Kangana on Prabhas: ప్రభాస్‌తో మళ్లీ మూవీ? కంగనా ఇంట్రెస్టింగ్ కామెంట్స్

పాన్ ఇండియన్ స్టార్ ప్రభాస్ పై కంగనా రనౌత్ ఇంట్రెస్టింగ్ కామెంట్స్ చేసింది. బాహుబలితో కలిసి మరో సినిమా చేసే అవకాశం ఉందా? అన్న అభిమాని ప్రశ్నకు ఆమె తెలివిగా సమాధానం చెప్పింది.

Photo@Kangana Ranaut/Instagram

కంగనా రనౌత్ గురించి సినీ ప్రేక్షకులకు పెద్దగా పరిచయం అవసరం లేదు. బాలీవుడ్ తో పాటు సౌత్ ఫిల్మ్ ఇండస్ట్రీలలోనూ పని చేసింది. తెలుగు ప్రేక్షకులనూ ఆమె అలరించింది. నిత్యం హాట్ కామెంట్స్ చేస్తూ వార్తల్లో నిలిచే కంగనా, నాలుగుసార్లు జాతీయ అవార్డులను అందుకుని సత్తా చాటుకుంది. ప్రస్తుతం ‘చంద్రముఖి-2’ అనే తమిళ సినిమాలో నటిస్తోంది. తాజాగా అభిమానులతో ట్విట్టర్ లో 'ఆస్క్ కంగనా' అనే ఇంటరాక్షన్ సెషన్ నిర్వహించింది. ఈ సందర్భంగా నెటిజన్లు అడిగిన ప్రశ్నలకు సమాధానం చెప్పింది.

ప్రభాస్ మంచి హోస్ట్ సరే, నటిస్తారా? లేదా?

ఈ నేపథ్యంలో ఓ అభిమాని ఆమెను బాహుబలి స్టార్‌ ప్రభాస్ తో తిరిగి సినిమా చేసే అవకాశం ఉందా? అని ప్రశ్నించాడు. కలవడం గురించి ప్రశ్నించాడు. అంతేకాదు, అతడితో ఉన్న ఓ మెమరీని పంచుకోవాలని కోరాడు. దీనికి కంగనా ఇంట్రెస్టింగ్ ఆన్సర్ ఇచ్చింది. ప్రభాస్ అద్భుతమైన హోస్ట్ అని చెప్పింది. ఆయన ఇంట్లో ఫుడ్ బ్రహ్మాండంగా ఉందని చెప్పింది. కానీ ప్రభాస్ తో నటించే విషయాన్ని దాటవేసింది. ఇంతకీ తనతో నటించాలని ఉందా? లేదా? అనే ప్రశ్నకు క్లారిటీ ఇవ్వలేదు. 2009లో విడుదలైన ‘ఏక్ నిరంజన్’ చిత్రంలో ప్రభాస్‌తో కంగనా స్క్రీన్ షేర్ చేసుకుంది. తొలి చిత్రంతోనే తెలుగు ప్రేక్షకులలో మంచి ఫాలోయింగ్ సంపాదించుకుంది. ప్రభాస్, కంగనా నటనకు అభిమానులు ఫిదా అయ్యారు. అయితే, పూరీ జగన్నాథ్ తెరకెక్కించిన ఈ చిత్రం ప్రేక్షకులను పెద్దగా ఆకట్టుకోలేకపోయింది.  

Prabhas home has the best food ever … and he is a wonderful host #askkangana https://t.co/gmACXcPo1d

— Kangana Ranaut (@KanganaTeam) February 20, 2023

తమిళ సినీ జనాలకు నచ్చాను, బాలీవుడ్ వాళ్లకు నచ్చలేదు

అటు హిందీ, తమిళ సినిమా పరిశ్రమ మధ్య తేడాల గురించి అభిమానులు ప్రశ్నించారు. “హిందీ సినిమా,  తమిళ సినిమాల మధ్య తేడాలు ఏంటి? దక్షిణాదిలో మీకు ఇష్టమైన దర్శకుడు ఎవరు? అని ఓ నెటిజన్ అడిగాడు. ఈ ట్వీట్‌కు కంగనా సమాధానం చెప్పింది. ప్రస్తుతం తాను మూడో తమిళ చిత్రం చేస్తున్నట్లు చెప్పింది. తమిళ సినిమా పరిశ్రమలో తన పట్ల మంచి అభిమానం ఉందని చెప్పింది. అక్కడి మేకర్స్, అభిమానుల పట్ల తనకు ఎంతో సంతోషంగా ఉందన్నారు. నిజానికి తాను ప్రొఫెషనల్‌గా, ప్రశాంతంగా ఉంటానని, సొంత ప్రయోజనాన్ని దృష్టిలో ఉంచుకుని టైంపాస్ కోసం ఎవరితోనూ మాట్లాడనని వారు ఎప్పుడూ చెబుతుంటారని వెల్లడించింది. సరిగ్గా ఇవే లక్షణాలు బాలీవుడ్ జనాలకు నచ్చడం లేదని చెప్పింది. ఇలా ఉంటే తనను హిందీ పరిశ్రమలో అహంకారిగా భావిస్తున్నారని వెల్లడించింది.

This is my third Tamil film and I just love it for sheer acceptance they have for me, they tell me I am professional, calm and mind my own business, never talk to anyone for timepass it’s amusing that exactly for these qualities Bollywoodias call me arrogant and rude #askkangna https://t.co/jJynZh6IDb

— Kangana Ranaut (@KanganaTeam) February 20, 2023

ప్రస్తుతం కంగనా రనౌత్ స్వీయ దర్శకత్వంలో ‘ఎమర్జెన్సీ’ అనే సినిమా చేస్తోంది. ఇప్పటికే షూటింగ్ కంప్లీట్ అయ్యింది. ప్రస్తుతం పోస్టు ప్రొడక్షన్ పనులు జరుగుతున్నాయి. ఈ మూవీని ఈ ఏడాదిలోనే విడుదల చేసేందుకు ప్రయత్నాలు జరగుతున్నాయి. ఈ హిస్టారికల్ డ్రామాలో కంగనా రనౌత్ మాజీ ప్రధాని ఇందిరా గాంధీ పాత్రలో నటిస్తోంది. ఇక ఐకానిక్ హిట్ మూవీ ‘చంద్రముఖి’కి సీక్వెల్ అయిన ‘చంద్రముఖి2’లో ఆమె టైటిల్ రోల్ పోషిస్తోంది.2005లో రజనీకాంత్, జ్యోతిక ప్రధాన పాత్రల్లో ‘చంద్రముఖి’ సినిమా తెరకెక్కి బ్లాక్ బస్టర్ హిట్ అందుకుంది. ప్రస్తుతం ఈ సినిమా పి. వాసు దర్శకత్వంలో రాఘవ లారెన్స్, కంగనా కలిసి నటిస్తున్నారు.