Satyabhama Serial Today December 17 Highlights : MLAగా పోటీ చేస్తానని మహదేవయ్యకి షాక్ ఇచ్చిన సత్య.. క్రిష్ దారెటు - సత్యభామ డిసెంబరు 17 ఎపిసోడ్ హైలెట్స్!

Satyabhama Today Episode: క్రిష్.. మహదేవయ్య కొడుకు కాదని సత్య బయటపెడదాం అనుకుంటే ప్లాన్ రివర్సైంది. మహదేవయ్య రివర్స్ గేమ్ మొదలుపెట్టాడు... ఈ రోజు ఎపిసోడ్ లో ఏం జరిగిందంటే....

(Image Credit: Disney Plus Hotstar/ Star Maa)

ఇంటి గొడవను మహదేవయ్యే క్రియేట్ చేసి మహదేవయ్యే సాల్వ్ చేస్తాడు. ఆ తర్వాత విశ్వనాథం ఎమోషన్ అవుతాడు. నాకోసం ఎంత కష్టపడ్డావ్ అమ్మా అని కూతురు సత్యతో మాట్లాడుతాడు. ఈ సమస్య క్రియేట్ చేసింది మహదేవయ్యే అని నేను నమ్ముతానమ్మా అంటాడు విశ్వనాథం. నీ ఉద్వేగాన్ని గొంతుదాటి బయటకు రానివ్వలేదు..అదీ నా కూతురంటే అని మెచ్చుకుంటాడు..

మీ ఇద్దరి మధ్యా ఏదో జరుగుతోంది..అదేంటని అడగను..చెప్పేవిషయమే అయితే చెప్పేదానివే. కానీ కొమ్ములతో కొండని ఢీ కొట్టడం జరిగేపనికాదమ్మా అంటాడు. కొన్ని విషయాల్లో లాభనష్టాలు బేరీజు వేసుకోతుండా వెళ్లాలి నాన్నా అంటుంది.

అత్తారింట్లో అడుగుపెట్టిన సత్యని నిలదీస్తుంది భైరవి..నీ పుట్టింట్లోళ్లు చీర, సారె ఇచ్చి పంపలే పనికిమాలిన ఆత్మగౌరవం ఎందుకు అంటుంది. నాకు ఓపిక లేదని సత్య అంటే..పెద్ద క్లాస్ వేస్తుంది భైరవి. కాళ్లు పట్టుకుంటా అంటుంది సత్య. నా పెనిమిటిని ఎందుకు సతాయిస్తున్నావ్ అంటుంది. డబ్బులు కోసమే ఈ ఇంట అడుగుపెట్టావా అని అవమానిస్తుంది

ఇంతలో ఎంట్రీ ఇచ్చిన మహదేవయ్య సత్యను చూసి క్రూరంగా నవ్వుతాడు. అత్తింటినుంచి దోచి పుట్టింటికి పెట్టుడే ఉద్యోగం లెక్క పెట్టుకున్నవా అంటుంది. భైరవి నువ్వు లోపలకు పో నేను చెప్పేతీరుగా చెబుతా అంటాడు..

గంగని అడ్డుపెట్టుకుని దొంగాట నువ్వు ఆడావ్..నీ కుటుంబాన్ని అడ్డుపెట్టుకుని నేను ఆడినా..నా ఆటకి రూల్స్ ఉండవ్.. నాపై తలఎగరేస్తే ఎదుటివాళ్లని బలిస్తా అంటాడు. కిందపడిన శత్రువుకి లేచే అవకాశం ఇవ్వను..ఎక్కువరోజులు యుద్ధం జరిగితే శత్రువుపై జాలి వేస్తుంది.. నీపై జాలేస్తోంది రాజీ పడతావా అంటాడు

అంటే అసలు తండ్రి ఎవరో క్రిష్ కి చెప్పేయడమేనా అంటుంది సత్య.. వెటకారం వద్దు , పొగరు తగ్గలే అంటాడు. ఇద్దరూ సవాల్ చేసుకుంటారు. నన్ను ఎదుర్కొనే ధైర్యం లేక నా పుట్టింటిపై పడ్డారని రెచ్చగొడుతుంది. నా చేతిలో పవర్ ఉంది నన్నేం చేయలేవ్ .. నీ దగ్గర ఏముందంటే..క్రిష్ ఉన్నాడని చెబుతుంది.

దొంగప్రేమ ముసుగులో క్రిష్ ని మాయ చేశారు..నాకు మానాన్నకి మధ్య ఉన్నది కన్నప్రేమ..మళ్లీ మా నాన్న జోలికి వెళితే ఈసారి నష్టపోయేది మీరు అని రివర్సవుతుంది. మళ్లా మళ్లా మీ నాయన్నే టార్గెట్ చేస్తా అంటాడు..అదే జరిగితే నేనే మీ ప్రాణం తీస్తా అంటుంది. రాజకీయంగా బాహుబలి అవుతా..నిన్ను మీవాళ్లని నలిపేస్తా అంటాడు..

సత్యభామ డిసెంబరు 18 ఎపిసోడ్ లో క్రిష్ కి హ్యాపీ బర్త్డే చెబుతుంది సత్య... ఆ తర్వాత నువ్వు రాజకీయాల్లోకి వస్తానన్న విషయం నీ భర్తకి చెబితే కట్టిన తాళి తెంచేసి అవతలకు తోసేస్తాడని బెదిరిస్తాడు మహదేవయ్య...

విశ్వనాథం ఇంట్లో అందరూ కూర్చుని ఏదో గాలివాన వచ్చినట్టైందని జరిగినదంతా తలుచుకుంటారు. కష్టాలన్నీ ఒక్కసారి పోయాయ్ కదా అంటుంది సంధ్య...