Taapsee Pannu Marriage: సీక్రెట్‌గా తాప్సీ పెళ్లి - ఇంతకీ ఆమె భర్త ఏం చేస్తాడో తెలుసా?

Taapsee Pannu: టాలీవుడ్‌లో హీరోయిన్‌గా పరిచయమయ్యి బాలీవుడ్‌లో స్టార్‌గా సెటిల్ అయిపోయిన తాప్సీ.. తన బాయ్‌ఫ్రెండ్ మథియాస్‌ను సీక్రెట్‌గా వివాహం చేసుకుంది. ఇంతకీ మథియాస్ ఎవరంటే..

Image Credit: Taapsee Pannu/Instagram

Who Is Taapsee Pannu Husband: గత రెండేళ్లలో చాలామంది బాలీవుడ్ సెలబ్రిటీలు పెళ్లి పీటలెక్కారు. వీరి పెళ్లిని గ్రాండ్‌గా సెలబ్రేట్ చేసుకున్నా కూడా దాని గురించి ముందుగా ఎలాంటి సమాచారం ఇవ్వకుండా పెళ్లి తంతు అంతా పూర్తయిన తర్వాత.. అప్పుడు సోషల్ మీడియాలో ఆ ఫోటోలను షేర్ చేస్తున్నారు. ఇప్పుడు ఆ లిస్ట్‌లోకి తాప్సీ కూడా యాడ్ అయినట్టు సోషల్ మీడియాలో వార్తలు వైరల్ అయ్యాయి. చాలామంది బాలీవుడ్ సెలబ్రిటీలలాగానే తాప్సీ కూడా ఉదయ్‌పూర్‌లో డెస్టినేషన్ వెడ్డింగ్ చేసుకుందని బాలీవుడ్ సర్కిల్స్‌లో రూమర్స్ వినిపిస్తున్నాయి. ఇంతకీ తాప్సీ పెళ్లి చేసుకుంది ఎవరిని అని సెర్చ్ చేయడం మొదలుపెట్టారు ప్రేక్షకులు.

11 ఏళ్ల ప్రేమ..

ఉదయ్‌పూర్‌లో తాప్సీ పెళ్లి పనులు గత బుధవారమే మొదలయ్యాయని బాలీవుడ్ మీడియా చెప్తోంది. అందులో కేవలం తన కుటుంబ సభ్యులు, సన్నిహితులు మాత్రమే పాల్గొన్నారని తెలుస్తోంది. తాప్సీ.. ఎప్పుడూ తన రిలేషన్ స్టేటస్ గురించి సీక్రెట్‌గా దాచిపెట్టలేదు. తను బ్యాడ్మింటన్ ప్లేయర్ మథియాస్ బోతో గత 11 ఏళ్లుగా ప్రేమలో ఉంది. 2013లో జరిగిన ఇండియన్ బ్యాడ్మింటన్ లీగ్‌లో మొదటిసారిగా తాప్సీ, మథియాస్ కలిశారు. అప్పుడే వారు ప్రేమలోపడ్డారు. అప్పటినుండి వీరు ఈ హ్యాపీ రిలేషన్‌షిప్‌ను కొనసాగిస్తున్నారు. అదే క్రమంలో వీరి పెళ్లి గురించి చాలాసార్లు తాప్సీకి ప్రశ్నలు ఎదురవ్వగా తను ఘాటుగా స్పందించింది. ఫైనల్‌గా ఎవరికీ తెలియకుండా పెళ్లి కూడా చేసేసుకుంది.

మథియాస్ బో ఎవరంటే.?

మథియాస్ బో ఒక మాజీ బ్యాడ్మింటన్ ప్లేయర్. తను ప్లేయర్‌గా రాణిస్తున్న సమయంలో ఎన్నో రికార్డులను సొంతం చేసుకున్నాడు. తను ఒలింపిక్స్‌లో మెడల్ సాధించాడు. ప్రపంచ నెంబర్ 1 బ్యాడ్మింటన్ ప్లేయర్‌గా కూడా గుర్తింపు తెచ్చుకున్నాడు. ప్రస్తుతం ఇండియన్ బ్యాడ్మింటన్ నేషనల్ టీమ్‌కు కోచ్‌గా పనిచేస్తున్నాడు. 2020లో ఒక పోస్ట్‌తో తాప్సీతో రిలేషన్ గురించి బయటపడింది. తాప్సీ సన్నిహితులు మథియాస్‌తో జరిగిన వివాహం గురించి బయటపెట్టారు. ‘‘ఉదయ్‌పూర్‌లో చాలా తక్కువమంది మధ్యలో పెళ్లి జరిగింది. మార్చి 20న పెళ్లి కార్యక్రమాలు మొదలయ్యాయి. వారిద్దరికీ మీడియా అటెన్షన్ అవసరం లేదని నిర్ణయించుకొని ఈ విషయాన్ని బయటికి రానివ్వలేదు’’ అని చెప్పుకొచ్చారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mathias Boe (@mathias.boe)

వారంతా హాజరు..

బాలీవుడ్ నుండి కొందరు ప్రముఖులు మాత్రమే తాప్సీ, మథియాస్ పెళ్లికి హాజరు అయినట్టు తెలుస్తోంది. తాప్సీ పన్నుతో కలిసి ‘దొబారా’, ‘తప్పడ్’ లాంటి చిత్రాల్లో నటించిన పవైల్ గులాటి.. ఈ పెళ్లికి హాజరు అయినట్టు సమాచారం. తనతో పాటు డైరెక్టర్ అనురాగ్ కశ్యప్, కనికా ధిల్లోన్, తన భర్త హిమాన్షు శర్మ.. ఈ పెళ్లికి వచ్చినట్టు తెలుస్తోంది. పెళ్లి వేడుకల మొదలయ్యే కొన్నిరోజుల ముందే తాప్సీ చివరిసారిగా ఫోటోగ్రాఫర్ల ముందుకు వచ్చింది. ఢిల్లీకి చెందిన ప్రముఖ డిజైనర్స్ అయిన గౌరీ, నైనికా షోలో షో స్టాపర్‌గా కనిపించింది. ఆ తర్వాత పెళ్లి వేడుకల కోసం ఉదయ్‌పూర్ వెళ్లిపోయినట్టు సమాచారం.