Tanushree Dutta: అతడితో ముద్దు సీన్లు.. చాలా ఇబ్బందిపడ్డాను - కిస్సింగ్ కింగ్‌పై తనుశ్రీ షాకింగ్ కామెంట్స్

Tanushree Dutta: బాలీవుడ్ నటుడు ఇమ్రాన్ హష్మీ గురించి నటి తనుశ్రీ దత్తా కీలక వ్యాఖ్యలు చేసింది. ఆయన కంఫర్టబుల్ కిస్సర్ కాదని వెల్లడించింది.

తనుశ్రీ దత్తా(Photo Credit: Tanushree Dutta Miss India Universe/Instagram)

Tanushree Dutta About Emraan Hashmi Kissing Scene: బాలీవుడ్ బ్యూటీ తనుశ్రీ దత్తా గురించి పెద్దగా పరిచయం అవసరం లేదు. ‘ఆషికి బనాయా ఆప్నే’ సినిమాతో వెండితెరకు హీరోయిన్ గా పరిచయం అయ్యింది. ‘వీరభద్ర’ సినిమాతో తెలుగు ప్రేక్షకులను కూడా పలుకరించింది. నందమూరి బాలయ్య హీరోగా నటించిన ఈ చిత్రం అప్పట్లో బాక్సాఫీస్ దగ్గర సత్తా చాటలేకపోయింది. ఈ సినిమాలో ఆమె నటన పట్ల ప్రశంసలు దక్కినా, తెలుగులో పెద్దగా అవకాశాలు మాత్రం రాలేదు. ఆ తర్వాత తను బాలీవుడ్ కే పరిమితం అయ్యింది. #MeToo ఆరోపణల నేపథ్యంలో.. మేకర్స్ ఆమెకు అవకాశాలు ఇవ్వలేదు. చాలా కాలంగా తను వెండితెరకు దూరంగానే ఉంటుంది. తాజాగా ఆమె తనకు మంచి గుర్తింపు తెచ్చిన ‘ఆషికి బనాయా ఆప్నే’ సినిమా గురించి మాట్లాడింది. ఈ సినిమాలోని ముద్దు సన్నివేశం గురించి ప్రత్యేకంగా ప్రస్తావించింది.   

ఇమ్రాన్ కంఫర్టబుల్ కిస్సర్ కాదు- తనుశ్రీ

ఇమ్రాన్ తో కలిసి నటించిన ‘ఆషికి బనాయా ఆప్నే’ సినిమా తనకు మంచి గుర్తింపు తెచ్చిందని తనుశ్రీ వెల్లడించింది. అయితే, ఈ సినిమాలో ఇమ్రాన్ తో ముద్దు సీన్లు చేసేటప్పుడు చాలా ఇబ్బందిగా ఫీలైనట్లు వెల్లడించింది. “ఇమ్రాన్‌తో కలిసి మూడు సినిమాల్లో నటించాను. ‘చాక్లెట్’ మూవీలోనూ మా మధ్య ముద్దు సీన్లు ఉన్నాయి. కానీ, ఎడిటింగ్ లో వాటిని తొలగించారు. తొలిసారి ముద్దు సీన్లు చేసే సమయంలో చాలా ఇబ్బందిగా ఫీలయ్యాను. రెండోసారి పెద్దగా కష్టం అనిపించలేదు. ఎందుకంటే మా మధ్యన కెమిస్ట్రీ లేదు. అప్పటికే ఇమ్రాన్ కు కిస్సింగ్ బాయ్ అనే ముద్ర పడింది. అయినప్పటికీ, నాకు ఆయనతో ముద్దు సీన్లో నటించడం కంఫర్టబుల్ గా అనిపించలేదు” అని తనుశ్రీ వెల్లడించింది. తనుశ్రీ దత్తా ఇమ్రాన్ హష్మీతో కలిసి మూడు సినిమాలు చేసింది. ‘ఆషికి బనాయా ఆప్నే’, 'చాక్లెట్: డీప్ డార్క్ సీక్రెట్స్', 'గుడ్ బాయ్, బ్యాడ్ బాయ్' చిత్రాల్లో కలిసి నటించారు. ‘ఆషికి బనాయా ఆప్నే’ సినిమాలో ఇమ్రాన్, తనుశ్రీ మధ్య ముద్దు సన్నివేశాలు అప్పట్లో కుర్రకారును వెర్రెక్కించేలా చేశాయి.   

తనుశ్రీ దత్తా సినీ కెరీర్ గురించి..

తనుశ్రీ దత్తా 2005లో ‘ఆషికి బనాయా ఆప్నే’ సినిమాతో బాలీవుడ్‌లోకి అడుగుపెట్టింది. ఆ తర్వాత 'రకీబ్: రివల్స్ ఇన్ లవ్', 'ధోల్', 'సాస్ బహు ఔర్ సెన్సెక్స్' సహా పలు సినిమాల్లో నటించింది. ఆమె చివరి సారిగా 'హమ్ నే లి హై షపత్' సినిమాలో కనిపించింది. 2013లో వచ్చిన ఈ సినిమా అనుకున్న స్థాయిలో సక్సెస్ అందుకోలేకపోయింది. ఆ తర్వాత తను మీటూ ఆరోపణలు చేయడంతో అవకాశాలు తగ్గిపోయాయి.  

ఇమ్రాన్ ముద్దు సన్నివేశాలతో ఇండస్ట్రీలో బాగా పాపులర్ అయ్యాడు.ఇండస్ట్రీలోకి అడుగు పెట్టిన తొలినాళ్లలోనే వరుస సినిమాల్లో ముద్దు సీన్లు చేసి 'సీరియల్ కిస్సర్'గా గుర్తింపు తెచ్చుకున్నాడు. 'మర్డర్', 'జెహర్', 'గ్యాంగ్‌స్టర్' చిత్రాలతో బాగా పాపులర్ అయ్యాడు. 'వన్స్ అపాన్ ఎ టైమ్ ఇన్ ముంబై', 'ది డర్టీ పిక్చర్',  'షాంఘై' వంటి చిత్రాలలో విభిన్న పాత్రలు పోషించి నటుడిగా సత్తా చాటుకున్నాడు. ఇమ్రాన్ చివరిగా సల్మాన్ ఖాన్ ‘టైగర్ 3’లో కనిపించాడు.