తమ్ముడికి స్పెషల్ బర్త్ డే విషెస్ తెలిపిన రౌడీ హీరో - వైరల్ అవుతున్న పోస్ట్!

Vijay Devarakonda : ఆనంద్ దేవరకొండ పుట్టినరోజు సందర్భంగా తన అన్న విజయ్ దేవరకొండ సోషల్ మీడియా వేదికగా తమ్ముడికి స్పెషల్ బర్త్ డే విషెస్ తెలిపాడు.

విజయ్ దేవరకొండ, ఆనంద్ దేవర (Image Credit : Anand Deverakonda/Instagram)

Vijay Devarakonda Special Wishes To His Brother ; టాలీవుడ్ యంగ్ హీరో ఆనంద్ దేవర గురించి ప్రత్యేకంగా చెప్పనక్కర్లేదు. విజయ్ దేవరకొండ తమ్ముడిగా 'దొరసాని' సినిమాతో ఇండస్ట్రీ లోకి హీరోగా ఎంట్రీ ఇచ్చిన ఆనంద్ దేవరకొండ.. తన క్లాస్ యాక్టింగ్ తో ప్రేక్షకులను ఆకట్టుకున్నాడు. గత ఏడాది 'బేబీ' సినిమాతోభారీ బ్లాక్ బస్టర్ హిట్ అందుకుని యూత్ లో మరింత పాపులారిటీ సంపాదించుకున్నాడు. 'బేబి' సక్సెస్ తర్వాత ప్రస్తుతం వరుస సినిమాలు చేస్తున్నాడు. ఇక ఈరోజు (శుక్రవారం) ఆనంద్ దేవరకొండ తన పుట్టినరోజు జరుపుకుంటున్నాడు. ఈ సందర్భంగా ఆనంద్ దేవరకొండ అన్న, రౌడీ హీరో విజయ్ దేవరకొండ తన తమ్ముడికి ట్విట్టర్ వేదికగా స్పెషల్ బర్త్ డే విషెస్ తెలిపాడు.

తమ్ముడికి స్పెషల్ విషెస్ తెలిపిన రౌడీ హీరో

తన తమ్ముడు ఆనంద దేవరకొండ బర్త్ డే సందర్భంగా రౌడీ హీరో ట్విట్టర్ వేదికగా తమ్ముడితో కలిసి దిగిన ఫోటో షేర్ చేస్తూ.." ఏదైనా గొడవ జరిగినప్పుడు నాతోపాటు ఫస్ట్ తీసుకెళ్లే అబ్బాయికి పుట్టినరోజు శుభాకాంక్షలు.. బ్రదర్ బాయ్ ఆనంద్ దేవరకొండ, ఐ లవ్ యు మోస్ట్" అంటూ తన ట్విట్టర్లో రాసుకొచ్చాడు. కాగా విజయ్ దేవరకొండ షేర్ చేసిన ఫొటోలో ఇద్దరు అన్నదమ్ములు కండలు చూపిస్తూ ఫోటోకి ఫోజు ఇవ్వడం ఫ్యాన్స్ ని ఎంతగానో ఆకట్టుకుంటోంది. విజయ్ దేవరకొండ షేర్ చేసిన ఈ పిక్ నెట్టింట వైరల్ అవుతోంది.

Happiest Birthday to the first boy I’ll take with me on a fight 😄❤️

Brother boy @ananddeverkonda
I love you most 😘 pic.twitter.com/Yg2ZisFuE2

— Vijay Deverakonda (@TheDeverakonda) March 15, 2024

'డ్యూయెట్' నుంచి ఫస్ట్ లుక్ రిలీజ్

'బేబీ' వంటి బ్లాక్ బస్టర్ తర్వాత ఆనంద్ దేవరకొండ 'డ్యూయెట్' అనే మరో డిఫరెంట్ లవ్ స్టోరీ తో ప్రేక్షకుల ముందుకు వచ్చేందుకు సిద్ధమవుతున్నాడు. ఆనంద్ దేవరకొండ పుట్టినరోజు సందర్భంగా ఈ సినిమా ఫస్ట్ లుక్ ని రిలీజ్ చేశారు. ఆనంద్ కి బర్త్ డే విషెస్ అందజేస్తూ రిలీజ్ చేసిన పస్ట్ లుక్ నెటిజన్స్ ని ఆకట్టుకుంటుంది. ముఖ్యంగా ఇందులో ఆనంద్ దేవరకొండ రిఫ్రెషింగ్ లుక్ లో కనిపించి ఆకట్టుకున్నాడు. మిథున్ వరదరాజ కృష్ణన్ దర్శకత్వం వహిస్తున్న ఈ చిత్రాన్ని తమిళ అగ్ర నిర్మాణ సంస్థ స్టూడియో గ్రీన్ నిర్మిస్తోంది. కోలీవుడ్లో అగ్ర హీరోలతో ఎన్నో సూపర్ హిట్ సినిమాలను నిర్మించిన స్టూడియో గ్రీన్ ఈ సినిమాతోనే టాలీవుడ్ కి ఎంట్రీ ఇస్తుండటం విశేషం.

We are thrilled to unveil our bundle of charm, #AnandDeverakonda as Madhan. Stay tuned for the mind bending first look dropping soon 🌌#HappyBirthdayAnandDeverakonda. Three cheers to all the joy our #DUET shall bring 🤍#HBDAnandDeverakonda#StudioGreen @GnanavelrajaKe… pic.twitter.com/JALEcCbyT4

— Studio Green (@StudioGreen2) March 14, 2024

'ఫ్యామిలీ స్టార్'.. తెలుగుతో పాటూ ఆ భాషల్లో కూడా

విజయ్ దేవరకొండ ప్రస్తుతం పరశురాం దర్శకత్వంలో 'ఫ్యామిలీ స్టార్' సినిమా చేస్తున్న విషయం తెలిసిందే. దిల్ రాజు నిర్మిస్తున్న ఈ సినిమాలో విజయ్ దేవరకొండ సరసన మృనాల్ ఠాగూర్ హీరోయిన్ గా నటిస్తోంది. ఇప్పటికే సినిమా నుంచి రిలీజ్ అయిన పోస్టర్స్, టీజర్, సాంగ్స్ ఆడియన్స్ నుంచి మంచి రెస్పాన్స్ అందుకున్నాయి. ఏప్రిల్ 5న ఈ సినిమాని విడుదల చేస్తున్నట్లు మేకర్స్ ఇప్పటికే అధికారికంగా ప్రకటించారు. అయితే సేమ్ డేట్ కి తెలుగు తో పాటు తమిళ్, హిందీ భాషల్లోనూ ఈ సినిమా రిలీజ్ ప్లాన్ చేస్తున్నారట మేకర్స్.