Siddhu Jonnalagadda: సిద్ధు జొన్నలగడ్డ సినిమాకి టైటిల్ ఫిక్స్ - ‘జాక్’గా వస్తున్న స్టార్ బాయ్!

Siddhu Jonnalagadda : బొమ్మరిల్లు భాస్కర్ దర్శకత్వంలో సిద్దు జొన్నలగడ్డ హీరోగా తెరకెక్కుతున్న చిత్రానికి 'జాక్' అనే టైటిల్ ఫిక్స్ చేస్తూ తాజాగా మోషన్ పోస్టర్ రిలీజ్ చేశారు.

సిద్దు జనులగడ్డ(Image Credit : Siddhu Jonnalagadda/Instagram)

Siddhu Jonnalagadda’s New Movie Tittle : 'డీజె టిల్లు' సినిమాతో సిద్ధు జొన్నల్లగడ్డ ఎంత ఫ్యాన్ ఫాలోయింగ్‌ను, క్రేజ్‌ను సంపాదించుకున్నాడో అందరికీ తెలిసిందే. చిన్న సినిమాగా ప్రేక్షకులు ముందుకు వచ్చిన ఈ మూవీ బ్లాక్ బస్టర్ సక్సెస్ అందుకుంది ఇక ఈ సినిమాతో సిద్దు జొన్నలగడ్డ ఓవర్ నైట్ స్టార్ అయిపోయాడు. ఈ క్రేజ్‌ను కంటిన్యూ చేయడం కోసమే గత సంవత్సరం నుంచి 'డిజే టిల్లు' సీక్వెల్‌పై వర్క్ చేస్తున్నాడు సిద్ధు. ఇది పూర్తయ్యే వరకు ఇతర కమిట్మెంట్స్ పెట్టుకోకూడదు అని బలంగా ఫిక్స్ అయ్యాడు.

ఇక 'డీజె టిల్లు' సీక్వెల్ అయిన 'టిల్లు స్క్వేర్' షూటింగ్ పూర్తి చేసుకొని విడుదలకు సిద్ధమవుతుండగా.. తన అప్‌కమింగ్ ప్రాజెక్ట్స్‌పై ఫోకస్ పెట్టాడు. ఈ క్రమంలోనే వరుస ప్రాజెక్ట్స్ కి కమిట్ అవుతున్నాడు. రీసెంట్ గానే బొమ్మరిల్లు భాస్కర్ దర్శకత్వంలో సిద్దు జొన్నలగడ్డ హీరోగా ఓ సినిమా ప్రారంభమైంది. శ్రీ వెంకటేశ్వర సినీ చిత్ర బ్యానర్ పై BVSN ప్రసాద్ సినిమా నిర్మిస్తున్నారు. SVCC37 అనే వర్కింగ్ టైటిల్ తో షూటింగ్ జరుపుకుంటున్న ఈ సినిమా నుంచి మేకర్స్ అదిరిపోయే అప్డేట్ ఇచ్చారు. బుధవారం సిద్దు జొన్నలగడ్డ బర్త్ డే సందర్భంగా ఈ సినిమా టైటిల్ మోషన్ పోస్టర్ రిలీజ్ చేశారు.

'జాక్'గా వస్తున్న సిద్ధు జొన్నల గడ్డ

బొమ్మరిల్లు భాస్కర్ దర్శకత్వంలో సిద్దు హీరోగా నటిస్తున్న చిత్రానికి 'జాక్' అనే టైటిల్ ఫిక్స్ చేశారు. ఈ మేరకు తాజాగా రిలీజ్ చేసిన మోషన్ పోస్టర్ సినిమాపై క్యూరియాసిటీ పెంచుతుంది₹ ఇందులో సిద్ధు ఈసారి యాక్షన్ మోడ్ లో తన స్టైలిష్ లుక్ తో  ఆకట్టుకున్నాడు. అంతేకాకుండా రెండు చేతుల్లో రెండు గన్స్ తో కనిపించాడు. అందులో ఒక గన్ ఒరిజినల్, మరొకటి బొమ్మ తుపాకి. మోషన్ పోస్టర్ ని బట్టి ఈ సినిమా యాక్షన్ అండ్ కామెడీ కలబోతగా ఉంటుందని అర్థమవుతుంది.

ఫస్ట్ టైం సిద్దు గన్ పట్టుకొని కనిపించడంతో సినిమాలో ఏమైనా పోలీస్ ఆఫీసర్ గా కనిపిస్తాడా? అనే అనుమానాలు సైతం వ్యక్తమవుతున్నాయి. అంటే మోషన్ పోస్టర్, టైటిల్ ని బట్టి సిద్ధు స్టైలిష్ కాప్ గా కనిపించే అవకాశాలు లేకపోలేదు. ఇక 'జాక్' అనే టైటిల్ కింద 'కొంచెం క్రాక్' అని రాసి ఉంది. ఈ ట్యాగ్ లైన్ సినిమాలో సిద్ధు క్యారెక్టర్ ని రిప్రెజెంట్ చేసేలా ఉందని చెప్పొచ్చు. మొత్తంగా ఈ సినిమాలో ఓ సరికొత్త సిద్దుని బొమ్మరిల్లు భాస్కర్ చూపించడం గ్యారెంటీ అని అర్థమవుతుంది.

సిద్దు సరసన 'బేబి' హీరోయిన్

'బేబీ' సినిమాతో ఓవర్ నైట్ స్టార్ స్టేటస్ అందుకున్న వైష్ణవి చైతన్య ఈ సినిమాలో సిద్దు జొన్నలగడ్డ సరసన హీరోయిన్‌గా నటిస్తోంది. రీసెంట్ గానే ఈ సినిమాకు సంబంధించి వైష్ణవి చైతన్య ఫస్ట్ లుక్ రిలీజ్ చేశారు. సినిమాలో హీరోయిన్ పాత్రకు ఎంతో ఇంపార్టెన్స్ ఉండడంతో మేకర్స్ వైష్ణవి చైతన్యను తీసుకున్నట్లు తెలుస్తోంది. ఈ సినిమాతో పాటు దిల్ రాజు సోదరుడు, నిర్మాత శిరీష్ తనయుడు ఆశిష్ కూడా హీరోయిన్ గా సెలెక్ట్ అయింది వైష్ణవి చైతన్య.

'టిల్లు స్క్వేర్' థియేటర్స్ లోకి వచ్చేది అప్పుడే

'టిల్లు స్క్వేర్' సినిమా ఫిబ్రవరి 9న థియేటర్లలో విడుదల కావాలి. అయితే సంక్రాంతి బరిలో రద్దీ తగ్గించడానికి మాస్ మహారాజా రవితేజ 'ఈగల్' విడుదల వాయిదా వేశారు. 'ఈగల్' వాయిదా వేసినందుకు 'టిల్లు స్క్వేర్' సినిమాను వాయిదా వేస్తామని నిర్మాత నాగవంశీ తెలిపారు. చెప్పినట్లు వాయిదా వేశారు. ఇటీవలే మరోసారి విడుదల తేదీ అనౌన్స్ చేశారు. 'టిల్లు స్క్వేర్' చిత్రాన్ని మార్చి 29న ప్రపంచ వ్యాప్తంగా థియేటర్లలో విడుదల చేయనున్నట్లు అఫీషియల్ గా వెల్లడించారు.