Bala Krishna: బాలకృష్ణ ముఖం మీద గాజులు పగలగొట్టించుకున్నారు, ఉమ్మి వేయమన్నారు - నటుడు అప్పాజీ సంచలన వ్యాఖ్యలు!

టాలీవుడ్ ప్రముఖ నటుడు అప్పాజీ అంబరీష్ తాజాగా ఓ ఇంటర్వ్యూలో నందమూరి బాలకృష్ణ పై షాకింగ్ కామెంట్స్ చేశారు. ముఖ్యంగా సినిమా కోసం ఆయన ఏదైనా చేస్తారని, ఆయన గొప్పతనం గురించి వివరించారు.

Photo Credit : Appaji Ambarisha/Instagram

టాలీవుడ్ సీనియర్ హీరో నటసింహ నందమూరి బాలకృష్ణ క్రేజ్ గురించి ప్రత్యేకంగా చెప్పనక్కర్లేదు. ఈ వయసులోనూ యువ హీరోలకు ధీటుగా బ్యాక్ టు బ్యాక్ సినిమాలు చేస్తూ దూసుకుపోతున్నారు. సినిమా కోసం ఆయన ఎంతో కష్టపడతారని ఇండస్ట్రీలో టాక్ ఉంది. అంతేకాదు ఓ పాత్ర కోసం ఆయన ఎక్కడి వరకైనా వెళ్తారు  చివరికి ప్రాణం పెట్టేస్తారు. అది ఎలాంటి పాత్ర అయినా కావచ్చు. అందులో పరకాయ ప్రవేశం చేసే అద్భుతంగా నటిస్తారు. ప్రస్తుతం 'అఖండ', 'వీర సింహారెడ్డి' బ్యాక్ టు బ్యాక్ హిట్స్ తో ఫుల్ జోష్ లో ఉన్న బాలయ్య త్వరలోనే 'భగవంత్ కేసరి'తో ప్రేక్షకుల ముందుకు రాబోతున్నారు.

అయితే తాజాగా బాలయ్య గొప్పతనం గురించి, ఆయన సినిమా కోసం ఏం చేయడానికైనా సిద్ధం అవుతారనే విషయాన్ని ప్రముఖ నటుడు అప్పాజీ అంబరీష ఓ ఇంటర్వ్యూలో కీలక వ్యాఖ్యలు చేశారు." బాలకృష్ణ గారు నటించిన ఎన్టీఆర్ బయోపిక్ లో నేను కూడా నటించాను. ఎన్టీఆర్ కథానాయకుడు క్లైమాక్స్ లో నా పాత్ర ఎంట్రీ ఉంటుంది. ఎన్టీఆర్ మహానాయకుడులో ఫుల్ లెన్త్ రోల్ చేశాను. సినిమాలో జీవన్ రెడ్డి పాత్ర చేశాను. ఎన్టీఆర్ రియల్ లైఫ్ లో నన్నపని రాజకుమారి వాళ్ళు సీనియర్ ఎన్టీఆర్ ముందు గాజులు పగలగొట్టే సీన్ ని షూట్ చేస్తున్నాం. ఆ సీన్ లో బాలయ్య గారి ముందు గాజులు పగలగొట్టి, ఉమ్మివేయడానికి భయపడుతున్నారు. అప్పుడు బాలయ్య గారు వాళ్లతో మనం జరిగింది చేస్తున్నాం. మీరేం భయపడకుండా నిజంగానే గాజులు పగలగొట్టి నా మీద ఉమ్మి వేయండి. ఉమ్మివేసినట్టు నటించకండి, నిజంగానే ఉమ్మేయండి అని చెప్పడంతో నేను షాక్ అయిపోయాను" అని అన్నారు.

"ఆ తర్వాత బాలయ్య గారిని నేను ఏంట్రా దమ్ముంటే రా రా చూసుకుందాం’’ అని డైరెక్ట్ గా చెప్పాలి. ఆ సీన్ అయిపోయాక మీరు బాగా చేస్తున్నారు అని నన్ను అభినందించారు. సీన్ అయిపోయిన తర్వాత ప్యాకప్ చెప్పేశా మా అందరు వెళ్ళిపోయారు. ఇదంతా ఒరిజినల్ అసెంబ్లీలోనే జరిగింది. ప్యాకప్ చెప్పిన తర్వాత క్రిష్‌తో చెప్పి బాలయ్య గారు వెళ్లిపోయారు. మేమక్కడే ఉన్నాం. అప్పుడు బాలకృష్ణ గారు మళ్ళీ వెనక్కి నా దగ్గరకు వచ్చి వెళ్లేటప్పుడు మీకు చెప్పలేదు మీకు చెప్పి వెళదామని అన్నారు. అది చూసి నేను షాక్ అయిపోయా. ఆయన అలా అంటారని నేనే కాదు ఎవరు ఊహించరు" అని పేర్కొన్నారు.

ఆయన వెళ్లేటప్పుడు నాకు చెప్పలేదని, మళ్లీ చెప్పడానికి వెనక్కి వచ్చి నేను వెళ్తున్నానని చెప్పి వెళ్లడం అది ఆయన మంచితనం, సంస్కారం. ఆ మరుసటి రోజు నుంచి షూటింగ్ పూర్తయ్యే దాకా ఆయన పక్కన ఓ కుర్చీ వేయించి రండి నా పక్కన కూర్చుండి అని కూర్చోబెట్టుకొని సరదాగా కబుర్లు చెప్పేవారు. ముఖ్యంగా వాళ్ళ నాన్నగారు రామారావు గారి గురించి, ఆయన అనుభవాల గురించి, క్రికెట్ మీద అనుభవాల గురించి ఇలా అన్నీ నాతో పంచుకునేవారు" అంటూ చెప్పుకొచ్చారు అప్పాజీ. దీంతో బాలయ్య పై ఆయన చేసిన ఈ వ్యాఖ్యలు నెట్టింట వైరల్ అవుతున్నాయి.

Join Us on Telegram: https://t.me/abpdesamofficial