Samantha: విడాకుల తర్వాత నాగచైతన్య ఫొటో షేర్ చేసిన సమంత! ఎందుకో తెలుసా?

Samantha - Akkineni Naga Chairanya: గత ఏడాది అక్టోబర్ నెలలో సమంత, అక్కినేని నాగ చైతన్య వేరు పడ్డారు. అయితే... విడాకుల తర్వాత తొలిసారి ఆమె నాగచైతన్య ఫోటో షేర్ చేయడం హాట్ టాపిక్ అయ్యింది.

సమంత

అక్కినేని నాగ చైతన్య, సమంత భార్య భర్తలు అనేది గతం! వాళ్ళిద్దరూ గత ఏడాది అక్టోబర్ నెలలో విడాకులు తీసుకున్నారు. ఆ తర్వాత తన సోషల్ మీడియా ఖాతాల్లో చైతూతో దిగిన కొన్ని ఫొటోలను సమంత డిలీట్ చేశారు. ఇంకా నిజం చెప్పాలంటే... ఇన్‌స్టాగ్రామ్‌, ట్విట్ట‌ర్‌లో నాగచైతన్యను ఫాలో అవ్వడం మానేశారు. విడాకుల తర్వాత విమర్శలపై స్పందించారు తప్ప ఎప్పుడూ ఎక్కడా మాజీ భర్త గురించి మాట్లాడలేదు. అందువల్ల, నాగ చైతన్య గురించి ఇకపై సమంత మాట్లాడకపోవచ్చని అందరూ ఊహించారు.

 

ఊహలకు తెర దించుతూ... షాక్ ఇస్తూ, ఇన్‌స్టాగ్రామ్‌ స్టోరీలో చైతన్య ఫొటో షేర్ చేసి ఒక్కసారిగా షాక్ ఇచ్చారు సమంత. ఇంతకీ, ఆమె పోస్ట్ చేసిన ఫొటో ఏదంటే? 'మజిలీ' సినిమాలోది. ఆ సినిమా విడుదలై మూడేళ్లు పూర్తయిన సందర్భంగా పోస్టర్ షేర్ చేశారు. అది పోస్టర్ అయినా సరే... జనాలు షాక్ అయ్యారు. అదీ సంగతి!

సమంత షేర్ చేసిన పోస్టర్‌లో నాగ చైతన్య కోపంగా ఉండటాన్ని కొంత మంది ప్రస్తావిస్తున్నారు. కావాలని ఆ పోస్టర్ షేర్ చేశారని చెబుతున్నారు. ఆ సినిమా, పోస్టర్ సంగతి పక్కన పెడితే... ప్రస్తుతం ఎవరి సినిమాలతో వారు బిజీగా ఉన్నారు. నాలుగేళ్ల వైవాహిక జీవితం తర్వాత గత ఏడాది అక్టోబర్ 2న తామిద్దరం వేరు పడుతున్నట్టు నాగచైతన్య, సమంత సోషల్ మీడియా వేదికగా అనౌన్స్ చేశారు. ఆ తర్వాత ఆ పోస్టును కూడా సమంత డిలీట్ చేశారు. ఒకటి రెండు ఫొటోలు మినహా నాగచైతన్యతో దిగిన ఫొటోలను కూడా తన అకౌంట్ నుంచి డిలీట్ చేశారు. ఇద్దరి సోషల్ మీడియా అకౌంట్స్‌లో జంటగా దిగిన ఫొటోలు కొన్ని ఉన్నాయి. 

 

 

నాగ చైతన్య 'థాంక్యూ' సినిమా కంప్లీట్ చేశారు. విక్రమ్ కె. కుమార్ దర్శకత్వంలో 'దూత' వెబ్ సిరీస్ చేస్తున్నారు. వెంకట్ ప్రభు దర్శకత్వంలో తమిళ, తెలుగు ద్విభాషా సినిమా స్టార్ట్ చేశారు. 'శాకుంతలం' షూటింగ్ కంప్లీట్ చేసిన సమంత, ప్రస్తుతం 'యశోద' షూటింగ్ చేస్తున్నారు. ఆ తర్వాత హిందీలో ఒక వెబ్ సిరీస్, తమిళంలో మరో సినిమా చేయనున్నారు.