Meetha Raghunath Wedding: మూడు ముళ్ల బంధంలోకి అడుగు పెట్టిన ‘గుడ్ నైట్’ బ్యూటీ- నెట్టింట్లో పెళ్లి ఫోటోలు వైరల్
‘గుడ్ నైట్’ హీరోయిన్ మీతా రఘునాథ్ వివాహ బంధంలోకి అడుగు పెట్టింది. గత ఏడాది నిశ్చితార్థం కాగా, తాజాగా మూడు ముళ్ల బంధంతో సంసార జీవితాన్ని మొదలు పెట్టింది.
Meetha Raghunath Wedding Photos: అన్నం ఉడికిందా? లేదా? అని చెప్పేందుకు ఒక్క మెతుకు పట్టుకుంటే చాలా అంటారు. అలాగే, నటన సామర్థ్యం ఏంటో తెలియాలంటే ఒక్క చిత్రం చేస్తే సరిపోతుంది. అలా, ఒకే ఒక్క చిత్రంతో నటిగా సత్తా చాటుకున్న ముద్దుగుమ్మ మీతా రఘునాథన్. గత ఏడాది తమిళంలో తెరకెక్కిన చిత్రం ‘గుడ్ నైట్’తో బాగా పాపులర్ అయ్యింది. చక్కటి కంటెంట్ తో రూపొందిన ఈ సినిమా హాట్ స్టార్ వేదికగా ఓటీటీలో విడుదల అయ్యింది. చిన్న చిత్రంగా ప్రేక్షకుల ముందుకు వచ్చిన ఈ మూవీకి ప్రేక్షకుల నుంచి మంచి ఆదరణ దక్కింది. యువతతో పాటు ఫ్యామిలీ ఆడియెన్స్ కు ఈ చిత్రం బాగా నచ్చింది. వసూళ్ల పరంగానూ సత్తా చాటింది.
అమాయకపు అమ్మాయిగా ఆకట్టుకున్న మీతా
గురక సమస్యను బేస్ చేసుకుని వినాయక్ చంద్రశేకర్ ఈ సినిమాను రూపొందించారు. ఈ చిత్రంలో మీతా, మణికంఠన్ జంటగా నటించారు. అందం, అమాయకత్వంతో కూడిన అమ్మాయిగా మీతా చక్కటి నటనతో ఆకట్టుకుంది. గురక పెట్టే యువకుడిగా మణికంఠన్ అద్భుతంగా నటించాడు. అతడి భార్య పాత్రలో మీతా ఒదిగిపోయి కనిపించింది. భర్త కోసం తన ఆనందాన్ని కూడా త్యాగం చేసే భార్యగా మెప్పింది. నేచురల్ లుక్ తో అభిమానులను ఆకట్టుకుంది. ఆమె నటనకు యువత ఫిదా అయ్యారు. భార్య అంటే మీతా లాగే ఉండాలని భావించారు.
మీతా రఘునాథ్ పెళ్లి ఫోటోలు వైరల్
ఇక అందాల తార మీతా రఘునాథ్ కు గత ఏడాది నవంబర్ లో నిశ్చితార్థం అయ్యింది. తాజాగా ఆమె అభిమానులను సర్ ప్రైజ్ చేసింది. మూడు ముళ్ల బంధంతో సంసార జీవితంలోకి అడుగు పెట్టింది. పెళ్లి ఫోటోలను సోషల్ మీడియా వేదికగా షేర్ చేసింది. అయితే, తన భర్తకు సంబంధించిన ఎలాంటి వివరాలను మీతా బయటకు చెప్పలేదు. ఆయన పేరు ఏంటి? ఏప్రాంతానికి చెందిన వాడు? వాళ్ల ఫ్యామిలీ బ్యాగ్రౌండ్ ఏంటి? అనే విషయాలను రహస్యంగా ఉంది. అయితే, వీరి పెళ్లి మాత్రం మీతా సొంతూరు ఊటీలో జరిగినట్టు తెలుస్తోంది. కుటుంబ సభ్యులు, బంధుమిత్రుల సమక్షంలో వైభవంగా వివాహం జరిగింది. ఇక సోషల్ మీడియా ద్వారా పెళ్లి ఫోటోలను షేర్ చేసిన ఆమె, ‘మై హార్ట్’ అంటూ కామెంట్ పెట్టింది. దానికి లవ్ ఎమోజీ యాడ్ చేసింది. చక్కటి పట్టు చీరలో సంప్రదాయబద్దంగా కనిపిస్తూ ఆకట్టుకుంది. ఈ ఫోటోలను చూసి నెటిజన్లు శుభాకాంక్షలు చెప్తున్నారు. జంట చూడ ముచ్చటగా ఉందని కామెంట్స్ పెడుతున్నారు.
View this post on Instagram
టాప్ హెడ్ లైన్స్
ట్రెండింగ్ వార్తలు
