Dhanush: బరిలోకి దిగిన ధనుష్ 'సార్' - ఇంకెన్ని పోటీకి వస్తాయో!

ధనుష్ 'సార్' సినిమా రిలీజ్ డేట్ ను అనౌన్స్ చేశారు.

బరిలోకి దిగిన ధనుష్ 'సార్' - ఇంకెన్ని పోటీకి వస్తాయో!

కోలీవుడ్ స్టార్ హీరో ధనుష్(Dhanush) తెలుగులో స్ట్రెయిట్ సినిమాలో నటిస్తున్నారు. వెంకీ అట్లూరి దర్శకత్వంలో సినిమా చేస్తున్నారు. ధనుష్. దీనికి 'సార్' అనే టైటిల్ ను ఫిక్స్ చేశారు. తెలుగు, తమిళ భాషల్లో ఈ సినిమాను తెరకెక్కిస్తున్నారు. కొన్నాళ్ల క్రితమే ఈ సినిమా రెగ్యులర్ షూటింగ్ మొదలైంది. ఇప్పటికే ఈ సినిమా నుంచి ఫస్ట్ లుక్, టీజర్ ని విడుదల చేశారు. 

తాజాగా సినిమా రిలీజ్ డేట్ ను అనౌన్స్ చేశారు. ఈ ఏడాది డిసెంబర్ 2న సినిమా ప్రేక్షకుల ముందుకు రానుంది. అయితే అదే రోజున అడివి శేష్ 'హిట్2' కూడా రాబోతుంది. ఇద్దరు యంగ్ హీరోలు పోటీ పడడానికి సిద్ధమవుతున్నారన్నమాట. నిజానికి ఇదే డేట్ న బాలకృష్ణ సినిమా కూడా వస్తుందని అనుకున్నారు. కానీ అది సంక్రాంతికి వెళ్లింది. మరిప్పుడు ధనుష్, అడివి శేష్ లతో పాటు ఇంకెవరైనా బరిలోకి దిగుతారేమో చూడాలి!

ఇక ధనుష్ 'సార్' సినిమా విషయానికొస్తే.. ఇందులో ఆయన 'బాల గంగాధర్ తిలక్' అనే జూనియర్ లెక్చరర్ పాత్రలో కనిపించనున్నారు. ఇందులో అతడి లుక్ కూడా చాలా నేచురల్ గా ఉంది. ఈ చిత్రాన్ని సితార ఎంటర్‌టైన్మెంట్స్, ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య సంయుక్తంగా నిర్మిస్తున్నారు. సంయుక్తా మీనన్(Samyuktha Menon) ఈ సినిమాలో హీరోయిన్ గా నటిస్తోంది. 

కోలీవుడ్ లో ఎన్నో హిట్ సినిమాలకు పని చేసిన దినేష్ కృష్ణన్ సినిమాటోగ్రఫీ అందిస్తుండగా.. జీవీ ప్రకాష్ కుమార్ సంగీతం అందిస్తున్నారు. తెలుగులో ధనుష్ నటిస్తోన్న తొలి తెలుగు సినిమా కావడంతో దీనిపై భారీ అంచనాలు ఏర్పడ్డాయి. ఇప్పటికే ధనుష్ డబ్బింగ్ సినిమాలతో తెలుగులో మంచి పాపులారిటీ సంపాదించుకున్నారు. ఇప్పుడు స్ట్రెయిట్ గా తెలుగులో ఎంట్రీ ఇస్తుండడంతో.. మంచి బజ్ క్రియేట్ అయింది.

ధనుష్ నుంచి కొత్త సినిమా:

ఇటీవల 'తిరు' సినిమాతో ప్రేక్షకుల ముందుకొచ్చిన ధనుష్ ఇప్పుడు మరో సినిమాతో అలరించబోతున్నారు. అదే 'నానే వరువెన్'. ఈ సినిమాను తెలుగులో రిలీజ్ చేయనున్నారు.  తెలుగులో  'నేనే వ‌స్తున్నా' అనే టైటిల్‌ ను ఫిక్స్ చేశారు.  తెలుగులో ఈ సినిమాను గీతా ఆర్ట్స్ బ్యాన‌ర్‌ పై అల్లు అర‌వింద్ విడుద‌ల చేస్తున్నారు. ఈ చిత్రాన్ని వి క్రియేష‌న్స్ ప‌తాకంపై క‌లైపులి ఎస్ థాను నిర్మించారు. ధ‌నుష్‌కు జోడీగా ఎల్లిడ్ ఆవ్ర‌మ్ హీరోయిన్‌ గా నటిస్తోంది. సెల్వ రాఘవన్‌ ఈ సినిమాకు దర్శకత్వం వహించారు. ఈ నెల (సెప్టెంబర్) 29న ఈ సినిమా విడుదల కాబోతుంది.

ఈ సినిమాలో ధనుష్ రెండు పాత్రల్లో కనిపించనున్నారు. ఒకటి హీరో పాత్ర కాగా, మరొకటి విలన్ రోల్. ఈ రెండు పాత్రల్లోనూ ధనుష్ గతంలో ఎప్పుడూ కనిపించని మాదిరిగా కనిపించనున్నట్లు తెలుస్తోంది. ధనుష్ విలన్ రోల్ పోషించడంతో కోలీవుడ్ లో ఈ సినిమా ఆసక్తిని కలిగిస్తోంది.