Varun Tej Lavanya Tripathi : పెళ్లి తర్వాత వరుణ్ తేజ్, లావణ్య హాజరైన ఫస్ట్ ఫంక్షన్ ఇదే - ఎందుకో తెలుసా?

Niharika Konidela's Pink Elephant Pictures new movie : పెళ్లి తర్వాత వరుణ్ తేజ్, నిహారిక కొణిదెల ఓ ఫంక్షన్ అటెండ్ అయ్యారు. అది ఎందుకో తెలుసా?

వరుణ్ తేజ్, యదు వంశీ, నిహారిక, లావణ్య త్రిపాఠి

తెలుగు చిత్రసీమలో కొత్త జంట వరుణ్ తేజ్ (Varun Tej), లావణ్య త్రిపాఠి (Lavanya Tripathi). వీళ్ళిద్దరూ ఏడు అడుగులు వేసి 15 రోజులు కూడా కాలేదు. ఇప్పుడీ స్టార్ కపుల్ హైదరాబాద్ సిటీలో సందడి చేస్తోంది. ఇంకా వాళ్ళ హనీమూన్ కూడా పూర్తి కాలేదు. అయితే... హనీమూన్ కంటే ముందు ఓ సినిమా ఓపెనింగ్‌కు హాజరు అయ్యారు. అదీ ఎందుకో తెలుసా?

నిహారిక కొణిదెల కోసం...
వరుణ్ తేజ్ చెల్లెలు, లావణ్య ఆడపడుచు నిహారిక కొణిదెల (Niharika Konidela). ఆమె నటి, నిర్మాత కూడా! పింక్ ఎలిఫెంట్ పిక్చర్స్ సంస్థ స్థాపించి, ఆ బ్యానర్ మీద వెబ్ సిరీస్ (Web Series)లు కొన్ని నిర్మించారు. ఇప్పుడు ఆవిడ ఓ సినిమా నిర్మిస్తున్నారు. ఆ సినిమా ఓపెనింగ్ కోసం వరుణ్ తేజ్, లావణ్య త్రిపాఠితో పాటు నాగబాబు, ప్రముఖ నిర్మాత అల్లు అరవింద్ హాజరు అయ్యారు. అదీ సంగతి!

 

 

 

 

 

View this post on Instagram

 

 

 

 

 

 

 

 

 

 

 

A post shared by Pinkelephantpictures (@pinkelephantpictures)

ఇటలీలో ఒక్కటైన వరుణ్, లావణ్య
Varun Tej Lavanya Tripathi Marriage Date : నవంబర్ 3న ఇటలీలో వరుణ్ తేజ్, లావణ్యా త్రిపాఠి వివాహ బంధంతో ఒక్కటి అయ్యారు. మూడు ముడుల తర్వాత కొత్త జంట ముందుగా మెగాస్టార్ చిరంజీవి ఆశీర్వాదం తీసుకున్నట్లు తెలుస్తోంది. ఆ తర్వాత వధూవరులు ఇద్దరూ తమ తమ తల్లిదండ్రుల ఆశీర్వాదం తీసుకుని జీవితం ప్రారంభించారు. పెళ్లి తర్వాత అక్కడ ఓ రిసెప్షన్ జరిగింది. తర్వాత హైదరాబాద్ సిటీలో మరో రిసెప్షన్ నిర్వహించారు. 

వరుణ్ తేజ్, లావణ్యా త్రిపాఠి పెళ్లికి సుమారు 120 మంది అతిథులు హాజరైనట్లు తెలిసింది. ఇరు కుటుంబాలు, బంధు మిత్రులతో పాటు చిత్రసీమ నుంచి అతికొద్ది మంది ప్రముఖులు మాత్రమే హాజరయ్యారు. చిరంజీవి, సురేఖ దంపతులతో పాటు రామ్ చరణ్, ఉపాసన దంపతులు & అల్లు అర్జున్ స్నేహా రెడ్డి దంపతులు ఈ వివాహ వేడుకలో ప్రత్యేక ఆకర్షణగా నిలిచారు. సాయి ధరమ్ తేజ్, అల్లు శిరీష్, పంజా వైష్ణవ్ తేజ్, సుస్మితా కొణిదెల, నిహారిక... మెగా కజిన్స్ అందరూ అటెండ్ అయ్యారు.

చిత్రసీమలో వరుణ్ తేజ్ స్నేహితులతో నితిన్ ముఖ్యమైన వ్యక్తి. పెళ్ళికి ఆయన వెళ్లారు. తన కొత్త సినిమా 'ఎక్స్ట్రా ఆర్డినరీ మ్యాన్' టీజర్ కూడా అక్కడ నుంచి సోషల్ మీడియాలో పోస్ట్ చేశానని వీడియో విడుదల చేశారు. నీరజా కోన కూడా వివాహానికి హాజరయ్యారు. హైదరాబాద్ సిటీలో జరిగిన రిసెప్షన్ (Varun Tej Reception)కు విక్టరీ వెంకటేష్ సహా పలువురు ప్రముఖులు హాజరు అయ్యారు.