Operation Valentine Twitter Review: గూస్ బంప్స్ గ్యారెంటీ - ఆపరేషన్ వాలెంటైన్ ఫస్ట్ ట్విట్టర్ రివ్యూ చూశారా?

Operation Valentine Movie Review: వరుణ్ తేజ్ 'ఆపరేషన్ వాలెంటైన్' ఫస్ట్ ట్విట్టర్ రివ్యూ వచ్చేసింది. లేటెస్టుగా హైదరాబాద్‌లో కొంతమందికి స్పెషల్ షో వేశారు.

'ఆపరేషన్ వాలెంటైన్' సినిమాలో వరుణ్ తేజ్

మెగా ప్రిన్స్ వరుణ్ తేజ్ (Varun Tej) కొత్త సినిమా 'ఆపరేషన్ వాలెంటైన్' విడుదలకు ముందు సూపర్బ్ రివ్యూలు వస్తున్నాయి. ఆల్రెడీ ఎయిర్ ఫోర్స్ అధికారులకు స్పెషల్ షో వేశారు. పుల్వామా ఘటన, బాలాకోట్ స్ట్రైక్స్ నేపథ్యంలో తెరకెక్కిన సినిమాల్లో 'ది బెస్ట్ ఫిల్మ్ ఆపరేషన్ వాలెంటైన్' అని వైమానిక దళం అధికారులు తమ చిత్ర బృందాన్ని ప్రశంసించారని వరుణ్ తేజ్ తెలిపారు. లేటెస్టుగా హైదరాబాద్ సిటీలో కొందరికి స్పెషల్ షో వేశారు. గూస్ బంప్స్ గ్యారంటీ అంటూ ఫెంటాస్టిక్ రివ్యూలు వస్తున్నాయి. 

పర్ఫెక్ట్ ఏరియల్ కంబాట్ ఫిల్మ్!
Varun Tej's Operation Valentine First Twitter Review: 'ఆపరేషన్ వాలెంటైన్' పర్ఫెక్ట్ ఏరియల్ కాంబాట్ ఫిల్మ్ అని ప్రముఖులు పేర్కొన్నారు. సినిమా అంతా గూస్ బంప్స్ మూమెంట్స్ ఉన్నాయని చెబుతున్నారు. మరీ ముఖ్యంగా నేపథ్య సంగీతం చాలా బావుందట. సినిమా బడ్జెట్ (Operation Valentine Budget)తో కంపేర్ చేస్తే... విజువల్ ఎఫెక్ట్స్ ఎక్స్ట్రాడినరీగా ఉన్నాయని చెప్పాలి. 

పుల్వామా విజువల్స్ కంటతడి పెట్టిస్తాయి!
'ఆపరేషన్ వాలెంటైన్' సినిమాలో పుల్వామా ఘటన సన్నివేశాలు ప్రతి ఒక్కరినీ కంటతడి పెట్టించేలా ఉన్నాయట. అవి చూసిన తర్వాత ప్రేక్షకుల గుండె బరువు ఎక్కడం ఖాయమట. ఎమోషనల్ సీన్స్ హైలైట్ అవుతాయని సినిమా చూసిన ప్రేక్షకులు చెప్పారు. ఇంటర్వెల్, ప్రీ క్లైమాక్స్, క్లైమాక్స్ ఎక్స్ట్రాడినరీగా, చాలా చక్కగా డిజైన్ చేశారట.

వింగ్ కమాండర్ పాత్రలో వరుణ్ తేజ్ పర్ఫెక్ట్!
సినిమాలో వరుణ్ తేజ్ వింగ్ కమాండర్ రోల్ చేసిన సంగతి తెలిసిందే. రుద్రగా కనిపించనున్నారు. సినిమాకు ముందు ఆ టైటిల్ పెడదామని అనుకున్నారట. అయితే, కథకు యాప్ట్ అవుతుందని, ఫిబ్రవరి 14న ఆ దాడులు జరిగాయి కనుక 'ఆపరేషన్ వాలెంటైన్' ఖరారు చేశారు. ఇందులో వింగ్ కమాండర్ పాత్రకు వరుణ్ తేజ్ పర్ఫెక్ట్ యాప్ట్ అని, ఆయన్ను తప్ప మరొకర్ని ఆ పాత్రలో ఊహించుకోలేమని చెబుతున్నారు. ప్రతి భారతీయుడు తప్పకుండా చూడాల్సిన సినిమా 'ఆపరేషన్ వాలెంటైన్' అని, ఐఏఎఫ్ అధికారులు (IAF Officers) ధైర్యానికి సెల్యూట్ చేస్తారని ప్రశంసలు వచ్చాయి.

Sujalam suphalaam Malayaja seethalam Sasyasyaamalam Maataram🇮🇳
VANDE MATARAM 🫡#OperationValentine has Goosebumps moments throughout the film. A perfect aerial combat movie with the right emotions in the right place.❤️‍🔥

Terrific BGM and Top-notch VFX considering the budget.… pic.twitter.com/nE5bDyNUN7

— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) February 28, 2024

'ఆపరేషన్ వాలెంటైన్'కు శక్తి ప్రతాప్ సింగ్ హడా దర్శకత్వం వహించారు. సోనీ పిక్చర్స్ ఇంటర్నేషనల్ ప్రొడక్షన్స్, సందీప్ ముద్దా రినైసన్స్ పిక్చర్స్ ప్రొడ్యూస్ చేశారు. గాడ్ బ్లెస్ ఎంటర్‌టైన్‌మెంట్ (వకీల్ ఖాన్), నందకుమార్ అబ్బినేని సహ నిర్మాతలు. ఈ సినిమాలో వరుణ్ తేజ్ సరసన మాజీ మిస్ వరల్డ్ మానుషీ చిల్లర్ నటించారు. మార్చి 1న తెలుగు, హిందీ భాషల్లో ప్రపంచ వ్యాప్తంగా భారీ ఎత్తున విడుదల చేయనున్నారు.