Sita Ramam Movie Release Date: యుద్ధంతో రాసిన ప్రేమకథ 'సీతా రామం' ప్రేక్షకుల ముందుకు ఎప్పుడొస్తుందంటే? దుల్కర్ సల్మాన్ సినిమా రిలీజ్ డేట్ ఫిక్స్

దుల్కర్ సల్మాన్ కథానాయకుడిగా హను రాఘవపూడి దర్శకత్వం వహిస్తున్న సినిమా 'సీతా రామం'. ఈ రోజు సినిమా విడుదల తేదీ వెల్లడించారు.

'సీతా రామం'లో దుల్కర్ సల్మాన్, మృణాల్ ఠాకూర్, రష్మికా మందన్న 

దుల్కర్ సల్మాన్ (Dulquer Salmaan) కథానాయకుడిగా తెలుగు, తమిళ, మలయాళ భాషల్లో రూపొందుతోన్న సినిమా 'సీతా రామం' (Sita Ramam Movie). 'యుద్ధంతో రాసిన ప్రేమకథ'... అనేది ఉపశీర్షిక. 'అందాల రాక్షసి', 'పడి పడి లేచె మనసు' చిత్రాలతో ప్రేమకథలను ఆవిష్కరించడంలో తనది ప్రత్యేక శైలి నిరూపించుకున్న హను రాఘవపూడి ఈ చిత్రానికి దర్శకుడు.

'సీతా రామం' సినిమాను ఆగస్టు 5న ప్రేక్షకుల ముందుకు తీసుకు వస్తున్నట్టు ఈ రోజు వెల్లడించారు. తెలుగు, తమిళ, మలయాళ భాషల్లో ఏకకాలంలో విడుదల కానుంది. (Sita Ramam Movie Release Date confirmed - August 5th it is)

 

 

 

 

 

View this post on Instagram

 

 

 

 

 

 

 

 

 

 

 

A post shared by Vyjayanthi Movies (@vyjayanthimovies)

దుల్కర్ సల్మాన్ సరసన బాలీవుడ్ బ్యూటీ మృణాల్ ఠాకూర్ కథానాయికగా నటిస్తున్న 'సీతా రామం'లో రష్మికా మందన్న కీలక పాత్రలో కనిపించనున్నారు. ఈ సినిమాలో తొలి పాట 'హే సీతా... ఓ రామ'ను కొన్ని రోజుల క్రితం విడుదల చేశారు.

వైజయంతీ మూవీస్ సమర్పణలో స్వప్న సినిమా పతాకంపై అశ్వినీదత్, ప్రియాంక దత్ నిర్మిస్తున్న ఈ చిత్రానికి పీఎస్ వినోద్ సినిమాటోగ్రాఫర్. సుమంత్, గౌతమ్ మీనన్, ప్రకాష్ రాజ్ తదితరులు కీలక పాత్రల్లో నటిస్తున్నారు. దుల్కర్ సల్మాన్ నటిస్తున్న తొలి త్రిభాషా చిత్రమిదని చెప్పవచ్చు.