Karthika Deepam December 16th Update: చారుశీల సాయం అడిగిన శౌర్య, కార్తీక్ ని అనుమానిస్తున్న దీప, తల్లడిల్లిపోతున్న సౌందర్య

కార్తీకదీపం డిసెంబరు 16 ఎపిసోడ్: టీవీ ప్రేక్షకుల్ని మెప్పిస్తోన్న ‘కార్తీకదీపం’ సీరియల్ మలుపులు తిరుగుతోంది. కార్తీక్ కు గతం గుర్తుకురావడంతో కథ ఇంట్రెస్టింగ్ గా సాగుతోంది.

Karthika Deeppam December 16th Update Episode 1537 (Image Credit: Star Maa/Hot Star)

Karthika Deepam  December 16th  Episode 1537 (కార్తీకదీపం డిసెంబరు 16ఎపిసోడ్)

చారుశీల పేషెంట్లను చూస్తూ ఉండగా  శౌర్య హాస్పిటల్ కి వెళుతుంది. శౌర్యని చూసి షాక్ అయిన చారుశీల..ఇప్పుడు కార్తీక్ వస్తే ఏం జరుగుతుందో..అందుకే తను వచ్చేలోగా శౌర్యని పంపించేయాలి అనుకుంటుంది. 
చారుశీల: ఏంటి జ్వాలా ఇలా వచ్చావు
శౌర్య: మీ దగ్గరకే వచ్చాను హెల్ప్ కావాలని అడిగి అమ్మా-నాన్న మీరెక్కడున్నారు అనే పోస్టర్ ని అతికించమని అడుగుతుంది. మీది చాలా పెద్ద హాస్పిటల్ కదా డాక్టర్ ఈ పోస్టర్ని మీ హాస్పిటల్ లో అతికించండి ఈ పోస్టర్ ను చూస్తే మా అమ్మ వాళ్ళు ఇక్కడికి వచ్చినప్పుడు నన్ను కలుస్తారు
చారుశీల: మీ నాన్న ఇక్కడే ఉన్నారని నీకు ఎలా చెప్పనమ్మా అని మనసులో అనుకుంటూ ఉంటుంది. అప్పుడు ప్లీజ్ డాక్టర్ నాకు హెల్ప్ చేస్తారు కదా అనడంతో సరే తప్పకుండా హెల్ప్ చేస్తాను అని అబద్ధం చెబుతుంది చారుశీల. ఆ తర్వాత చారుశీల సిస్టర్ కి పోస్టర్ ఇచ్చి దానిని అతికించమని చెబుతుంది.
శౌర్య: ఇక్కడ మాత్రమే కాదు డాక్టర్ ఊరు మొత్తం పోస్టర్లు అతికించాను. ఇంతవరకు ఎవరూ ఫోన్ చేయలేదు 
చారుశీల: మీ అమ్మ వాళ్ళు ఇక్కడ లేరేమో శౌర్య అనడంతో లేదు వాళ్ళు ఇక్కడే ఉన్నారు అని అంటుంది శౌర్య. ఆమె బాధని చూసి కన్నీళ్లు పెట్టుకున్న చారుశీల కార్తీక్ వచ్చేలోగా పంపించేయాలి అనుకుంటుంది

సౌందర్య-అంజి
సౌందర్య..దీప కోసం వెతికి వెతికి నిరాశగా వస్తుంది. అప్పుడు డ్రైవర్ అంజి ... కనిపించారా మేడం అనడంతో లేదు అంజి అని బాధతో మాట్లాడుతుంది సౌందర్య. అంత తొందరగా దొరికితే దేవుడు ఎందుకు అవుతాడు అంజి ఇంకా మమ్మల్ని ఎన్ని కష్టాలు పెడతాడు అనుకుంటూ ఉంటుంది సౌందర్య. అప్పుడు సౌందర్య బాధను చూసిన అంజి బాధపడకండి మేడం ఎలా అయినా కార్తీక్ సార్ దీప మేడమ్ ఎదురు దొరుకుతారు అని అంటాడు.

