Tesla Cars - Naatu Naatu: టెస్లా కార్ల ‘నాటు నాటు‘ లైటింగ్ షోపై స్పందించిన మస్క్ మామ - RRR టీమ్ ఫుల్ ఖుష్!

దర్శకుడు ఎస్ఎస్ రాజమౌళి తెరకెక్కించిన ‘RRR’ మూవీ ప్రపంచ వ్యాప్తంగా సంచలన విజయాన్ని అందుకుంది. బాక్సాఫీస్ రికార్డులను బద్దలు కొట్టింది. రూ.1200 కోట్లు వసూళ్లు చేసి వారెవ్వా అనిపించింది. ఇక ప్రపంచ ప్రఖ్యాత అవార్డులను దక్కించుకోవడంలో దుమ్మురేపింది. 95వ అకాడమీ అవార్డ్స్ వేడుకలో బెస్ట్ ఒరిజినల్ సాంగ్ కేటగిరీలో ‘నాటు నాటు’ పాట ఆస్కార్ అవార్డును అందుకుంది.  ఒరిజినల్ సాంగ్‌గా అవార్డును గెలుచుకున్న మొదటి భారతీయ చిత్రంగా నిలిచింది. అంతకు ముందే గోల్డెన్ గ్లోబ్, క్రిటిక్స్ ఛాయిస్ అవార్డులను సైతం అందుకుంది.

‘నాటు నాటు’ పాట ఆస్కార్ గెలిచిన తర్వాత ప్రపంచ వ్యాప్తంగా చిన్న పిల్లల నుంచి పెద్దవారి వరకు ఈ పాటకు స్టెప్పులు వేస్తూ ఆకట్టుకుంటున్నారు. ‘నాటు నాటు’ డ్యాన్స్ చేస్తున్న వీడియోలు, రీళ్లు ఇంటర్నెట్‌ లో హల్ చల్ చేస్తున్నాయి. తాజాగా న్యూజెర్సీలో టెస్లా లైట్ షో ‘నాటు నాటు’ పాటతో దుమ్మురేపింది. ఈ పాటకు లయబద్దంగా కార్ల లైట్లు వెలిగిస్తూ, ఆర్పేస్తూ ఆకట్టుకున్నారు. నాటు పాటకు సింక్ అయ్యేలా లైట్స్ వేస్తూ అదుర్స్ అనిపించారు. అక్కడున్న వాళ్లంతా పాటకు స్టెప్పులు వేస్తూ ఎంజాయ్ చేశారు. ఈ లైట్ షో వీడియోను ‘RRR’ టీమ్ ఇన్ స్టాలో షేర్ చేసింది.  

.@Teslalightshows light sync with the beats of #Oscar Winning Song #NaatuNaatu in New Jersey 🤩😍

Thanks for all the love. #RRRMovie @Tesla @elonmusk pic.twitter.com/wCJIY4sTyr

— RRR Movie (@RRRMovie) March 20, 2023

‘నాటు నాటు‘ లైటింగ్ షోపై ఎలన్ మస్క్ ఏమన్నారంటే?

టెస్లా లైట్ షో ‘నాటు నాటు’ పాటతో హోరెత్తడంపై ఆ కంపెనీ అధినేత, ప్రపంచ కుబేరుడు ఎలన్ మస్క్ స్పందించారు. ‘RRR’ ట్విట్టర్ లో పోస్టు చేసిన ఈ వీడియోను ఆయన షేర్ చేశారు. ఈ మేరకు రెండు లవ్ ఎమోజీలను పెట్టారు.  

.@Teslalightshows light sync with the beats of #Oscar Winning Song #NaatuNaatu in New Jersey 🤩😍

Thanks for all the love. #RRRMovie @Tesla @elonmusk pic.twitter.com/wCJIY4sTyr

— RRR Movie (@RRRMovie) March 20, 2023

మస్క్ ట్వీట్ పై ‘RRR’ టీమ్ సంతోషం

మస్క్ స్పందనపై ‘RRR’ టీమ్ స్పందించింది. ఆయన ట్వీట్ పట్ల సంతోషం వ్యక్తం చేసింది. మీకు మా ప్రేమను చెల్లిస్తున్నామంటూ ట్వీట్ చేసింది.  

We PAID our love to @elonmusk ❤️❤️ https://t.co/pSRc3KT9f0

— RRR Movie (@RRRMovie) March 20, 2023

అటు టెస్లా కంపెనీ సైతం ఈ లైట్ షోను తమ అధికారిక ట్విట్టర్ ఖాతా నుంచి షేర్ చేసింది. దీపావళి పండుగ సృష్టించేందుకు ఒకే సమయంలో లెక్కకు మిక్కిలి వాహనాలతో లైట్ షో షెడ్యూల్ చేశామని రాసుకొచ్చింది. ప్రస్తుతం ఈ వీడియో సోషల్ మీడియాలో బాగా వైరల్ అవుతోంది.  

Schedule your light show on multiple vehicles simultaneously to create an epic festival of lights! https://t.co/XyhIXTTC0g

— Tesla (@Tesla) March 20, 2023

Read Also: అద్భుతం, న్యూజెర్సీలో కార్ల లైట్లతో ‘నాటు నాటు’ ప్రదర్శన - వైరల్ అవుతోన్న టెస్లా వీడియో, డోన్ట్ మిస్!