అనసూయను చూస్తే తన క్రష్ గుర్తొచ్చిందన్న దర్శకేంద్రుడు - విష్ణు ప్రియకు రెండు పెళ్లిలట!

‘క్యాష్ షో’లో అనసూయ, రాఘవేంద్రరావు సందడి చేశారు. ఇందులో వారు చేసిన సందడి నవ్వుల జల్లు కురిపించింది. ఇటీవలే ఈ షో ప్రోమోను యూట్యూబ్‌లో రిలీజ్ చేశారు.

Image Credit: Etv/ Mallemalatv

యాంకర్ అనసూయ ఎప్పుడైతే బుల్లితెర రాజ్యంలోకి అడుగుపెట్టారో.. అప్పటి నుంచే కుర్రాళ్లో నిద్రలేమి సమస్యలు మొదలైంది. తన అందంతో మెస్మరైజ్ చేసే అనసూయ.. పాపం వారికి కంటి మీద కునుకు లేకుండా చేస్తున్నారు. ఆమెకు ఉన్న క్రేజ్‌ను దృష్టిలోపెట్టుకుని వెండితెర సైతం అనసూయకు ఆహ్వానం పలికింది. ఇప్పటివరకే చేసినవి చిన్న పాత్రలే. కానీ, గుర్తుండిపోయే పాత్రలతో అనసూయ మెప్పిస్తున్నారు. తాజాగా అనసూయ ‘వాంటెడ్ పండుగాడ్’ అనే సినిమాలో నటించారు. ఇందులో ఆమె కీలక పాత్ర పోషిస్తున్నారు. ఈ చిత్రానికి దర్శకేంద్రుడు కె.రాఘవేంద్ర రావు పర్యవేక్షకులు. 

తాజాగా ఈటీవీలో ప్రసారమయ్యే ‘క్యాష్ షో’లో అనసూయ, రాఘవేంద్రరావు సందడి చేశారు. ఇందులో వారు చేసిన సందడి నవ్వుల జల్లు కురిపించింది. ఇటీవలే ఈ షో ప్రోమోను యూట్యూబ్‌లో రిలీజ్ చేశారు. వారితోపాటు విష్ణుప్రియ, యశ్వంత్ మాస్టర్, నిత్య శెట్టి కూడా ఈ షోకు హజరయ్యారు. అయితే, అనసూయ, రాఘవేంద్రరావు ప్రత్యేకంగా ఎంట్రీ ఇచ్చారు. అనసూయ, రాఘవేంద్రరావు చేతిలో చేయి వేసుకుని నడుచుకుంటూ స్టేజి మీదకు వచ్చారు. 

ఈ సందర్భంగా రాఘవేంద్రరావు రాఘవేంద్ర రావు కాసేపు ఫ్యాష్ బ్యాక్‌కు వెళ్లారు. తన లవ్ స్టోరీని చెప్పారు. తన కాలేజీ రోజుల్లో జరిగిన విషయాన్ని చెప్పారు. అప్పట్లో తనతో పాటు అనసూయ అనే అమ్మాయి ఉండేదన్నారు. కనీసం తన ఫ్లాష్ బ్యాక్ లోకి వెళ్దామనే అనసూయతో చేతిలో చేయివేసుకుని వచ్చినట్లు చెప్పారు. ఇదే సమయంలో యాంకర్ సుమా ఓ పంచ్ విసిరారు. అప్పట్లో సుమ పేరుతో ఎవరు లేరు కదా? అని అడిగారు. దానికి రాఘవేంద్రరావు వెంటనే రియాక్ట్ అయ్యారు. ‘‘నీ పెళ్లి చేసింది నేనే కదా’’ అన్నారు. అవును సర్.. ‘‘ఆ పాపం మాత్రం మీదే’’ అని సుమ అనగానే అంతా నవ్వేశారు. ఈసారి షోలో కనీసం రూ.10 కోట్లు అయినా గెల్చుకుని వెళ్లాలి అన్నారు రాఘవేంద్రరావు. అప్పుడు సుమ స్పందిస్తూ.. ‘‘10 కోట్లకైతే అనసూయను తీసుకెళ్లు. 100 కోట్లకైతే నన్ను తీసుకెళ్లు’’ అని అన్నారు. దీంతో ఆయన ‘‘అలా అయితే నువ్వే కావాలి’’ అన్నారు. దీంతో సుమ ఒక్కసారిగా షాకయ్యారు. ఆ తర్వాత అనసూయ, సుమ కలిసి ఓ పాటకు స్టెప్పులు వేశారు. ‘‘నవ మన్మథుడా.. అతి సుందరుడా’’ అనే పాటతో అదరగొట్టారు. అమ్మాయిగా సుమ.. అబ్బాయిగా అనసూయ చేశారు. ఎవరే అబ్బాయి అంటే.. నన్ను చూపించండి అని రాఘవేంద్రరావు చెప్పడంతో షో అంతా నవ్వుల మయంగా మారింది. 

అటు విష్ణు ప్రియకు రెండు యాపిల్ పండ్లు ఇచ్చారు. దీంతో ఆమె స్పందిస్తూ.. నాకు రెండు పండ్లు ఇచ్చారు.. నాకు పెళ్లై ఈ పండ్లతో హ్యాపీగా ఉండాలనుకుంటున్నట్లు అని తెలిపింది. ఆ మాటతో సుమ ఆమెకు మరో రెండు పండ్లు ఇచ్చి.. ఈ పండు నువ్వు.. ఇంకో పండు మీ ఆయన.. ఈ పండు మీకు పుట్టబోయే పాపో.. బాబో అని చెప్పింది. థ్యాంక్యూ అంటూ విష్ణు ప్రియ నవ్వుల్లో మునిగిపోయింది. ఆ తర్వాత రాఘవేంద్రరావు విష్ణు ప్రియ మీదకు ఫ్లవర్ బొకేస్ విసిరారు. వాటిని క్యాచ్ పట్టుకున్న విష్ణు ప్రియా.. ‘‘నాకు రెండు పెళ్లిల్లు’’ అని అరిచింది. ఆ తర్వాత కాదు కాదు ఒక పెళ్లే అని సరిచేసే ప్రయత్నం చేసింది. 
  
జబర్దస్త్ కామెడీ షో నుంచి తప్పుకున్న అనసూయ కొన్ని కొత్త షోలో చేస్తూనే సినిమాల్లోనూ నటిస్తున్నారు. ప్రస్తుతం రాఘవేంద్ర రావు సమర్పణలో వస్తున్న ‘వాంటెడ్‌ పండుగాడ్‌’ సినిమాలో నటించారు. ఈ సినిమా ఈ నెల 19న జనాల ముందుకు రాబోతుంది. ఈ సినిమా ప్రమోషన్ లో భాగంగా సినిమా యూనిట్ క్యాష్ షోలో పాల్గొని సందడి చేశారు. అనసూయ, రాఘవేంద్రరావు, విష్ణు ప్రియ, యశ్వంత్‌ మాస్టర్‌, నిత్య శెట్టి  ఈ షోలో పాల్గొని హంగామా చేశారు.