Akhanda 2 : చిన్న కుమార్తె స్విచ్ ఆన్ - పెద్ద కుమార్తె క్లాప్ - బాలయ్య ' అఖండ 2' తాండవం షురూ
Akhanda 2 Thaandavam: బాలయ్య, బోయపాటి కాంబినేషన్ లో వస్తున్న ' అఖండ 2' సినిమా లాంచ్ ఈవెంట్ లో బాలయ్య చిన్న కుమార్తె స్విచ్ ఆన్ చేయగా, పెద్ద కుమార్తె క్లాప్ కొట్టడం విశేషం.
Akhanda 2 Thaandavam Opening: గాడ్ ఆఫ్ మాసెస్ గా ఇండియాతో పాటు పలు దేశాల్లో మాస్ ఫ్యాన్ ఫాలోయింగ్ ను సొంతం చేసుకున్న నటసింహం నందమూరి బాలయ్య కొత్త సినిమాపై అఫీషియల్ గా అనౌన్స్మెంట్ వచ్చిన విషయం తెలిసిందే. అయితే తాజాగా ఈ సినిమా ప్రారంభోత్సవం కూడా ఘనంగా జరిగింది. దీనికి బాలయ్య పెద్ద కూతురు బ్రాహ్మిణి, చిన్న కూతురు తేజస్విని కూడా హాజరు కావడం విశేషం.
'అఖండ 2' గ్రాండ్ లాంచ్
నందమూరి బాలకృష్ణ, మాస్ డైరెక్టర్ బోయపాటి శ్రీను కాంబినేషన్లో నాల్గవ సినిమాగా 'అఖండ 2' తెరకెక్కబోతోంది. ఇప్పటికే వీరిద్దరి కాంబోలో 'సింహా', 'లెజెండ్', 'అఖండ' వంటి హ్యాట్రిక్ హిట్స్ తెరపైకి వచ్చాయి. ఈ మూడు సినిమాలు కూడా ఒక దానికి మించి ఒకటి అన్నట్టుగా బ్లాక్ బస్టర్ హిట్స్ ను నమోదు చేసుకున్నాయి. ఇక ఇప్పుడు నాలుగవసారి బాలయ్య, బోయపాటి కాంబోలో రాబోతున్న 'అఖండ 2' సినిమాకు సంబంధించిన పూజా కార్యక్రమాలతో గ్రాండ్ గా ప్రారంభోత్సవం జరిగింది. ఈ సందర్భంగా మేకర్స్ మూవీ టైటిల్ పోస్టర్ ను రిలీజ్ చేస్తూ ఇది 'అఖండ' సీక్వెల్ అని అఫిషియల్ గా తెలిపారు. పోస్టర్ ప్రస్తుతం వైరల్ అవుతుండగా, ఈ సినిమా ఓపెనింగ్ విశేషాలు కూడా హాట్ టాపిక్ అయ్యాయి. దానికి కారణం బాలయ్య ఇద్దరు కుమార్తెలు.
'GOD OF MASSES' #NandamuriBalakrishna roars with a powerful dialogue for the first shot of #Akhanda2 - Thaandavam at the pooja ceremony ❤️🔥
— 14 Reels Plus (@14ReelsPlus) October 16, 2024
Title theme out now💥💥
▶️ https://t.co/xmMACJPzNZ
Shoot begins soon!#BoyapatiSreenu @14ReelsPlus @MusicThaman @RaamAchanta #GopiAchanta… pic.twitter.com/5k6CQaiS4M
'అఖండ 2'లో భాగం కాబోతున్న బాలయ్య కూతురు
ఈ సినిమాకు బాలయ్య పెద్ద కూతురు నారా బ్రాహ్మణి క్లాప్ కొట్టగా, చిన్న కుమార్తె తేజస్విని నందమూరి కెమెరా స్విచ్ ఆన్ చేశారు. మూవీ ప్రారంభోత్సవంలో క్లాప్, స్విచ్ ఆన్ లకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఇక బోయపాటి యాక్షన్ చెప్పగానే బాలయ్య అదిరిపోయే డైలాగ్ చెప్పారు. బాలయ్య కూతురు తేజస్విని 'అఖండ 2' సినిమాకు సమర్పకురాలిగా వ్యవహరిస్తున్నారు. ఇక ఈ సినిమాను 14 రీల్స్ ప్లస్ బ్యానర్ పై గోపీచంద్ ఆచంట, రామ్ ఆచంట సంయుక్తంగా నిర్మిస్తున్నారు. 'అఖండ 2' సినిమాలో బాలయ్య సరసన హీరోయిన్ గా మొదటి పార్ట్ లో నటించిన ప్రగ్యా జైస్వాల్ కనిపించనుంది. ఇక ఈ మూవీ ఇటు బాలయ్యతో పాటు అటు బోయపాటికి కూడా మొట్టమొదటి పాన్ ఇండియా సినిమా కాబోతోంది. 'అఖండ' సినిమాకు పూనకాలు తెప్పించే మ్యూజిక్ అందించిన తమన్ ఈ సీక్వెల్ కి కూడా సంగీతం అందించబోతున్నారు. మొత్తానికి ఎప్పుడెప్పుడా అని నందమూరి అభిమానులు ఈగర్ గా వెయిట్ చేసిన 'అఖండ 2' సెట్స్ పైకి వెళ్ళింది. అలాగే సంక్రాంతి కానుకగా బాలయ్య హీరోగా నటించిన 'ఎన్బికె 109' సినిమా కూడా తెరపైకి రానుంది. ఈ సినిమా ఇంకా షూటింగ్ దశలో ఉంది. అయితే మూవీ టైటిల్ ను మేకర్స్ ఇంకా ప్రకటించలేదు. అలాగే బాలయ్య వారసుడు నందమూరి మోక్షజ్ఞ ఎంట్రీ కూడా జరగబోతోంది. రీసెంట్ గా పుట్టినరోజు సందర్భంగా మోక్షజ్ఞ సినిమా ఫస్ట్ లుక్ ను కూడా రిలీజ్ చేశారు. మొత్తానికి ఈ ఆరు నెలలలో టాలీవుడ్ లో నందమూరి నామస్మరణ జరుగుతుండడం విశేషం.
టాప్ హెడ్ లైన్స్
ట్రెండింగ్ వార్తలు
