకున్నాడు. ఏడాది తర్వాత ఈ క్రైమ్ కేస్ ఆధారంగా 'జెఫ్రీ ఎప్‌స్టీన్ : ఫిల్తీ రిచ్' పేరుతో నెట్ ఫ్లిక్స్‌‌లో ఓ డాక్యుమెంటరీ రిలీజైంది. లిసా బ్రయంట్ ఈ సిరీస్‌కు దర్శకత్వం వహించారు. మొత్తం 4 ఎపిసోడ్స్ ఉన్న ఈ డాక్యుమెంటరీలో ఉపాధ్యాయుడి నుంచి ఫైనాన్షియర్‌గా ఎప్‌స్టీన్ ప్రయాణం ఎలా సాగింది? లైంగిక నేరాలకు ఎలా పాల్పడ్డాడు? నిందితుని చేతిలో మోసపోయిన వారి వ్యథలు ఈ సిరీస్‌లో చూపించారు. చివరకు జైలులోనే ఆత్మహత్యకు దారి తీసిన పరిస్థితుల గురించి కూడా చూపించారు. గత కొద్ది రోజులుగా ఈ సిరీస్‌కు మిలియన్లకు పైగా వ్యూస్ వచ్చాయి.

మరిన్ని చదవండి

హోటల్ సిబ్బంది రూడ్‌గా ప్రవర్తించారు - మంచు లక్ష్మికి చేదు అనుభవం