Carmeni Selvam: సంగీతంలో కార్పొరేట్ కల్చర్... 'కార్మేని సెల్వం'తో రామానుజన్ ప్రయోగం... అందరికీ డబ్బులు వచ్చేలా!

Music Director Ramanujan: సముద్రఖని, గౌతమ్ మీనన్ నటించిన 'కార్మేని సెల్వం'కు రామానుజన్ సంగీతం అందించారు. సంగీతంలో కార్పొరేట్ కల్చర్, సినిమా మ్యూజిక్ గురించి ఆయన ఏం చెప్పారంటే?

కార్మేని సెల్వం: సంగీతంలో కొత్త ఒరవడి! రామానుజన్ సంచలన నిర్ణయం, ఆసక్తికర విషయాలు!

Source : ABPLIVE AI

Music Director Ramanujan Interview: విలక్షణ నటుడు సముద్రఖని, దర్శకుడు గౌతమ్ వాసుదేవ్ మీనన్ ప్రధాన పాత్రల్లో నటించిన సినిమా 'కార్మేని సెల్వం'. ఈ శుక్రవారం (ఏప్రిల్ 3న) తెలుగు, తమిళ భాషల్లో థియేటర్లలోకి వస్తోంది. ఈ చిత్రానికి రామానుజన్ సంగీత దర్శకుడు. అయితే... 'మ్యూజిక్ క్లౌడ్ స్టూడియో అండ్ టెక్నాలజీ' అని పేరు వేశారు. అలా ఎందుకు చేశారు? సినిమాలో ఎన్ని పాటలు ఉన్నాయి? ఎటువంటి సంగీతం అందించారు? వంటి విషయాల గురించి రామానుజన్ ఏం చెప్పారంటే?  

క్రెడిట్ ఒక్కరికే ఎందుకు... సంస్థకు దక్కాలని!
''సినిమాకు సంగీతం అందించిన ఘనత ఒక్క వ్యక్తికి కాకుండా... సంస్థకు దక్కాలని కోరుకున్నాం. ఆ కారణం చేత 2017లో బెంగళూరులో 'మ్యూజిక్ క్లౌడ్ స్టూడియో అండ్ టెక్నాలజీ'ని ప్రారంభించా. మొదట కార్పొరేట్ ప్రాజెక్టులు చేస్తూ నా సంగీతాన్ని మెరుగుపరుచుకోవడం మొదలుపెట్టా. ఆ తర్వాత సౌండ్ డిజైన్, వాయిస్‌ ఓవర్, డబ్బింగ్ సేవలు అందించా. ప్రస్తుతం సినిమా నిర్మాణ వ్యయం రోజు రోజుకూ పెరుగుతోంది. మంచి కథలను ప్రోత్సహించాలంటే నిర్మాణ వ్యయాన్ని తగ్గించాలి. సంగీత నిర్మాణ వ్యయాన్ని తగ్గించడం కోసం సంస్థ పేరు వేశా. దీని వల్ల సౌండ్ ఇంజనీర్స్, మ్యుజిషియన్స్, ప్రోగ్రామర్స్ సహా... మ్యూజిక్ చేసిన ప్రతి ఒక్కరికీ రాయల్టీ వస్తుంది. దాంతో మ్యూజిక్ చేయడానికి తక్కువ అమౌంట్ తీసుకుంటారు. సంగీత ప్రపంచంలో కార్పొరేట్ కల్చర్ తీసుకు వస్తున్నాం. ఇదొక  కొత్త ప్రభంజనం అనుకోవచ్చు'' అని రామానుజన్ చెప్పారు.

'కార్మేని సెల్వం'లో ఎన్ని పాటలు ఉన్నాయంటే?
రామ్‌ దర్శకత్వం వహించిన 'కురైయొండ్రుమ్ ఇల్లై' చిత్రానికి తాను పని చేశానని, ఇప్పుడు 'కార్మేని సెల్వం'కు సంగీతం అందించే అవకాశం రావడం తన జీవితంలో ఒక టర్నింగ్ పాయింట్ అని రామానుజన్ చెప్పారు. సినిమాలో మ్యూజిక్ గురించి మాట్లాడుతూ... ''ఇందులో నాలుగు పాటలు ఉన్నాయి. వాటితో పాటు నేపథ్య సంగీతం, ఓఎస్టీ ట్రాక్స్ కంపోజ్ చేశా. మా మ్యూజిక్ క్లౌడ్ సంస్థలో నలుగురు, ఐదుగురు కలిసి పని చేస్తున్నాం. సంగీతం అనేది సమష్టి కృషి. ఈ సినిమాలోని 'అరెరె...' పాటకు తెలుగులో అద్భుతమైన స్పందన లభిస్తోంది. అది మాకు ఎంతో సంతోషంగా ఉంది. తండ్రీ కుమారుల మధ్య బంధాన్ని చూపించే సందర్భంలో ఈ పాట వస్తుంది. మేం వైలిన్, ఫ్లూట్ బదులు సరంగి ఉపయోగించాం. దాంతో ఆ పాటలో ఎమోషన్ మరింత బలంగా ప్రేక్షకులకు చేరువైంది'' అని చెప్పారు. 

Photo Gallery: Ramya Pasupuleti: జూనియర్ మిల్కీ బ్యూటీ... తెలుగమ్మాయ్ రమ్య పసుపులేటి మార్చి ఫోటో డంప్ చూశారా?

ఆర్టిస్టులు, నిర్మాతల గురించి రామానుజన్ మాట్లాడుతూ... ''చివరగా 'కార్మేని సెల్వం' హృదయానికి హత్తుకునే సినిమా. సముద్రఖని గారు, గౌతమ్ మీనన్ గారు నాకు పూర్తి స్వేచ్ఛ ఇచ్చారు. ఎమోషనల్ అండ్ ఫ్యామిలీ సినిమాలకు సంగీతం అందించడం కష్టం. 'హ్యాపీ డేస్, ఆనంద్, గోదావరి' లాంటి ఫీల్ గుడ్ సినిమాలకు పని చేయాలని ఉంది'' అని చెప్పారు.