Salman Khan: క్రేజీ ఆఫర్ కొట్టేసిన విక్రమ్ డైరెక్టర్? సల్మాన్ ఖాన్‌తో సినిమా?

విక్రమ్ సినిమా క్లాస్, మాస్ ప్రేక్షకులందరినీ అలరించింది. ప్రస్తుతం ఓటీటీలో స్ట్రీమింగ్ అవుతోంది.

లోకేష్ కనగరాజ్ - సల్మాన్ ఖాన్

కమల్ హాసన్ కు చాలా ఏళ్ల తరువాత క్రేజ్ హిట్ తెచ్చిన సినిమా ‘విక్రమ్’. యాక్షన్ సన్నివేశాలు క్లాస్, మాస్ తేడా లేకుండా అందరినీ అలరించాయి. ఆ సినిమాతో డైరెక్టర్ లోకేష్ కనగరాజ్ మంచి పేరు తెచ్చుకున్నాడు. ఈ సినిమా తమిళం,తెలుగు, హిందీ, మలయాళం భాషల్లో విడుదలైంది. హిందీలో విక్రమ్ సినిమా సల్మాన్ ఖాన్ చూశారు. ఆ సినిమా ఆయనకు బాగా నచ్చిందని సమాచారం. ఈ యంగ్ డైరెక్టర్‌కు సల్మాన్ ఖాన్ త్వరలో అవకాశం ఇవ్వనున్నట్టు తెలుస్తోంది. ఆ సినిమాను మైత్రి ప్రొడక్షన్స్ నిర్మించనున్నట్టు టాక్ నడుస్తోంది. 

హైదరాబాద్ వచ్చినప్పుడే...
ఆ మధ్యన సల్మాన్ ఖాన్ షూటింగ్ కోసం హైదరాబాద్ వచ్చారు. ఆ సమయంలోనే లోకేష్ - సల్మాన్ మధ్య భేటీని ఏర్పాటు చేశారట మైత్రి ప్రొడెక్షన్స్. సల్మాన్ ఖాన్ లోకేష్ సినిమాలో నటించేందుకు ఒప్పుకున్నట్టు సమాచారం. ప్రస్తుతం ఈ బాలీవుడ్ కండల

వీరుడు టైగర్ 3లో నటిస్తున్నాడు. అలాగే మరో సినిమాలో కూడా నటిస్తున్నాడు. ఈ రెండు సినిమాల తరువాత లోకేష్ సినిమా మొదలయ్యే అవకాశం ఉంది. ఇటు లోకేష్ కూడా చాలా బిజీగానే ఉన్నారు. దళపతి విజయ్ తో ఆయన ప్రస్తుతం ఓ మూవీ చేస్తున్నారు. అలగే మళ్లీ కమల్ హాసన్ తో సినిమా చేయబోతున్నాడు. విక్రమ్ సీక్వెల్ కూడా రాబోతోందని ఆల్రెడీ హింట్ ఇచ్చారు. కాబట్టి వీరిద్దరూ తమ చేతిలో ఉన్న సినిమాలు పూర్తి చేశాకే తమ కాంబో మూవీని మొదలుపెట్టగలరు. కాబట్టి ఆ సినిమా పట్టలెక్కడానికి కనీసం ఏడాదైనా పట్టేలా ఉంది.

లోకేష్ కనగరాజ్ గతంలో ఖైదీ అనే సినిమాకు దర్శకత్వం వహించారు. అందులో కార్తీ హీరోగా నటించారు.  ఆ సినిమాతో అతనికి మంచి పేరే వచ్చింది కానీ స్టార్ డైరెక్టర్ హోదా రాలేదు. ఇప్పుడు విక్రమ్ సినిమాతా ఆ కోరిక తీరింది. యువ స్టార్ డైరెక్టర్ గా మారిపోయాడు లోకేష్. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Lokesh Kanagaraj (@lokesh.kanagaraj)