Abhijeet: బిగ్ బాస్ విన్నర్ అభిజీత్ కొత్త ప్రాజెక్ట్ ఇదే!

బిగ్ బాస్ అభిజీత్ ఓ వెబ్ సిరీస్ లో నటిస్తున్నారు.

బిగ్ బాస్ విన్నర్ అభిజీత్ కొత్త ప్రాజెక్ట్ ఇదే!

'లైఫ్ ఈజ్ బ్యూటిఫుల్' సినిమాతో హీరోగా మారారు అభిజీత్. ఈ సినిమా వర్కవుట్ కాకపోవడంతో అభిజీత్ కి పెద్దగా అవకాశాలు రాలేదు. కానీ వెబ్ సిరీస్ లలో మాత్రం కనిపించేవాడు. ఆ తరువాత బిగ్ బాస్ సీజన్ 4లో కంటెస్టెంట్ గా పాల్గొన్నారు. అభిజీత్ హౌస్ లో ఎంట్రీ ఇచ్చినప్పటి నుంచి చాలా మంది ఆయనకు అభిమానులుగా మారారు. కామ్ అండ్ కంపోజ్డ్ గా ఉంటూ తన బిహేవియర్ తో అందరినీ ఆకట్టుకున్నాడు. నిజానికి టాస్క్ లు పెద్దగా ఆడనప్పటికీ.. తన ప్రవర్తన కారణంగానే ఫైనల్స్ వరకు వచ్చారు. 

 

అంతేకాదు.. విన్నర్ గా ట్రోఫీ కూడా అందుకున్నారు. ఈ షోతో వచ్చిన క్రేజ్ కారణంగా అభిజీత్ ను వెతుక్కుంటూ చాలా అవకాశాలు వచ్చాయి. లీడ్ రోల్ లో రెండు సినిమాలు, 12 వెబ్ సిరీస్ లు ఆఫర్లు వచ్చినట్లు వార్తలు వచ్చాయి. కానీ ఇప్పటివరకు కొత్త ప్రాజెక్ట్ ను మొదలుపెట్టలేదు. కొన్నాళ్లపాటు అమెరికాకు వెళ్లిన అభిజీత్ దాదాపు ఏడాదిన్నర తరువాత తిరిగి హైదరాబాద్ కి వచ్చారు. 

 

ఇప్పుడు తన కొత్త ప్రాజెక్ట్ ను మొదలుపెట్టినట్లు తెలుస్తోంది. ప్రముఖ ఓటీటీ సంస్థ అమెజాన్ 'మోడర్న్ లవ్ హైదరాబాద్' అనే వెబ్ సిరీస్ ను రూపొందిస్తోంది. ఇందులో ఆది పినిశెట్టి, నిత్య మీనన్, రీతూ వర్మ, సుహాసిని మణిరత్నం, రేవతి, నరేష్, మాళవికా నాయర్ వంటి వారు లీడ్ రోల్స్ పోషిస్తున్నారు. ఇదే వెబ్ సిరీస్ లో అభిజీత్ కూడా నటిస్తున్నారు. నగేష్ కుకునూర్, వెంకటేష్ మహా, ఉదయ్ గుర్రాల, దేవిక బహుదానం దర్శకత్వం వహిస్తున్నారు. త్వరలోనే రెగ్యులర్ షూటింగ్ ను మొదలుపెట్టనున్నారు. 

 

 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Abijeet (@abijeet11)