హాస్పిటల్ లో శౌర్య అతికించిన పోస్టర్ ని చూసి కన్నీళ్లు పెట్టుకుంటాడు.
కార్తీక్: చూసావా చారుశీల ఈ వయసులో నా కూతురు మా కోసం ఎంతలా కష్టపడుతుందో ఇలాంటి కష్టమే ఏ తల్లి తండ్రికి రాకూడదు అని కన్నీళ్లు పెట్టుకుంటాడు. నాకు కొంచెం కూడా దయ లేదు చారుశీల కళ్ళముందు కూతురు కనిపిస్తున్నా కూడా తనని కష్టపడుతున్నాను 
చారుశీల: అలా మాట్లాడకు కార్తీక్ నీకు ఎంత కష్టం ఉంటే ఇలా బిడ్డ విషయంలో ఇంత కఠినమైన నిర్ణయం తీసుకున్నావు అని సర్దిచెబుతుంది. 
కార్తీక్: ఇక్కడ శౌర్య మాకోసం వెతుకుతోంది.. దీప శౌర్య కోసం వెతికి అలసిపోతోంది. తల్లీ బిడ్డల ఆరాటం చూస్తున్నా నేను ఏమీ చేయలేకపోతున్నా
చారుశీల: మరి చెప్పేయండి డాక్టర్ మరి ఎందుకు ఇంతలా బాధపడుతున్నారు. మీరు చెప్పకూడదు అనుకున్నారు కాబట్టి మంచి అని చెప్పడం లేదు కదా కాబట్టి మీరు ఎక్కువగా ఆలోచించి బాధపడకండి 

మరొకవైపు దీపకి పండరి టాబ్లెట్స్ ఇస్తుంటే..దీప దీర్ఘంగా ఆలోచిస్తుంది. ఏంటి దీపమ్మ ఎప్పుడూ ఇలాగే కూర్చుని బాధపడుతూ ఉంటావు అని అంటే.. శౌర్య కోసం అని చెబుతుంది. దీప చూపించిన ఇంద్రుడు-చంద్రమ్మ ఫొటో చూసిన పండరి.. వీళ్లు ఈ మధ్యే మా ఇంటికి దగ్గర్లోకి అద్దెకు దిగారు..నాకు తెలుసు అనడంతో దీప సంతోషిస్తుంది. వెంటనే తీసుకెళ్లమని బతిమలాడుతుంది. 

సౌందర్య-అంజి కలసి కార్తీక్ కోసం హాస్పిటల్స్ మొత్తం వెతుకుతూ ఉంటారు. అక్కడున్న డాక్టర్లని కార్తీక్ ఆచూకీ అడుగుతారు. మరోవైపు దీప-పండరి ఇద్దరూ శౌర్య కోసం వెళుతుంటారు. దీప కంగారు చూసి ఎందుకమ్మా అలా కంగారు పడతారు వాళ్లెక్కడికి పోతారని పండరి అంటుంది. గతంలో వాళ్లు తన నుంచి తప్పించుకుని వెళ్లిపోయిన సంగతి చెబుతుంది. మనం వెళుతున్నసంగతి వాళ్లకి తెలియదుకదా కంగారుపడొద్దని చెబుతుంది. అప్పుడు దీప కార్తీక్ కి కాల్ చేసి శౌర్య దగ్గరకు వెళుతున్న సంగతి చెబుతుంది. పండరీకి ఫోన్ ఇచ్చి అడ్రస్ చెప్పమంటుంది. కార్తీక్ షాక్ అవుతాడు

రేపటి( శనివారం)ఎపిసోడ్ లో
దీప వాళ్లు అక్కడకు వెళ్లేసరికి అక్కడ ఎవరూ ఉండరు..ఆ ఇంటి బయట ఇల్లు అమ్మబడును అని బోర్డు కనిపిస్తుంది. అది చూసి దీప షాక్ అవుతుంది. వెళ్లి అడిగొస్తానని పండరి అంటున్నా కార్తీక్ అడ్డుకుంటాడు. మనం వస్తున్న సంగతి తెలియదు కదా అని పండరి అంటే.. మీకు తెలుసుకదా డాక్టర్ బాబు అంటుంది దీప...అంటే నన్ను అనుమానిస్తున్నావా అంటాడు కార్తీక్...