Nawazuddin Siddiqui Debut In TFI: ‘సైంధవ్‘ నుంచి అదిరిపోయే అప్డేట్, వెంకీ మూవీలో బాలీవుడ్ యాక్టర్ కీరోల్

వెంకటేష్ కెరీర్ లో 75వ చిత్రంగా ‘సైంధవ్‘ తెరకెక్కుతోంది. పాన్ ఇండియా మూవీగా రూపొందుతున్న ఈ సినిమాలో బాలీవుడ్ యాక్టర్ కీ రోల్ పోషిస్తున్నారు. శైలేష్ కొలను ఈ మూవీకి దర్శకత్వం వహిస్తున్నారు.

Photo@NiharikaEnt/twitter

విక్టరీ వెంకటేష్ కెరీర్ లో 75వ చిత్రం ప్రతిష్టాత్మకంగా తెరకెక్కుతోంది. శైలేష్ కొలను దర్శకత్వంలో రూపొందుతున్న ఈ సినిమాకు ‘సైంధవ్’ అనే టైటిల్ ఫిక్స్ చేశారు. పాన్ ఇండియా మూవీ నిర్మిస్తున్నారు.  ఈ మూవీని  నిహారిక ఎంటర్ టైన్మెంట్ బ్యానర్ పై వెంకట్ బోయినపల్లి నిర్మిస్తున్నారు. ‘దృశ్యం 2’, ‘నారప్ప’, ‘ఎఫ్ 3’ చిత్రాలతో వరుస విజయాలు అందుకున్న జోష్ వెంకీ ఉన్నారు. అదే దూకుడుతో 75వ సినిమాను భారీ బడ్జెట్ తో యాక్షన్ మూవీగా రూపొందిస్తున్నారు. ఇప్పటికే ఈ సినిమాలో వెంకీ లుక్ ను రిలీజ్ చేశారు. ఆయన గన్ తో కనిపించే తీరు చూస్తుంటే యాక్షన్ మూవీగా రూపొందుతున్నట్లు తెలుస్తోంది.

‘సైంధవ్‘లో బాలీవుడ్ యాక్టర్ నవాజుద్దీన్ సిద్దికీ  

తాజాగా ఈ సినిమాకు సంబంధించి మరో అప్ డేట్ వచ్చింది.  ఈ చిత్రంని పాన్ ఇండియా సినిమాగా ప్రకటించమే కాకుండా నటీనటుల విషయంలో మేకర్స్ తగు జాగ్రత్తలు తీసుకుంటున్నారు. ఇతర భాషల్లోని ప్రముఖ నటులను ఇందులోకి తీసుకుంటున్నారు.  అందులో భాగంగా బాలీవుడ్ నుంచి కూడా పలువురు నటుల్ని ఈ సినిమాలో చేసేలా చర్చలు కొనసాగుతున్నాయి. తాజా నటుడు నవాజుద్దీన్ సిద్దికీ ఈ మూవీలో కీలక పాత్ర పోషించబోతున్నట్లు మేకర్స్ వెల్లడించారు. రిపబ్లిక్ డే సందర్భంగా ఆయను పరిచయం చేస్తూ పోస్టర్ రిలీజ్ చేశారు. ఈ చిత్రంలోకి బాలీవుడ్ నటుడిని వెల్ కమ్ చేస్తున్నట్లు అధికారికంగా ప్రకటించారు. అయితే, ఈ సినిమాలో ఆయన పోషించే పాత్ర ఏంటనే విషయాన్ని మాత్రం బయటకు చెప్పలేదు. హిందీలో బాగా పాపులర్ నటుడైన నవాజుద్దీన్, తొలిసారి తెలుగు తెరపై కనిపించనున్నారు.

For the First time in TFI 🤘🏻

Extremely Proud & Delighted to welcome the most talented actor of India, @Nawazuddin_S on board for #SAINDHAV 🔥

More Details Soon ❤️@VenkyMama @KolanuSailesh @vboyanapalli @Music_Santhosh @maniDop @Garrybh88 @tkishore555 @SVR4446 #Venky75 pic.twitter.com/drf0NnvdPt

— Niharika Entertainment (@NiharikaEnt) January 26, 2023

పవర్ ఫుల్ డైలాగ్స్ తో అదరగొట్టిన వెంకీ

‘సైంధవ్‘ పాన్ ఇండియా మూవీగా తెలుగు, తమిళ, మలయాళ, కన్నడతో పాటు హిందీ భాషల్లోనూ విడుదల చేయనున్నారు. ఇందుకోసం నిర్మాణ సంస్థ భారీ స్థాయిలో ఏర్పాట్లు చేసుకుంటుంది.  ఇక ఈ మూవీ అనౌన్స్ చేసిన వెంటనే గ్లింప్స్ రిలీజ్ చేశారు. 2 నిమిషాల 16 సెకన్ల నిడివి గల ఈ గ్లింప్స్ లో.. వెంకటేష్ గడ్డంతో రఫ్ లుక్ లో ఉన్నారు. హీరో ఇంట్రడక్షన్ సీన్  చూపిస్తూ ప్రేక్షకులకు పరిచయం చేశారు. రేవులో  కంటైనర్ల మధ్య చేతిలో ఏకే 47 పట్టుకుని దేనికోసమో వెతుకుతున్నట్లు వెంకీ కనిపించారు. అటు వెంకీ  చెప్పే డైలాగులు సైతం పవర్ ఫుల్ గా ఉన్నాయి. “నేనిక్కడే వుంటాన్రా, ఎక్కడికి వెళ్లను. రమ్మను” అంటూ విలన్లను ఉద్దేశించి చెప్పే డైలాగ్ సినిమాపై అంచనాలను పెంచుతోంది. ఈ సినిమా రెగ్యులర్ షూటింగ్ ఇవాళ్టి(జనవరి 26)  నుంచి మొదలుకానుంది. నటీనటుల వివరాలు కూడా త్వరలో వెల్లడించనున్నారు.

Watch the Grand Launch Ceremony of #SAINDHAV LIVE NOW ❤️‍🔥

🎥 https://t.co/NjJt2kfyoZ@VenkyMama @Nawazuddin_S@KolanuSailesh @vboyanapalli @Music_Santhosh @maniDop @Garrybh88 @tkishore555 @SVR4446 #Venky75 pic.twitter.com/eQnpoWeElA

— Niharika Entertainment (@NiharikaEnt) January 26, 2023