Seetha Payanam Box Office Collection: బాక్సాఫీస్‌లో మంగళవారం ఢమాల్... 'సీతా పయనం' నాలుగు రోజుల కలెక్షన్ ఎంతంటే?

Seetha Payanam Box Office Collection Day 4: వీకెండ్ తర్వాత 'సీతా పయనం' సినిమాకు వచ్చే ప్రేక్షకుల సంఖ్య దారుణంగా పడింది. మంగళవారం అయితే ఢమాల్ అన్నది.

అర్జున్ సినిమా 'సీతా పయనం'కు భారీ షాక్

Source : https://www.instagram.com/arjunsarjaa/

Seetha Payanam Four Days Collection: వీకెండ్ తర్వాత సినిమాలకు వచ్చే ప్రేక్షకుల సంఖ్య తగ్గడం సహజం. అయితే యాక్షన్ కింగ్ అర్జున్ డైరెక్ట్ చేసిన 'సీతా పయనం' సినిమా కలెక్షన్లు మరీ దారుణంగా పడ్డాయి. ఆల్మోస్ట్ ఆల్ ఢమాల్ అన్నట్టే. మరి నాలుగు రోజుల్లో 'సీతా పయనం' కలెక్షన్లు ఎంతంటే?

నాలుగో రోజు కలెక్షన్ 10 లక్షలే!
Seetha Payanam Fourth Day Collection: ఇండియాలో 'సీతా పయనం' నెట్ కలెక్షన్ కోటి రూపాయలు దాటింది. అయితే నాలుగో రోజు బాక్స్ ఆఫీస్ బరిలో సినిమా ఢమాల్ అన్నది. కేవలం పది లక్షలు మాత్రమే కలెక్ట్ చేసింది. దాంతో సినిమా పరిస్థితి బుధవారం మరీ కష్టంగా ఉండేలా కనబడుతోంది.

• తెలుగులో శని, ఆది, సోమ వారాల్లో 'సీతా పయనం' చిత్రానికి 16, 18, 12 లక్షల నెట్ కలెక్షన్ రాబట్టింది. అయితే మంగళవారం జనాలు ఈ సినిమా వైపు అసలు చూడలేదు. కేవలం లక్ష మాత్రమే నెట్ రాబట్టింది. తెలుగులో నాలుగు రోజుల నెట్ కలెక్షన్ రూ. 56 లక్షలు అయ్యింది.
• కన్నడలో మాత్రం 'సీతా పయనం' కాస్త స్టడీగా ఉంది. ఫిబ్రవరి 14న 11 లక్షలు, ఆ మర్నాడు 9 లక్షలు, సోమవారం 6 లక్షల నెట్ రాబట్టిన సినిమా... మంగళవారం కూడా ఆరు లక్షల నెట్ రాబట్టింది. దాంతో కన్నడలో సినిమా నెట్ కలెక్షన్ 32 లక్షలకు చేరుకుంది.
• మలయాళంలో సోమవారం కాస్త పర్వాలేదని అనిపించిన 'సీతా పయనం'... మళ్ళీ మంగళవారం ఢమాల్ అన్నది. తొలి రెండు రోజులు లక్ష చొప్పున నెట్ రాగా... సోమవారం సినిమాకు మూడు లక్షల నెట్ వచ్చింది. మళ్ళీ మంగళవారం లక్షకు పరిమితం అయ్యింది. దాంతో మలయాళంలో నాలుగు రోజుల నెట్ రూ. 6 లక్షలకు చేరుకుంది.

• తమిళంలోనూ 'సీతా పయనం' చిత్రానికి ఆశించిన కలెక్షన్లు రావడం లేదు. మొదటి మూడు రోజుల్లో 5, 5, 1 లక్ష నెట్ రాబట్టిన సినిమా... మంగళవారం రెండు లక్షల రూపాయల నెట్ రాబట్టింది. దాంతో నాలుగు రోజుల తమిళ్ నెట్ కలెక్షన్ 13 లక్షలకు చేరుకుంది.
• తెలుగులో రూ. 56 లక్షలు, మలయాళంలో రూ. ఆరు లక్షలు, కన్నడలో రూ. 32 లక్షలు, తమిళంలో రూ. 13 లక్షలు... టోటల్ అమౌంట్ చూస్తే? నాలుగు రోజుల్లో 'సీతా పయనం' ఇండియా నెట్ కలెక్షన్ 1.07 కోట్ల రూపాయలు. ఇండియా గ్రాస్ రూ. 1.18 కోట్లు అని ట్రేడ్ వర్గాల నుంచి అందించిన సమాచారం.

అమ్మాయి ఐశ్వర్యను తెలుగు చిత్రసీమకు కథానాయికగా పరిచయం చేయాలని అర్జున్ చేసిన ప్రయత్నం సఫలం కాలేదు. మొదటి నాలుగు రోజుల్లో కేవలం కోటి మాత్రమే రాబట్టిన సినిమా... ఐదు రోజు కనీసం ఐదు లక్షల రూపాయలు అయినా కలెక్ట్ చేస్తుందా? అనే సందేహాలు నెలకొన్నాయి. కన్నడలో స్టడీగా ఉంటే ఆ అమౌంట్ రావడం కష్టం ఏమీ కాదు. అర్జున్ దర్శకత్వం వహించడంతో పాటు చిత్రాన్ని నిర్మించారు.