Jatadhara First Look: ప్రతిష్టాత్మక ప్రాజెక్టులో సుధీర్ బాబు- మెస్మరైజ్ చేస్తున్న ‘జటాధార‘ ఫస్ట్ లుక్

Sudheer Babu News | నవదళపతి సుధీర్ బాబు హీరోగా, వెంకట్ కల్యాణ్ దర్శకత్వంలో తెరకెక్కబోతున్న ప్రతిష్టాత్మక చిత్రం ‘జటాధార‘. తెలుగు, హిందీలో భాషల్లో ఈ చిత్రం వచ్చే ఏడాది మహాశివరాత్రికి విడుదలకానుంది.

‘జటాధార’లో సుధీర్ బాబు

Source : Sudheer Babu/Instagram

Jatadhara Movie First Look Unveiled: టాలీవుడ్ టాలెంటెడ్ హీరో సుధీర్ బాబు, వెంకట్ కల్యాణ్ కాంబోలో ప్రతిష్టాత్మక ప్రాజెక్టు తెరకెక్కబోతోంది. ‘జటాధార‘ పేరుతో రూపొందనున్న ఈ సినిమాకు సంబంధించి ఫస్ట్ లుక్ రిలీజ్ అయ్యింది. ఈ పోస్టర్ లో సుధీర్ బాబు సిక్స్ ప్యాక్ బాడీతో త్రిశూలం చేతిలో పట్టుకుని పవర్ ఫుల్ గా కనిపిస్తున్నారు. పండు వెన్నెలలో శివుడి ఫోటో ముందు నిల్చొని ఆకట్టుకుంటున్నారు. ప్రేరణ అరోరా, సుధీర్ బాబు ప్రొడక్షన్స్ సమర్పిస్తున్న ఈ చిత్ర షూటింగ్ త్వరలో ప్రారంభంకానుంది. ప్రేరణ అరోరా, శివిన్ నారంగ్, నిఖిల్ నందా, ఉజ్వల్ ఆనంద్ ఈ సినిమాకు నిర్మాతలుగా వ్యవహరిస్తున్నారు.

తెలుగు, హిందీ భాషల్లో తెరకెక్కుతున్న‘జటాధార‘  

‘జటాధార‘ సినిమా పాన్ ఇండియా రేంజిలో తెరకెక్కబోతోంది. దేశ వ్యాప్తంగా ఉన్న ప్రేక్షకులను ఆకట్టుకునేలా యూనిక్ కథాశంతో ఈ చిత్రం రూపొందనుంది. పాంటసీ కథాశంతో ఈ సినిమాను వెంకట్ కల్యాణ్ తీర్చిదిద్దనున్నట్లు తెలుస్తోంది. శివుడి అతీత శక్తులతో సుధీర్ బాబు ఈ చిత్రంలో పవర్ ఫుల్ గా కనిపించనున్నట్లు ఇండస్ట్రీలో టాక్ వినిపిస్తోంది. ఈ సినిమాలో బాలీవుడ్ హీరోయిన్ ఫీమేల్ లీడ్ పోషించబోతున్నట్లు తెలుస్తోంది. ఇప్పటికే సదరు హీరోయిన్ తో చర్చలు పూర్తయినట్లు సమాచారం. ఈ సినిమాలో నటించేందుకు తను చాలా ఆసక్తిగా కనబరుస్తున్నట్లు తెలుస్తోంది.

‘జటాధార‘పై దేశ వ్యాప్తంగా భారీ అంచనాలు    

‘రుస్తుం‘, ‘టాయిలెట్: ఏక్ ప్రేమ్ కథ‘, ‘ప్యాడ్ మ్యాన్‘, ‘పరి‘ లాంటి హిట్ చిత్రాలను తెరకెక్కించిన స్టార్ ప్రొడ్యూసర్ ప్రేరణ అరోరా ఈ సినిమా నిర్మాణంలో కీలకపాత్ర పోషిస్తున్నారు. ఇప్పటి వరకు ఆమె నిర్మించిన సినిమాలు కమర్షియల్ లా మంచి సక్సెస్ సాధించడంతో పాటు విమర్శకుల ప్రశంసలు అందుకున్నాయి. ఆమె నిర్మాతగా ‘జటాధార‘ రూపొందుతుండటంతో దేశ వ్యాప్తంగా భారీగా అంచనాలు నెలకొన్నాయి.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sudheer Babu (@isudheerbabu)

త్వరలో షూటింగ్ ప్రారంభం, శివరాత్రికి సినిమా విడుదల

ఇప్పటికే ‘జటాధార‘ సినిమాకు సంబంధించి స్క్రిప్ట్ వర్క్ పూర్తయ్యింది. ప్రీ ప్రొడక్షన్ పనులు శరవేగంగా కొనసాగుతున్నాయి. త్వరలోనే షూటింగ్ ప్రారంభం కానుంది. ఆయా సంస్కృతుల ఆధారంగా తెరకెక్కిన ‘ముంజియా’, ‘స్త్రీ’, ‘కాంతార’ మాదిరిగానే ఈ సినిమాను కూడా తెరకెక్కించనున్నట్లు తెలుస్తోంది. ఈ చిత్రం పురాణాలు, అతీంద్రియ అంశాలను బేస్ చేసుకుని ఈ సినిమాను రూపొందించబోతున్నారు. గతంలో ఏ సినిమాలో టచ్ చేయని అంశాలతో ఈ సినిమాను తెరకెక్కించబోతున్నట్లు తెలుస్తోంది.  ఈ ప్రతిష్టాత్మ చిత్రం ‘జటాధార’ వచ్చే ఏడాది(2025) శివరాత్రి కానుకగా ప్రపంచ వ్యాప్తంగా అట్టహాసంగా విడుదల చేయాలని మేకర్స్ భావిస్తున్నారు. ఈ సినిమా కొన్ని సంవత్సరాల పాటు ప్రేక్షకులకు గుర్తుండిపోయేలా రూపొందించేందుకు మేకర్స్ ప్రయత్నిస్తున్నారు.

రీసెంట్ గా సుధీర్ బాబు ‘హరోం హర‘ సినిమాతో ప్రేక్షకుల ముందుకు వచ్చారు. జూన్ 14న విడుదలైన ఈ చిత్రం యాక్షన్ థ్రిల్లర్ గా రూపొందింది. ఈ సినిమాను జ్ఞానసాగర్ తెరకెక్కించారు. ఈ సినిమా ప్రేక్షకులను అంతగా అలరించలేకపోయింది. తొలి షో నుంచి మిక్స్ డ్ టాక్ తెచ్చుకున్న ఈ సినిమా వసూళ్ల పరంగానూ నిరాశ పరిచింది. ఈ నేపథ్యంలో ‘జటాధార’పై భారీగా అంచనాలు నెలకొన్నాయి.