SS Rajamouli About Suriya : రాజమౌళి సినిమాను రిజెక్ట్ చేసిన సూర్య.. కానీ బాహుబలి సినిమాకి ఇన్​స్ప్రేషన్ సూర్యేనట.. కంగువ ప్రీ రిలీజ్ ఈవెంట్​లో రాజమౌళి స్పీచ్

KANGUVA Pre Release Event : కంగువ ప్రీ రిలీజ్ ఈవెంట్​కి హాజరైన రాజమౌళి.. సూర్యపై తనకున్న అభిమానాన్ని వ్యక్తం చేశారు. బాహుబలి సినిమాకి సూర్యనే తన ఇన్​స్ప్రేషన్ అంటూ ఆసక్తికర విషయాన్ని వెల్లడించారు. 

(Image Source : Instagram)

Source : instagram

SS Rajamouli Speech at Kanguva Pre Release Event : సూర్య నటించిన కంగువ సినిమా నవంబర్ 14వ తేదీన విడుదల కానుంది. ఈ నేపథ్యంలోనే హైదరాబాద్​లో ప్రీ రిలీజ్ ఈవెంట్​ని ఏర్పాటు చేశారు. ఈ వేడుకకు గెస్ట్​గా వచ్చిన దర్శకధీరుడు ఎస్ ఎస్ రాజమౌళి.. సూర్య గురించి పలు ఇంట్రెస్టింగ్ విషయాలు తెలిపారు. తెలుగు సినిమాని ప్రపంచవ్యాప్తంగా తీసుకెళ్లిన బాహుబలి సినిమాకి ఇన్​స్ప్రేషన్ సూర్యనే అంటూ అసలు విషయం చెప్పుకొచ్చారు రాజమౌళి.

బాహుబలికి సూర్యనే నా ఇన్​స్ప్రేషన్

పాన్ ఇండియా సినిమా మొదలు పెట్టానని అందరూ అంటున్నారు. కానీ మీ అందరకీ ఫ్రాంక్​గా చెప్పాల్సిన విషయమొకటి ఉంది. తెలుగు సినిమాని ఇక్కడితోనే ఉంచకుండా.. దానిని బయటకు తీసుకెళ్లడానికి.. ఒన్​ ఆఫ్​ ద మెయిన్​ ఇన్​స్ప్రేషన్ ఫర్ మీ ఈజ్ సూర్య అంటూ రాజమౌళి చెప్పారు. చాలా సంవత్సరాలు, చాలాసార్లు.. గజినీ సమయంలో సూర్య ఇక్కడికి వచ్చి.. ఇక్కడ ప్రమోట్ చేశారు.

ఆ ప్రమోషన్స్ సమయంలో సూర్య తెలుగు వారికి ఎలా దగ్గరయ్యాడనేది నాకో కేస్ స్టడీలాగా మారిపోయింది. ఇదే విషయాన్ని నేను ఎందరో హీరోలకు, దర్శకులకు చెప్పేవాడినంటూ తెలిపారు. కేవలం సినిమాను ప్రమోట్ చేయడం మాత్రమే కాకుండా.. తెలుగు ప్రజల ప్రేమను తాను ఎలా పొందాడో.. మనం కూడా ఇతర రాష్ట్రాల్లో ప్రజల ప్రేమను అలా పొందాలని చెప్తూ ఉండేవాడిని. సో సూర్య యూ ఆర్​ మై ఇన్​స్ప్రేషన్ ఫర్ పాన్ ఇండియా ఫిల్మ్ బాహుబలి. అంటూ చెప్పేశారు. 

ఓ సినిమా చేయాల్సింది.. కానీ.. 

మేము కలిసి సినిమా చేద్దామనుకున్నాము కానీ కుదర్లేదు. ఓ ఫంక్షన్​లో సూర్య చెప్పాడు.. రాజమౌళితో సినిమా చేసే అవకాశాన్ని మిస్ అయ్యానని.. కానీ కాదు.. సూర్యతో సినిమాని చేయడం నేను మిస్​ అయ్యాను. I Love Him So Much. Love His Acting So Much. Love His On Screen Pressence So Much అంటూ సూర్యపై ఉన్న అభిమానాన్ని వ్యక్తం చేశారు రాజమౌళి. సూర్య మీరు ఆ సమయంలో నా సినిమాను వదులుకున్న నిర్ణయాన్ని నేను రెస్పెక్ట్ చేస్తాను. ఆ సమయంలో మీరు నా సినిమా కాకుండా చేసిన వేరే సినిమా చేయడమే సరైన నిర్ణయమని మీరు ప్రూవ్ చేశారంటూ రాజమౌళి తెలిపారు. 

సూర్య రియాక్షన్ ఇదే.. 

ఫ్యామిలీలో పెద్ద అన్న కరెక్ట్​గా చేస్తే.. అది తర్వాత జనరేషన్స్​కి ఇన్​స్ప్రేషన్ ఉంటుంది. అతనిని ఫాలో అవుతూ ముందుకు వెళ్తూ ఉంటారు. సినిమా ఫ్యామిలీలో మీరు పెద్ద అన్నలాగ. మిమ్మల్ని చూసే మేము ఇలాంటి సినిమాలు తీయగలుగుతున్నాము. పాన్ ఇండియా రేంజ్​కి వెళ్తున్నాము. కానీ మాకు ఆ దారి వేసింది మాత్రం మీరే. నేను సిగ్గులేకుండా చెప్తున్నాను. నేను ఆ రోజు ట్రైన్​ని (సినిమాని)మిస్ అయ్యాను. నేను ఇంకా ప్లాట్​ఫారమ్​ మీదే ఉన్నాను. నేను విష్ చేస్తున్నాను.. ఏదొ సమయంలో ఆ ట్రైన్ (రాజమౌళి సినిమా) నా దగ్గరికి వస్తుందని వెయిట్ చేస్తున్నానంటూ సూర్య కూడా తన మనసులో మాట రాజమౌళికి చెప్పేశారు.