Sai Pallavi: డైరెక్టర్ ప్రపోజల్ - సాయిపల్లవి ఒప్పుకుంటుందా?

'కాఫీ విత్ కరణ్' ఓటీటీ వెర్షన్ కోసం సౌత్ సెలబ్రిటీలను ఇంటర్వ్యూ చేస్తున్నారు.

Written By : ABP Desam | Updated at : 08 Jun 2022 03:06 PM (IST)

డైరెక్టర్ ప్రపోజల్ - సాయిపల్లవి ఒప్పుకుంటుందా?

బాలీవుడ్ లో దర్శకనిర్మాతగా మంచి గుర్తింపు తెచ్చుకున్న కరణ్ జోహార్ సొంతంగా ఓ టాక్ షోని కూడా మొదలుపెట్టారు. 'కాఫీ విత్ కరణ్' అనే పేరుతో ఈ షో బాగా పాపులర్ అయింది. ఈ షోలో కరణ్ చాలా వివాదాస్పద ప్రశ్నలు అడుగుతుంటారు. ఈ ఇంటర్వ్యూ కారణంగా చాలా మంది సెలబ్రిటీలు చిక్కుల్లో పడ్డ సందర్భాలు కూడా ఉన్నాయి. ఇప్పుడు ఈ షోలో సాయిపల్లవి కనిపించబోతుంది సమాచారం.

వివరాల్లోకి వెళితే.. 'కాఫీ విత్ కరణ్' ఓటీటీ వెర్షన్ కోసం సౌత్ సెలబ్రిటీలను ఇంటర్వ్యూ చేస్తున్నారు. రీసెంట్ గా విజయ్ దేవరకొండ, అనన్య పాండే, సమంత లాంటి తారలను ఇంటర్వ్యూ చేసినట్లు సమాచారం. త్వరలోనే మరికొంతమంది సూపర్ స్టార్స్ ను ఇంటర్వ్యూ చేయబోతున్నారు. ఇదిలా ఉండగా.. ఇటీవల విడుదలైన 'విరాటపర్వం' ట్రైలర్ చూసిన కరణ్ జోహార్ అప్పటినుంచి సాయిపల్లవికి ఫ్యాన్ అయిపోయారు.

ఈ విషయాన్ని ఆయన ట్విట్టర్ వేదికగా చెప్పారు. ఇప్పుడు 'విరాటపర్వం' జంట రానా, సాయిపల్లవిలను తన షోకి ఆహ్వానించాలని కరణ్ భావిస్తున్నారు. రానాతో కరణ్ జోహార్ కి మంచి రిలేషన్ ఉంది కాబట్టి ఆయన నో చెప్పే ఛాన్స్ లేదు. మరి సాయిపల్లవి ఈ ప్రపోజల్ కి ఒప్పుకుంటుందో లేదో చెప్పలేని పరిస్థితి. సినిమా ప్రమోషన్స్ లో అయితే జోరుగా పాల్గొంటుంది కానీ ఇలా స్పెషల్ ఇంటర్వ్యూ లంటే కాస్త దూరంగానే ఉంటుంది. కానీ కరణ్ జోహార్ లాంటి డైరెక్టర్ అడిగితే సాయిపల్లవి కాదనలేదు. మరేం జరుగుతుందో చూడాలి!

Also Read: మా సినిమా బ్రాహ్మణుల మనోభావాలను కించపరిచేలా ఉండదు - 'అంటే సుందరానికీ' దర్శకుడు వివేక్ ఆత్రేయ

Also Read: తెలుగు ఇండియన్ ఐడల్ గ్రాండ్ ఫినాలేకు మెగా టచ్, ఫైనల్ ఎపిసోడ్ చీఫ్ గెస్ట్ ఎవరో తెలుసా?