Lalit Modi Ujjwala Raut : మళ్లీ ప్రేమలో పడ్డ లలిత్ మోడీ - సుశ్మితా సేన్‌తో బ్రేకప్ తర్వాత ఎవరితో డేటింగ్ చేస్తున్నారో తెలుసా?

IPL వ్యవస్థాపకుడు లలిత్ మోడీ మళ్లీ ప్రేమలో పడ్డారు. సుష్మితా సేన్ తో బ్రేకప్ తర్వాత మోడల్ ఉజ్వల రౌత్ తో డేటింగ్ చేస్తున్నారు. తాజాగా వీరిద్దరు సాల్వే వెడ్డింగ్ రిసెప్షన్ లో సందడి చేశారు.

సాల్వే వెడ్డింగ్ రిసెప్షన్ లో లిత్ మోడీ,ఉజ్వల రౌత్(Photo Credit: Narrative Fixer/twitter)

ప్రముఖ న్యాయవాది,  భారత మాజీ సొలిసిటర్ జనరల్ హరీష్ సాల్వే ముచ్చటగా మూడోసారి పెళ్లి చేసుకున్నారు. ఆదివారం (సెప్టెంబర్3) నాడు లండన్‌లో జరిగిన ఓ ప్రైవేట్‌ వేడుకలో 68 ఏండ్ల సాల్వే, త్రినాను వివాహం చేసుకున్నారు.  ఈ వివాహ వేడుకకు నీతా అంబానీ, లలిత్ మోదీ సహా పలువురు సినీ, రాజకీయ, వ్యాపార ప్రముఖులు హాజరయ్యారు.  38 ఏళ్ల వైవాహిక జీవితం అనంతరం జూన్ 2020లో సాల్వే తన మొదటి భార్య మీనాక్షికి  విడాకులు ఇచ్చారు. వీరికి సాక్షి, సానియా అనే ఇద్దరు కూతుర్లు ఉన్నారు. 2020లోనే కరోలిన్ బ్రోస్సార్డ్ ను రెండో వివాహం చేసుకున్నారు. ఆమెతోనూ కొద్ది నెలల తర్వాత విడాకులు తీసుకున్నారు. తాజాగా మూడో పెళ్లి చేసుకున్నారు.

సాల్వే వెడ్డింగ్ రిసెప్షన్ లో లలిత్ మోడీ, ఉజ్వల సందడి

సాల్వే పెళ్లి వేడుకకు సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి. అయితే, వీటిలో లలిత్ మోడీ, తొలి ఇండియన్ సూపర్ మోడల్ ఉజ్వల రౌత్ ఫోటోలు బాగా వైరల్ అవుతున్నాయి.  ప్రస్తుతం వీరిద్దరు ప్రేమలో ఉన్నట్లు సోషల్ మీడియాలో జోరుగా ప్రచారం జరుగుతోంది. గతంలో ప్రముఖ నటి సుష్మితా సేన్ తో ప్రేమాయణం నడిపిన లలిత్ మోడీ, కొద్ది కాలం క్రితం ఆమెకు బ్రేకప్ చెప్పారు. ప్రస్తుతం ఉజ్వల తో డేటింగ్ చేస్తున్నట్లు తెలుస్తోంది.   

So, Lalit Modi is Lawyer Harish Salve's one of friends. Lalit Modi and his girlfriend and model Ujjwala Raut at the wedding. https://t.co/0nOitOrAhr pic.twitter.com/W7eJKWIyrG

— Narrative Fixer (@LtlBud) September 4, 2023

ఇంతకీ ఉజ్వల రౌత్ ఎవరు?

1978లో జన్మించిన ఉజ్వల రౌత్ 90వ దశకంలో భారతీయ ఫ్యాషన్ రంగంలో సత్తా చాటారు. తొలి ఇండియన్ సూపర్ మోడల్‌ గా గుర్తింపు తెచ్చుకున్నారు. ఉజ్వల తండ్రి ముంబై పోలీస్‌ డిప్యూటీ కమిషనర్ గా పని చేశారు. ఆమె కాలేజీ డేస్ నుంచే మోడలింగ్ లోకి అడుగు పెట్టింది. 17 ఏళ్ల వయసులోనే 1996లో  ఫెమినా మిస్ ఇండియా పోటీల్లో పాల్గొంది. ఈ ఈవెంట్ లో ఆమె ఫెమినా లుక్ ఆఫ్ ది ఇయర్ అవార్డును గెలుచుకుంది. అదే సంవత్సరం,  ఫ్రాన్స్‌ లో జరిగిన ఎలైట్ మోడల్ లుక్ పోటీలో ఆమె టాప్ 15లో చోటు దక్కించుకుంది.  90వ దశకం చివరి నాటికి, ఉజ్వల దేశంలోని టాప్ మోడల్స్లో ఒకరుగా ఎదిగారు. ఆమె పలు అంతర్జాతీయ డిజైనర్లు లేబుల్స్ కోసం ర్యాంప్ వాక్ చేశారు.  2002, 2003లో  రెండుసార్లు విక్టోరియా సీక్రెట్ ఫ్యాషన్ షో కోసం ర్యాంప్ వాక్ చేసిన తొలి భారతీయ మోడల్ గా నిలిచింది.  2012లో MTV సూపర్ మోడల్ ఆఫ్ ది ఇయర్‌లో మిలింద్ సోమన్‌తో కలిసి న్యాయనిర్ణేతగా కనిపించింది.  

ఉజ్వల రౌత్ వ్యక్తిగత జీవితం

జూన్ 2004లో  ఉజ్వల రౌత్ స్కాటిష్ చిత్ర నిర్మాత మాక్స్‌ వెల్ స్టెరీని వివాహం చేసుకుంది. పలు సమస్యలతో ఈ జంట 2011లో విడాకులు  తీసుకుంది. వీరికి అప్పటికే  క్ష అనే కుమార్తె ఉంది. అయితే, కూతురు తనకంటే తనకు చెందాలంటూ భార్య భర్తలు కోర్టులో కేసు  వేశారు. ఇప్పటికీ ఆ కేసు అలాగే కొనసాగుతోంది. ప్రస్తుతం ఆ అమ్మాయి ఉజ్వల దగ్గరే పెరుగుతోంది.  ఇప్పుడు ఉజ్వల లలిత్ మోడీతో ప్రేమలో ఉన్నట్లు  ప్రచారం జరుగుతోంది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial