Alia Bhatt - Nag Ashwin: నాగ్ అశ్విన్ లేడీ ఓరియంటెడ్ మూవీ ప్లాన్... బాలీవుడ్ హీరోయిన్, 'ఆర్ఆర్ఆర్' ఫేమ్ ఆలియాతో చర్చలు

Nag Ashwin Upcoming Movie: నాగ్ అశ్విన్ లేడీ ఓరియంటెడ్ మూవీ ప్లాన్ చేస్తున్నారని, అందులో లీడింగ్ రోల్ కోసం బాలీవుడ్ హీరోయిన్ అలియా భట్ తో చర్చలు జరుపుతున్నారని ప్రచారం జరుగుతోంది.

నాగ్ అశ్విన్, అలియా భట్

Source : ABPLIVE AI

ప్రభాస్ హీరోగా నటించిన ఫ్యూచరిస్టిక్ ఇండియా మూవీ 'కల్కి 2898 ఏడి' ఈ ఏడాది బాక్స్ ఆఫీస్ రికార్డులను తిరగ రాసిన విషయం తెలిసిందే. ఈ సినిమాతో డైరెక్టర్ నాగ్ అశ్విన్ అంతర్జాతీయ స్థాయిలో మంచి డైరెక్టర్ గా పాపులారిటీని తెచ్చుకున్నారు. అయితే నాగ్ అశ్విన్ నెక్స్ట్ మూవీ ఏంటి అన్నది ఇప్పుడు ప్రశ్నార్థకంగా మారింది. 'కల్కి 2898 ఏడీ' మూవీ రిలీజ్ అయ్యాక దీనికి సీక్వెల్ ఉంటుంది కాబట్టి బిజీగా ఉంటారు అని అనుకున్నారు. అయితే ఆ తర్వాత ఏంటి? ఆయన నెక్స్ట్ ప్రాజెక్టు ఏ హీరోతో ఉండబోతోంది? అంటే నిన్న మొన్నటిదాకా సమాధానం లేదు. కానీ తాజాగా నాగ్ అశ్విన్ నెక్స్ట్ ప్రాజెక్ట్ గురించి ఓ వార్త వైరల్ గా మారింది. 

టాలెంటెడ్ డైరెక్టర్ నాగ్ అశ్విన్ (Nag Ashwin), బాలీవుడ్ హీరోయిన్ ఆలియా భట్ (Alia Bhatt)తో కలిసి నెక్స్ట్ ప్రాజెక్ట్ చేయబోతున్నట్టుగా టాక్ నడుస్తోంది. ఆలియాతో ఆయన లేడీ ఓరియంటెడ్ సినిమా తీయబోతున్నాడు అంటూ జోరుగా ప్రచారం జరుగుతుంది. ఈ ప్రాజెక్టు కోసం ఇటీవల చర్చలు జరిపారని పుకార్లు షికార్లు చేస్తున్నాయి. దీంతో ఒక్కసారిగా ఈ వార్త సోషల్ మీడియా సెన్సేషన్ గా మారింది. రీసెంట్ గా 'జిగ్రా' మూవీతో ప్రేక్షకుల ముందుకు వచ్చి మిక్స్డ్ టాక్ అందుకున్న ఈ బ్యూటీ ప్రస్తుతం ఒక స్పై మూవీని చేస్తోంది. ఈ సినిమాను ప్రముఖ బాలీవుడ్ నిర్మాణ సంస్థ యష్ రాజ్ ఫిల్మ్స్ బ్యానర్ పై నిర్మిస్తున్నారు.  తాను అనుకున్న లేడీ ఓరియంటెడ్ ప్రాజెక్ట్ లో క్యారెక్టర్ కు ఆలియా అయితేనే సరిగ్గా సరిపోతుందని నాగ్ అశ్విన్ భావిస్తున్నట్టు ప్రచారం జరుగుతోంది. ఈ సినిమాలో హీరోయిన్ ది ఎమోషనల్ గా ఇంటెన్స్ అండ్ డెప్త్ తో కూడిన పాత్ర అని తెలుస్తుంది. అయితే ఈ సినిమా బ్యాక్ గ్రౌండ్ ఏంటి అన్నది మాత్రం ఇంకా తెలియాల్సి ఉంది.

అన్నీ అనుకున్నట్టుగా జరిగితే ఈ ప్రాజెక్టును ప్రముఖ నిర్మాణ సంస్థ వైజయంతి ఫిలిమ్స్ నిర్మిస్తుందని, ఇంకా పేరు పెట్టని ఈ సినిమా 2025 ద్వితీయార్థంలో షూటింగ్ మొదలవుతుందని అంటున్నారు. ఆలియా భట్ ఇప్పటికే రాజమౌళి దర్శకత్వంలో వచ్చిన 'ఆర్ఆర్ఆర్: రౌద్రం రణం రుధిరం' సినిమాలో నటించిన సంగతి తెలిసిందే. ఇదిలా ఉండగా ప్రస్తుతం నాగ్ అశ్విన్ 'కల్కి 2898 ఏడీ' సీక్వెల్ తో బిజీగా ఉన్నారు. ఈ మూవీ షూటింగ్ జనవరి, ఫిబ్రవరిలో మొదలు పెట్టే ఛాన్స్ ఉన్నట్టుగా తెలుస్తోంది. ఈ సినిమా షూటింగ్ ప్రారంభమైన తర్వాత పార్ట్ 2 కు సంబంధించిన మరిన్ని అప్డేట్స్ ఇస్తామని నిర్మాతలు ఇప్పటికే చెప్పారు. అయితే మూవీ ఫస్ట్ పార్ట్ ను తీస్తున్న టైంలోనే రెండో పార్ట్ కు సంబంధించిన కొంత భాగం షూటింగ్ కానిచ్చేశారు. ఇప్పుడు సీక్వెల్ కి సంబంధించి మరికొన్ని కీలక సన్నివేశాలతో పాటు విఎఫ్ఎక్స్ పనులు మాత్రమే మేకర్స్ పూర్తి చేయాల్సి ఉంది. ఈ మూవీ రిలీజ్ అయ్యాక నాగ్ అశ్విన్ - ఆలియా భట్ ప్రాజెక్టు మొదలయ్యే ఛాన్స్ ఉంది.