Sandeep Reddy Vanga: సుమంత్ ప్రభాస్ జంటగా అనంతిక... సందీప్ రెడ్డి వంగా సినిమా గురూ!

Ananthika Sanilkumar In Sandeep Reddy Vanga Movie: రెబల్ స్టార్ ప్రభాస్ హీరోగా 'స్పిరిట్' తీయడానికి సందీప్ రెడ్డి వంగా రెడీ అవుతున్నారు. దానికి ముందు ప్రభాస్ అభిమాని హీరోగా మరో సినిమా చేయనున్నారు.

'మేం ఫేమస్' హీరో కొత్త సినిమా... అనంతిక హీరోయిన్, RGV శిష్యుడి దర్శకత్వం!

Source : https://www.instagram.com/ananthika_sanilkumar/

Sumanth Prabhas New Movie: రెబల్ స్టార్ ప్రభాస్ హీరోగా భారీ యాక్షన్ సినిమా తీయడానికి దర్శకుడు సందీప్ రెడ్డి వంగా రెడీ అవుతున్నారు. 'అర్జున్ రెడ్డి', 'కబీర్ సింగ్', 'యానిమల్' బ్లాక్ బస్టర్స్ తర్వాత ప్రభాస్ హీరోగా 'స్పిరిట్' తెరకెక్కించనున్న సంగతి తెలిసిందే. అయితే ఆ సినిమా కంటే ముందు మరొక చిన్న సినిమా చేయనున్నారు సందీప్ రెడ్డి వంగా. అందులో హీరో హీరోయిన్లు ఎవరంటే? 

సుమంత్ ప్రభాస్ జంటగా అనంతక సనీల్ కుమార్!
Sumanth Prabhas to pair up with Ananthika Sanilkumar: ప్రభాస్ అభిమాని, 'మేం ఫేమస్' సినిమా ద్వారా పాపులర్ అయిన సుమంత్ ప్రభాస్ గుర్తున్నాడా? అతనితో సందీప్ రెడ్డి వంగా సినిమా చేస్తున్నారు. అయితే ఆ చిత్రానికి ఆయన డైరెక్షన్ చేయడం లేదు... ప్రొడ్యూస్ చేస్తున్నారు. 

సందీప్ రెడ్డి వంగా కుటుంబానికి చెందిన ప్రొడక్షన్ హౌస్ భద్రకాళి పిక్చర్స్‌లో సుమంత్ ప్రభాస్ కథానాయకుడిగా ఒక సినిమా రూపొందుతోంది. దీనికి సందీప్ రెడ్డి వంగా నిర్మాతగా వ్యవహరిస్తారు.‌ ఈ సినిమాలో సుమంత్ ప్రభాస్ సరసన 'మ్యాడ్', '8 వసంతాలు' ఫేమ్ అనంతిక సనీల్ కుమార్ ‌కథానాయికగా ఎంపిక అయ్యారు. త్వరలో ఈ సినిమా సెట్స్ మీదకు వెళ్లనుంది.

దర్శకుడిగా రామ్ గోపాల్ వర్మ శిష్యుడు వేణు పరిచయం!
సంచలన దర్శకుడు రామ్ గోపాల్ వర్మ అంటే సందీప్ రెడ్డి వంగాకు అభిమానం. ఆ విషయాన్ని పలు సందర్భాలలో చెప్పారు. ఇటీవల జగపతిబాబు హోస్ట్ చేస్తున్న 'జయమ్ము నిశ్చయమ్మురా' టాక్ షోకి కూడా ఇద్దరూ హాజరు అయ్యారు. ఆ సమయంలో వర్మపై సందీప్ అభిమానం, ఇద్దరి మధ్య స్నేహం బయట పడింది. ఇప్పుడు రామ్ గోపాల్ వర్మ శిష్యుడు వేణును దర్శకుడగా పరిచయం చేస్తూ సుమంత్ ప్రభాస్, అనంతిక సినిమా ప్రొడ్యూస్ చేస్తున్నారు సందీప్ రెడ్డి వంగా.

తెలంగాణ నేపథ్యంలోని ఒక పల్లెటూరి ప్రేమ కథగా ఈ సినిమా ఉండబోతుందట. ఇది ప్రేమ కథ అయినప్పటికీ సందీప్ రెడ్డి వంగా మార్క్ టచ్ సైతం ఉంటుందని ఇండస్ట్రీ వర్గాల సమాచారం. మరి ఈ సినిమా ఎలా ఉంటుందో చూడాలి.