Bigg Boss Telugu Day 87 Promo : టికెట్ టూ ఫినాలే టాస్క్ హైలెట్స్.. తనూజ vs సుమన్ శెట్టి, సపోర్ట్ చేయని భరణి
Bigg Boss 9 Telugu Ticket to Finale Task : బిగ్బాస్ 9 చివరి దశకు వచ్చేసింది. దీనిలో భాగంగా టికెట్ టూ ఫినాలే టాస్క్లు నిర్వహిస్తున్నాడు బిగ్బాస్. దానికి సంబంధించిన లేటెస్ట్ ప్రోమో హైలెట్స్ ఇవే.
Bigg Boss 9 Telugu Today Thanuja vs Suman Sheety Promo : బిగ్బాస్ సీజన్ 9 తెలుగు చివరి దశకు వచ్చేసింది. టాప్ 5 కంటెస్టెంట్స్లో మొదటిగా వెళ్లేది ఎవరు? టికెట్ టూ ఫినాలే దక్కించుకునేది ఎవరు అనే దానికోసం బిగ్బాస్ టాస్క్లు పెడుతున్నాడు. ఇప్పటికే ఈ రేస్ నుంచి సంజన తప్పుకోవాల్సి వచ్చింది. ఇమ్మూతో కలిసి గేమ్ ఆడి ఓడిపోయింది. దాంతో ఆమె అవుట్ ఆఫ్ ది రేస్ అయింది. మరి నెక్స్ట్ ఎవరు రేస్ నుంచి తప్పుకుంటారు? లేటెస్ట్ ప్రోమో హైలెట్స్ ఏంటో చూసేద్దాం.
బిగ్బాస్ లేటెస్ట్ ప్రోమో..
బిగ్బాస్ సీజన్ 9 తెలుగులో డే 87 ప్రోమో స్టార్ మా విడుదల చేసింది. టికెట్ టూ ఫినాలే రేస్లో ఆడేందుకు తనూజ, సుమన్ శెట్టి సిద్ధమయ్యారు. వీరికి బిగ్బాస్.. బ్యారెల్, బ్యాలెన్స్, బ్యాటిల్ అంటూ టాస్క్ పెట్టాడు. బ్యారెల్ కింద నిలబడి.. రోప్స్ని రెండు చేతులతో పట్టుకుని.. గ్రిప్ వదలకుండా బ్యాలెన్స్ చేస్తూ నిలబడాలి అంటూ టాస్క్ ఇచ్చాడు బిగ్బాస్. అయితే ఇక్కడ ఓ ట్విస్ట్ పెట్టాడు.
భరణి సపోర్ట్ ఎవరికి?
సమయానుసారం బజర్ మోగినప్పుడల్లా.. సంచాలక్ ఒక్కొక్కరిని పిలవాల్సి ఉంటుంది. అయితే ఎవరినైతే టికెట్ టూ ఫినాలే రేస్లో చూడకూడదనుకుంటున్నారో.. వారు బ్యాలెన్స్ చేస్తోన్న టబ్లో నీరు నింపాలని చెప్పాడు బిగ్బాస్. బజర్ మోగిన తర్వాత ముందుగా సంజన భరణిని పిలిచింది. అయితే ఈసారి భరణి తనూజకు కాకుండా.. సుమన్ శెట్టికి సపోర్ట్ ఇచ్చాడు. సుమన్కి భరణి తప్పా ఇంకెవరు సపోర్ట్ చేయలేదు. ముందుగా వచ్చిన భరణి.. తనూజ టబ్లో నీరు పోశాడు.
రేస్లో గెలిచిందెవరు?
తర్వాత వచ్చిన కళ్యాణ్ సుమన్ శెట్టి టబ్లో నీరు వదిలాడు. ఇమ్మూన్యుయేల్, రీతూ, పవన్ కూడా సుమన్ శెట్టి టబ్లోనే నీరు పోశారు. అయితే దానిని బ్యాలెన్స్ చేసేందుకు సుమన్, తనూజ ఇద్దరూ బాగా కష్టపడ్డారు. అయితే చివరికి తనూజనే ఓడిపోయింది. టికెట్ టూ ఫినాలే రేస్ నుంచి తప్పించుకోవాల్సి వచ్చింది. భరణి కూడా తనూజకు సపోర్ట్ చేయలేదు. కానీ తను ఈ పరిస్థితిని అర్థం చేసుకోవాలంటూ చెప్పాడు. ఇప్పటివరకు సంజన, తనూజ ఈ టికెట్ టూ ఫినాలే రేస్ నుంచి తప్పించుకోవాల్సి వచ్చింది. పూర్తి ఎపిసోడ్లో ఎన్ని ట్విస్ట్లు ఉన్నాయో వేచి చూడాల్సిందే.
టాప్ హెడ్ లైన్స్
ట్రెండింగ్ వార్తలు
