సల్మాన్ ఖాన్ సినిమాలో ఎన్టీఆర్ గెస్ట్ రోల్ - 'వార్ 2' కన్నా ముందే తారక్ బాలీవుడ్ ఎంట్రీ?

టాలీవుడ్ యంగ్ టైగర్ ఎన్టీఆర్ సల్మాన్ ఖాన్ నటిస్తున్న ఓ సినిమాలో గెస్ట్ రోల్ చేస్తున్నారట. ప్రస్తుతం ఈ న్యూస్ బాలీవుడ్ మీడియాలో తెగ చక్కర్లు కొడుతోంది. ఇంతకీ తారక్ ఏ మూవీలో గెస్ట్ రోల్ చేస్తున్నారు? అనే వివరాల్లోకి వెళ్తే.. బాలీవుడ్ కండల వీరుడు సల్మాన్ ఖాన్ నుండి వస్తున్న అవుట్ అండ్ అవుట్ స్పై అండ్ యాక్షన్ ఎంటర్టైన్ 'టైగర్ 3'(Tiger 3). మనీష్ శర్మ దర్శకత్వం వహిస్తున్న ఈ చిత్రాన్ని భారీ బడ్జెట్ తో యశ్ రాజ్ ఫిలింస్ సంస్థ నిర్మిస్తున్నారు. YRF స్పై యూనివర్స్ లో భాగంగా ఈ మూవీ ఉండబోతోంది. కత్రినా కైఫ్ హీరోయిన్ గా నటిస్తున్న ఈ సినిమాపై ఇప్పటికే ఓ రేంజ్ లో అంచనాలు ఉన్నాయి.

ఇదిలా ఉంటే ఈ సినిమాకు సంబంధించిన ఓ వార్త ఇప్పుడు బాలీవుడ్ సర్కిల్స్ లో తెగ హడావిడి చేస్తోంది. అదేంటంటే 'టైగర్ 3' మూవీలో తారక్ ఎంట్రీ కూడా ఉండబోతున్నట్లు బాలీవుడ్లో ఓ వార్త ఊపందుకుంది. ఈ మూవీ క్లైమాక్స్ లో ఎన్టీఆర్ కనిపించబోతున్నాడని అంటున్నారు. అంతేకాదు మూవీలో ఎన్టీఆర్ ఎంట్రీ కోసం మేకర్స్ భారీ ప్లాన్ చేసినట్టు తెలుస్తోంది. హాలీవుడ్ లో మార్వెల్ సిరీస్ కు ఎంత క్రేజ్ ఉందో, బాలీవుడ్ లో యశ్ రాజ్ స్పై యూనివర్స్ కి అంతే క్రేజ్ ఉంది. ఈ స్పై యూనివర్స్ నుంచి వస్తున్న మరో మూవీ 'వార్ 2'. ఇందులో హృతిక్ రోషన్ తో కలిసి ఎన్టీఆర్ నటిస్తున్న విషయం తెలిసిందే కదా. ఈ మూవీ 2025లో విడుదల కాబోతోంది.

'వార్ 2' ద్వారా యశ్ రాజ్ స్పై యూనివర్స్ లో అడుగుపెడుతున్న ఎన్టీఆర్, ఈ సినిమా కంటే ముందుగానే రా ఏజెంట్ గా 'టైగర్ 3' లో పరిచయం కాబోతున్నారని లేటెస్ట్ గా బాలీవుడ్ మీడియాలో ప్రచారం సాగుతోంది. ఈ ఏడాది స్పై యూనివర్స్ లో భాగంగా షారుక్ నటించిన 'పఠాన్' లో సల్మాన్ ఖాన్ ఎంట్రీ ఎలా ఉంటుందో, ఇప్పుడు 'టైగర్ 3' లోను తారక్ ఎంట్రీ అదేవిధంగా ఉంటుందని చెబుతున్నారు. 'టైగర్ 3' క్లైమాక్స్ లో ఎంట్రీ ఇచ్చే ఎన్టీఆర్ పాత్ర మళ్లీ 'వార్ 2' లో ఎంట్రీ ఇస్తుందట. ఇదే విషయాన్ని ప్రముఖ బాలీవుడ్ ఫిలిం అనలిస్ట్ విశ్వజిత్ పాటిల్ సైతం ట్విట్టర్ వేదికగా వెల్లడించారు. అయితే దీనిపై యశ్ రాజ్ ఫిలిమ్స్ నుంచి ఇంకా అఫీషియల్ అనౌన్స్మెంట్ రావాల్సి ఉంది.

ఒకవేళ 'టైగర్ 3' లో ఎన్టీఆర్ గెస్ట్ రోల్ చేస్తే ఖచ్చితంగా తెలుగులో ఈ మూవీకి మరింత క్రేజ్ వచ్చే అవకాశం ఉందని చెప్పొచ్చు. రీసెంట్ గా షారుఖ్ ఖాన్ నటించిన 'జవాన్' సినిమాలో ఐకాన్ స్టార్ అల్లు అర్జున్ గెస్ట్ రోల్ చేస్తున్నట్లు వార్తలు వచ్చాయి. అదే తరహాలో ఇప్పుడు సల్మాన్ టైగర్ త్రీ లో ఎన్టీఆర్ గెస్ట్ రోల్ చేస్తున్నారనే వార్త బాలీవుడ్ లో సర్క్యులేట్ అవుతుంది. ఇప్పటికే 'టైగర్ 3' లో షారుక్ ఖాన్ క్యామియో రోల్ చేస్తున్నట్లు కన్ఫర్మ్ అయింది. మరి ఇప్పుడు ఎన్టీఆర్ కూడా ఇందులో గెస్ట్ రోల్ చేస్తున్నారనే వార్తలో ఎంతవరకు నిజం ఉందో తెలియాలంటే మేకర్స్ దీనిపై క్లారిటీ ఇవ్వాల్సిందే. రీసెంట్ గా 'టైగర్ కా మెసేజ్' పేరుతో విడుదలైన టీజర్ భారీ రెస్పాన్స్ ని అందుకొని సినిమాపై అంచనాలను నెక్స్ట్ లెవెల్ కి తీసుకెళ్ళింది. దీపావళి కానుకగా నవంబర్ 10న ఈ సినిమాని రిలీజ్ చేసేందుకు మేకర్స్ సన్నాహాలు చేస్తున్నారు.

Also Read : అప్పుడే రెండు నెలలు - కొడుకు క్యూట్ పిక్‌ షేర్ చేసుకున్న ఇలియానా