Mega154: మెగాస్టార్ సినిమాలో విలన్ గా బిజు మీనన్?
మలయాళంలో చాలా సినిమాలే చేశారు బిజు మీనన్. తెలుగులో కూడా 'ఖతర్నాక్', 'రణం' వంటి సినిమాలు చేశారు.
మెగాస్టార్ చిరంజీవి, దర్శకుడు బాబీ కాంబినేషన్ ఓ మాస్ యాక్షన్ ఎంటర్టైనర్ తెరకెక్కుతోన్న సంగతి తెలిసిందే. #MEGA154 అనే వర్కింగ్ టైటిల్ తో ఈ సినిమాను సెట్స్ పైకి తీసుకెళ్లారు. ఈ సినిమాలో చిరంజీవి ఫస్ట్ లుక్ ని విడుదల చేయగా.. అది బాగా వైరల్ అయింది. ఈ సినిమా కోసం స్టార్ క్యాస్ట్ ను తీసుకుంటున్నారు. మాస్ మహారాజా రవితేజ ఈ సినిమాలో కీలకపాత్రలో కనిపించనున్నారు. అలానే కోలీవుడ్ నటుడు బాబీ సింహా మరో ముఖ్య పాత్ర పోషించనున్నారు.
ఇక విలన్ గా సముద్రఖనిని అనుకున్నారు. కానీ ఇప్పుడు ఆయన పవన్ కళ్యాణ్ ని డైరెక్ట్ చేసే పనిలో పడ్డారు. అందుకే నటుడిగా సినిమాలు సైన్ చేయడం లేదు. ఇప్పుడు మెగాస్టార్ సినిమాను కూడా పక్కన పెట్టినట్లు తెలుస్తోంది. దీంతో ఆయనకు బదులుగా మరో నటుడిని రంగంలోకి దింపాలనుకుంటున్నారు. ఆయన మరెవరో కాదు.. బిజు మీనన్.
మలయాళంలో చాలా సినిమాలే చేశారు బిజు మీనన్. తెలుగులో కూడా 'ఖతర్నాక్', 'రణం' వంటి సినిమాలు చేశారు. టాలీవుడ్ లో ఈయన పెద్దగా ఫేమస్ కానప్పటికీ.. మాలీవుడ్ లో మంచి క్రేజ్ ఉంది. 'అయ్యప్పన్ కోశియుమ్' సినిమాతో ఈయన రేంజ్ మరింత పెరిగింది. ఇప్పుడు బిజు మీనన్ ను టాలీవుడ్ కి మళ్లీ తీసుకురావాలనుకుంటున్నారు. చిరు సినిమాలో బిజు మీనన్ ను విలన్ గా తీసుకోవాలని మైత్రి మూవీ మేకర్స్ సంస్థ భావిస్తోంది.
ఆయన గనుక ఓకే చెబితే తెలుగులో విలన్ గా బిజీ అవ్వడం ఖాయం. శృతిహాసన్ హీరోయిన్ గా నటిస్తోన్న ఈ సినిమాకి 'వాల్తేర్ వీరయ్య' అనే టైటిల్ ను పరిశీలిస్తున్నారు. దాదాపుగా దీన్నే ఫైనల్ చేసే ఛాన్స్ ఉంది. దేవిశ్రీప్రసాద్ సంగీతం అందిస్తోన్న ఈ సినిమాను 2023 సంక్రాంతి కానుకగా విడుదల చేయనున్నట్లు అనౌన్స్ చేశారు.
Also Read: ప్రభాస్ పార్టీలో అమితాబ్, దుల్కర్ - వైరల్ అవుతోన్న వీడియో
Also Read: చైతుతో డేటింగ్ రూమర్స్ - మిడిల్ ఫింగర్ చూపించిన శోభితా?
View this post on Instagram
టాప్ హెడ్ లైన్స్
ట్రెండింగ్ వార్తలు
