Ka Movie OTT: ‘క’ ఓటీటీ రిలీజ్... అసలు విషయం చెప్పేసిన మేకర్స్, పుకార్లకు చెక్

త్వరలో ‘క’ సినిమా ఓటీటీ విడుదల కాబోతుందంటూ వార్తలు వస్తున్న నేపథ్యంలో నిర్మాణ సంస్థ క్లారిటీ ఇచ్చింది. ఇప్పట్లో ఈ మూవీ ఓటీటీలోకి వచ్చే అవకాశం లేదని వెల్లడించింది.

‘క’ సినిమా

Source : Social Media

Ka OTT Release: యంగ్ హీరో కిరణ్ అబ్బవరం ప్రధాన పాత్రలో తెరకెక్కిన తాజా చిత్రం ‘క’. దీపావళి కానుకగా ప్రేక్షకుల ముందుకు వచ్చిన ఈ చిత్రం చక్కటి విజయాన్ని అందుకుంది. సుమారు ఏడాది గ్యాప్ తర్వాత ‘క’ మూవీతో థియేటర్లలోకి అడుగు పెట్టిన కిరణ్... కెరీర్ లో సాలిడ్ హిట్ అందుకున్నారు. తొలి షో నుంచే ఈ సినిమాకు పాజిటివ్ టాక్ లభించింది. మౌత్ పబ్లిసిటీతో ప్రేక్షకులు మూవీని చూసేందుకు పోటెత్తుతున్నారు. తొలుత ‘క’ సినిమాకు థియేటర్స్ తక్కువగానే లభించినా... హిట్ టాక్ రావడంతో థియేటర్ల సంఖ్య నెమ్మదిగా పెరుగుతూ వచ్చింది. సుజిత్- సందీప్ దర్శకత్వం వహించిన ఈ సినిమాలో నయన్ సారిక హీరోయిన్ గా నటించింది.

‘క’ ఓటీటీ రిలీజ్ పై నిర్మాణ సంస్థ క్లారిటీ

ఓవైపు ఈ సినిమా థియేటర్లలో సక్సెస్ ఫుల్ గా రన్ అవుతుండగానే, మరోవైపు ఓటీటీలో విడుదల అవుతుందంటూ ఊహాగానాలు వినిపించాయి. నవంబర్ 21 నుంచి ఈ మూవీ స్ట్రీమింగ్ కు వస్తుందంటూ ప్రచారం జరిగింది. ఈ నేపథ్యంలో చిత్ర నిర్మాణం బృందం క్లారిటీ ఇచ్చింది. “’క' మూవీ ఇప్పట్లో ఓటీటీలోకి రాదు. థియేటర్లలోనే చూడండి. త్వరలో ఓటీటీలో ఈ సినిమా విడుదల అవుతుందని వస్తున్న అసత్య వార్తలను నమ్మకండి” అని మేకర్స్ వెల్లడించారు.  

#KA We are not coming to OTT any sooner, we want you all to experience our movie im thratres only. Please discard any fake news in this regards

— Vamsi Nandipati (@connect2vamsi) November 6, 2024

‘క’ ఓటీటీ రైట్స్ దక్కించుకున్న రెండు సంస్థలు!   

అటు ‘క’ సినిమాకు సంబంధించి ఇప్పటికే ఓటీటీ డీల్ కంప్లీట్ అయ్యింది. ఈ సినిమాను రెండు ప్రముఖ ఓటీటీ సంస్థలు దక్కించుకున్నట్లు తెలుస్తోంది. తొలుత ఈ సినిమా డిజిటల్ రైట్స్ ను  ప్రముఖ ఓటీటీ సంస్థ నెట్ ఫ్లిక్స్ దక్కించుకున్నది.  ఇందుకోసం పెద్ద మొత్తంలో డబ్బు చెల్లించినట్లు తెలిసింది. మరోవైపు తెలుగు ఓటీటీ సంస్థ  ఈటీవీ విన్ కూడా కొనుగోలు చేసినట్లు తెలిసింది. ఈ రైట్స్ కోసం సుమారు రూ. 10 కోట్లు చెల్లించినట్లు ప్రచారం జరుగుతోంది. వాస్తవానికి గత కొద్ది కాలంగా  నిర్మాణ సంస్థలు తమ సినిమాలను పలు ఓటీటీ సంస్థలకు అమ్ముతున్నాయి. సుధీర్ బాబు హీరోగా నటించిన ‘హరోమ్ హర’ సినిమాను మేకర్స్ మూడు ఓటీటీ ఫ్లాట్ ఫారమ్స్ కు అమ్మారు. ఈ సినిమా ఆహా, అమెజాన్ ప్రైమ్ తో పాటు సన్ నెక్ట్స్ లో అందుబాటులో ఉంది. ‘క’ సినిమా రైట్స్ ను కూడా నెట్ ఫ్లిక్స్ తో పాటు ఈటీవీ విన్ దక్కించుకున్నట్లు తెలిసింది.

ఇక ‘క’ సినిమా చింతా వరలక్ష్మి సమర్పణలో శ్రీ చక్రాస్ ఎంటర్‌ టైన్‌ మెంట్స్ బ్యానర్‌ పై చింతా గోపాలకృష్ణ రెడ్డి ఈ సినిమాను నిర్మించారు. సుజీత్, సందీప్ జంటగా విలేజ్ బ్యాక్ డ్రాప్ యాక్షన్ థ్రిల్లర్ స్టోరీతో ఈ సినిమాను తెరకెక్కించారు. దీపావళి కానుకగా గత నెల(అక్టోబర్) 31న ప్రేక్షకుల ముందుకు వచ్చింది. తెలుగుతో పాటు తమిళ్, మలయాళం, కన్నడ భాషల్లో ఈ సినిమా విడుదల అయ్యింది.