Krishna Mukunda Murari April 19th: క్షణక్షణం ఉత్కంఠభరితం- కృష్ణ, భవానీలో గెలుపు ఎవరిది? మురారీ ఎవరికిచ్చిన మాట నిలబెట్టుకుంటాడు

నందిని పెళ్లి చేయాలని అటు కృష్ణ, ఇటు భవానీ ఒకరికి తెలియకుండా ఒకరు ప్రయత్నాలు చేయడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే.

Image Credit: Disney Plus Hotstar/ Star Maa

మురారీకి కృష్ణ అసలు విషయం చెప్పడంతో ఎవరికి ఇచ్చిన మాట నెరవేర్చాలో అర్థం కాక డైలమాలో పడిపోతాడు. కృష్ణ కలవరిస్తూ ఉండేసరికి రేవతి వచ్చి ఏం చేస్తున్నావని సీరియస్ అవుతుంది. అసలు ఏమనుకుంటున్నావ్ మురారీ కి దూరం అవుదామని అనుకుంటున్నావా? నందిని ఈ ఇంటి ఆడపిల్ల తనకి లేని రక్షణ బయట నుంచి వచ్చిన నీకు ఎలా ఉంటుందని అనుకుంటున్నావ్. ఏవైణి ఎదిరిస్తున్నావో అర్థం అవుతుందా? అని బాధగా నిలదీస్తుంది. ఇది పులి మేక ఆట లాంటిదని భయపెడుతుంది. సమస్యలు రాకముందే తప్పుకోమని సలహా ఇస్తుంది.

రేవతి: నువ్వు చేసే పనుల వల్ల మురారీకి నీకు మధ్య సమస్యలు వస్తాయి

కృష్ణ: ఏసీపీ సర్ కి నాకు మధ్య ఎటువంటి మనస్పర్థలు రావు. పెద్దత్తయ్యకి ఏసీపీ సార్ కి మధ్య గొడవలు రాకుండా నేను చూసుకుంటాను. నాకు ఏం కాదు అవన్నీ నేను చూసుకుంటాను

రేవతి: వాడు నందిని పెళ్లి చేస్తానని పెద్దమ్మకి మాట ఇచ్చాడు

ఏసీపీ సర్ కి వాళ్ళ పెద్దమ్మ ముఖ్యమైన పని అప్పగించారంటే అది నందిని పెళ్లి అన్నమాట నాకు చెప్పలేక ఇబ్బంది పడుతున్నారు. ఈ పెళ్లి వల్ల పెద్దత్తయ్యకి ఆయనకి మధ్య మనస్పర్థలు వస్తాయేమోనని కృష్ణ భయపడుతుంది. భవానీ, ఈశ్వర్ మాట్లాడుకుంటూ ఉండగా రేవతి వచ్చి మధ్యలో కల్పించుకుంటుంది. ఎవరికైనా ఏదైనా సమస్య ఏం జరుగుతుంది అంతా కలిసి నన్ను పరాయి దాన్ని చేస్తున్నారని ఆత్రంగా అడుగుతుంది. బిజినెస్ విషయాలు మాట్లాడుకుంటున్నామని భవానీ అబద్ధం చెప్తుంది. అసలు నువ్వు ఈ టైమ్ లో పైకి ఎందుకు వెళ్ళావని నేను ఎక్కడ అడుగుతానోనని ముందుగానే నువ్వు ఇన్ని ప్రశ్నలు వేశావా అని గాలి తీసేస్తుంది.

మురారీ పెద్దమ్మ, కృష్ణకి ఇచ్చిన మాట గురించి ఆలోచిస్తూ ఉంటాడు. ఒకే రోజు ఒకే ముహూర్తం నందినిని ఎవరికి ఇచ్చి చేయాలి. మాట తప్పి నందిని కిరణ్ కి ఇచ్చి చేస్తే కృష్ణ ఇంట్లో ఉంటుందా? ఒకవేళ గౌతమ్ కి ఇచ్చి చేస్తే పెద్దమ్మ కృష్ణని ఇంట్లో నుంచి పంపించేస్తుందా? రెండింటి వల్ల కృష్ణ నాకు దూరం అవుతుందేమోనని మురారీ బాధగా ఆలోచిస్తూ ఉంటాడు. కృష్ణ వచ్చి మురారీని పలకరిస్తుంది. నందిని పెళ్లి గౌతమ్ తో జరగడం వల్ల వచ్చే సమస్యలను నా భుజాల మీద వేసుకుంటానని మురారీకి ధైర్యం చెప్తుంది. మీ దగ్గర మాట తీసుకునే ముందు నందిని గురించి చెప్పి ఉండాల్సింది. మీ మీద నేను ఈగ కూడా వాలనివ్వను. మీ పెద్దమ్మకి మీకు మధ్య బంధం చెడిపోయేలా చేయనని కృష్ణ మాట ఇస్తుంది. తెల్లారి భవానీ, కృష్ణ దేవుడి ముందు దణ్ణం పెట్టుకుంటూ పోట్లాడుకుంటారు. ఇద్దరూ ఒకరికొకరు తాము చేసేది కరెక్ట్ అనేలా మాట్లాడుకుంటారు. పెళ్ళికి ఏర్పాట్లు చేసి భవానీ వాళ్ళు రేవతి, కృష్ణకి తప్ప మిగతా వారికి చెప్పకుండా  మండపానికి వెళతారు.