Nene Vasthunna Teaser: డ్యూయల్ రోల్‌లో ధనుష్ టెరిఫిక్ పెర్ఫార్మన్స్ - 'నేనే వస్తున్నా' టీజర్ చూశారా?

ధనుష్ నటించిన 'నేనే వస్తున్నా' సినిమా టీజర్ ను విడుదల చేశారు.

'నేనే వస్తున్నా' సినిమా టీజర్

తమిళ టాప్ హీరో ధనుష్ నటించిన లేటెస్ట్ మూవీ 'నానే వరువెన్'. ఈ సినిమా షూటింగ్ కంప్లీట్ చేసుకుని విడుదలకు సిద్ధమైంది. ఈ సినిమాను తెలుగులో రిలీజ్ చేయనున్నారు.  తెలుగులో  'నేనే వ‌స్తున్నా' అనే టైటిల్‌ ను ఫిక్స్ చేశారు.  తెలుగులో ఈ సినిమాను గీతా ఆర్ట్స్ బ్యాన‌ర్‌ పై అల్లు అర‌వింద్ విడుద‌ల చేస్తున్నారు. ఈ చిత్రాన్ని వి క్రియేష‌న్స్ ప‌తాకంపై క‌లైపులి ఎస్ థాను నిర్మించారు. ధ‌నుష్‌కు జోడీగా ఎల్లిడ్ ఆవ్ర‌మ్ హీరోయిన్‌ గా నటిస్తోంది. సెల్వ రాఘవన్‌ ఈ సినిమాకు దర్శకత్వం వహించారు. ఈ నెల (సెప్టెంబర్) 29న ఈ సినిమా విడుదల కాబోతుంది.

ఈ సినిమాలో ధనుష్ రెండు పాత్రల్లో కనిపించనున్నారు. ఒకటి హీరో పాత్ర కాగా, మరొకటి విలన్ రోల్. ఈ రెండు పాత్రల్లోనూ ధనుష్ గతంలో ఎప్పుడూ కనిపించని మాదిరిగా కనిపించనున్నట్లు తెలుస్తోంది. ధనుష్ విలన్ రోల్ పోషించడంతో కోలీవుడ్ లో ఈ సినిమా ఆసక్తిని కలిగిస్తోంది. ఇదిలా ఉండగా.. తాజాగా సినిమా టీజర్ ను విడుదల చేశారు. ఎలాంటి డైలాగ్స్ లేకుండా సన్నివేశాలతోనే సినిమాపై ఆసక్తి వచ్చేలా చేశారు మేకర్స్. డ్యూయల్ రోల్ లో ధనుష్ పెర్ఫార్మన్స్ ఓ రేంజ్ లో ఉంది. మరి పూర్తి సినిమా ఎలా ఉంటుందో తెలియాలంటే కొన్ని రోజులు వెయిట్ చేయాల్సిందే! 

Here's an intriguing teaser of @dhanushkraja & @selvaraghavan's #NeneVasthunna ~ #NaaneVaruvean 🔥

Telugu Teaser▶️https://t.co/JgciYbmhUb

In cinemas, Sep 2022!#AlluAravind #KalaippuliSThanu @thisisysr @ElliAvrRam @theedittable @omdop @Rvijaimurugan @theVcreations @GeethaArts pic.twitter.com/owaYb1tHCH

— Geetha Arts (@GeethaArts) September 15, 2022

ఇప్పటికే 'తిరు' సినిమాతో మంచి హిట్ అందుకున్న ధనుష్ ఈ సినిమాతో మరో విజయాన్ని ఖాతాలో వేసుకోవాలని చూస్తున్నారు. ఈ సినిమాతో పాటు తెలుగులో కొన్ని స్ట్రెయిట్ సినిమాలు చేస్తున్నారు ధనుష్. వెంకీ అట్లూరీ ద‌ర్శ‌క‌త్వంలో ధనుష్‌ 'సార్' అనే సినిమా చేస్తున్నారు. ప్రస్తుతం షూటింగ్ దశలో ఉన్న ఈ సినిమాలో సంయుక్త మీనన్ హీరోయిన్ గా కనిపించనుంది.

'పొన్నియన్ సెల్వన్'తో ఢీ కొట్టనున్న ధనుష్: 

ధనుష్ నటించిన ఈ సినిమా మణిరత్నం 'పొన్నియన్ సెల్వన్' సినిమాతో పోటీకి దిగబోతోంది. స్టార్ డైరెక్టర్ మణిరత్నం తెరకెక్కించిన భారీ బడ్జెట్ సినిమా 'పొన్నియన్ సెల్వన్‌' ఈనెల 30న విడుదల కానుంది. తెలుగులో దిల్ రాజు ఈ చిత్రాన్ని విడుదల చేస్తున్నాడు. ఈ సినిమా విడుదలకు ముందు రోజు ధనుష్ నటించిన 'నేనే వస్తున్నా' రిలీజ్ కానుంది.  ఈ సినిమాను తెలుగులో ప్రముఖ నిర్మాత అల్లు అరవింద్ విడుదల చేస్తున్నాడు. దీంతో ఇద్దరు నిర్మాతలు తమ సినిమాలను ఒకేసారి విడుదల చేయడం ఆసక్తికరంగా మారింది. ఏ సినిమా మంచి విజయాన్ని అందుకుంటుందోనని ప్రేక్షకులు ఆసక్తిగా ఎదురు చూస్తున్నారు.