Pawan Kalyan In Unstoppable 2 : బాలకృష్ణ - పవన్ కళ్యాణ్ - 'అన్‌స్టాపబుల్‌ 2' షూటింగ్ షురూ

Pawan Kalyan in Unstoppable 2 : నందమూరి బాలకృష్ణ, పవన్ కళ్యాణ్ 'అన్‌స్టాపబుల్‌ 2' కోసం కలిశారు. ఈ రోజు హైదరాబాద్ అన్నపూర్ణ స్టూడియోస్‌లో షూటింగ్ చేస్తున్నారు. ఆ ఎపిసోడ్ షూటింగ్ మొదలైంది.

బాలకృష్ణ, పవన్ కళ్యాణ్

గాడ్ ఆఫ్ మాసెస్, నట సింహం నందమూరి బాలకృష్ణ (Nandamuri Balakrishna), జనసేన అధినేత, పవర్ స్టార్ పవన్ కళ్యాణ్ (Power Star Pawan Kalyan) కలిశారు. అదీ 'అన్‌స్టాపబుల్‌ 2' కోసం! ఈ రోజు హైదరాబాద్ అన్నపూర్ణ స్టూడియోస్‌లో షూటింగ్ చేయడానికి ఇద్దరు స్టార్స్ రెడీ అయ్యారు. ఈ సందర్భంగా ఒక పోస్టర్ విడుదల చేయనున్నారు.

'వీర సింహా రెడ్డి'తో 'వీరమల్లు'
బాలకృష్ణ, పవన్ కళ్యాణ్ కలవడం ఈ నెలలో ఇది రెండోసారి. సంక్రాంతి కానుకగా రానున్న బాలకృష్ణ సినిమా 'వీర సింహా రెడ్డి'. లాస్ట్ వీక్ సాంగ్ షూటింగ్ జరిగింది. ఆ సాంగ్ షూట్ చేస్తున్న స్టూడియోలోని మరో ఫ్లోర్ పవన్ కళ్యాణ్ 'హరి హర వీర మల్లు' కోసం రెడీ అయ్యింది. అక్కడ ఔరంగజేబు దర్బార్ సెట్ వేశారు. బాబీ డియోల్, పవన్ మీద సన్నివేశాలు చిత్రీకరిస్తున్నారు. 'హరి హర వీర మల్లు'లో ఔరంగజేబుగా బాబీ డియోల్ నటిస్తున్న సంగతి తెలిసిందే. అప్పుడు సరదాగా కలిశారు.

'అన్‌స్టాపబుల్‌ 2'కి త్రివిక్రమ్ వస్తున్నారా?
'అన్‌స్టాపబుల్‌ 2'కు పవన్ కళ్యాణ్ అతిథిగా రానున్నారనేది కొత్త విషయం కాదు. ఈ సీజన్ రెండో ఎపిసోడ్‌లో ఆ విషయమై హింట్ ఇచ్చారు. విశ్వక్ సేన్, సిద్ధూ జొన్నలగడ్డ అతిథులుగా వచ్చిన ఆ ఎపిసోడ్‌లో నిర్మాత సూర్యదేవర నాగవంశీ కూడా వచ్చారు. ఆయన త్రివిక్రమ్ శ్రీనివాస్‌కు ఫోన్ చేయగా... బాలకృష్ణ మాట్లాడారు.

'అన్‌స్టాపబుల్‌కు ఎప్పుడు వస్తున్నావ్?' అని బాలకృష్ణ అడగటం... అందుకు బదులుగా 'మీరు ఓకే అంటే వెంటనే వచ్చేస్తాను సార్' అని త్రివిక్రమ్ బదులు ఇవ్వడం తెలిసిన విషయమే. అప్పుడు బాలకృష్ణ 'ఎవరితో రావాలో తెలుసుగా!?' అని అడగటం వైరల్ అయ్యింది. అప్పుడే పవన్ కళ్యాణ్ వస్తారని అర్థమైంది. ఆ రోజు రానే వచ్చింది. అయితే... పవన్ కళ్యాణ్‌తో త్రివిక్రమ్ వస్తున్నారా? లేదా? అనేది ఇంకా క్లారిటీ లేదు. 

క్రిష్ అయితే కన్ఫర్మ్!
పవన్ కళ్యాణ్‌తో పాటు ప్రస్తుతం ఆయన హీరోగా 'హరి హర వీర మల్లు' సినిమా తెరకెక్కిస్తున్న దర్శకుడు క్రిష్ జాగర్లమూడి షోలో సందడి చేయడం కన్ఫర్మ్. ఆయనకు బాలకృష్ణతో 'యన్.టి.ఆర్' బయోపిక్ తీశారు. పవన్ కళ్యాణ్ మేనల్లుడు సాయి ధరమ్ తేజ్ ఇందులో ఫోన్ కాల్ ద్వారా మాట్లాడతారని తెలుస్తోంది.

Get ready 🔥🔥🔥#UnstoppableWithNBKS2 #NBK #PSPK pic.twitter.com/QuKSG4hRcT

— Vamsi Kaka (@vamsikaka) December 27, 2022

సంక్రాంతి కానుకగా పవన్ ఎపిసోడ్!?
పవన్ కళ్యాణ్, క్రిష్ ఎపిసోడ్ సంక్రాంతి కానుకగా స్ట్రీమింగ్ చేయాలని ఆహా వర్గాలు భావిస్తున్నట్టు తెలుస్తోంది. దాంతో రెండో సీజన్‌కు శుభం కార్డు వేస్తారట. ఫస్ట్ సీజన్‌లో మొత్తం పది ఎపిసోడ్స్ చేశారు. ఇప్పుడు రెండో సీజన్‌లో ఇప్పటి వరకు ఆరు ఎపిసోడ్స్ వచ్చాయి. ప్రభాస్, గోపీచంద్ సందడి చేసింది ఏడో ఎపిసోడ్. అది న్యూ ఇయర్ కానుకగా విడుదల కానుంది. దానికి, పవన్ ఎపిసోడ్‌కు మధ్య మరో రెండు వస్తాయో? లేదంటే ఒక్కటి వస్తుందో? చూడాలి.    

ఫస్ట్ సీజన్‌కు సూపర్ స్టార్ మహేష్ బాబు, ఐకాన్ స్టార్ అల్లు అర్జున్, మాస్ మహారాజ రవితేజ, మైటీ భల్లాలదేవ రానా దగ్గుబాటి, దర్శక ధీరుడు రాజమౌళి, అగ్ర దర్శకులు పూరి జగన్నాథ్, బోయపాటి శ్రీను వంటి స్టార్లు వచ్చారు. ఆ సీజన్ మహేష్ ఎపిసోడ్‌తో ముగిసింది. రెండో సీజన్ పవన్ ఎపిసోడ్ తో ఎండ్ కానుందని టాక్.