Romanchakam Glimpse : రోమాంచకం గ్లింప్స్ - కూల్ అండ్ క్యూట్ బీజీఎం... జూనియర్ ప్రభాస్‌కు డార్లింగ్ ప్రశంసలు

Romanchakam Glimpse Review : సందీప్ రెడ్డి వంగా సమర్పణలో రాబోతోన్న సరికొత్త లవ్ రొమాంటిక్ ఎంటర్టైనర్ రోమాంచకం. తాజాగా ఈ మూవీ గ్లింప్స్ రిలీజ్ చేశారు మేకర్స్.

రోమాంచకం గ్లింప్స్ రివ్యూ

Source : https://www.youtube.com/watch?v=f08qrhR-IbU

Show Quick Read

Key points generated by AI, verified by newsroom

• సుమంత్ ప్రభాస్ 'రోమాంచకం' గ్లింప్స్ ప్రేమ, హాస్యం, సస్పెన్స్ చూపింది.
• గ్లింప్స్ ప్రేమ, ద్వేషం చూపుతూ సంగీతంతో ప్రేక్షకులను ఆకట్టుకుంది.
• ప్రభాస్ 'రోమాంచకం' గ్లింప్స్ చూసి సందీప్ వంగాను ప్రశంసించారు.
• సందీప్ రెడ్డి వంగా సమర్పణలో వేణుగోపాల్ రెడ్డి దర్శకత్వంలో మూవీ వస్తుంది.

Sumanth Prabhas's Romanchakam Glimpse Review : 'మేమ్ ఫేమస్' ఫేం సుమంత్ ప్రభాస్, '8 వసంతాలు' ఫేమ్ అనంతిక సానిల్ కుమార్ జంటగా నటిస్తోన్న రీసెంట్ లవ్ రొమాంటిక్ ఎంటర్టైనర్ రోమాంచకం. ఈ మూవీని సందీప్ రెడ్డి వంగా సమర్పణలో ప్రణయ్ రెడ్డి వంగా నిర్మిస్తున్నారు. ఇప్పటికే రిలీజ్ చేసిన ఫస్ట్ లుక్ పోస్టర్ హైప్ క్రియేట్ చేస్తుండగా... తాజా గ్లింప్స్ మరింత అంచనాలు పెంచేసింది.

గ్లింప్స్ ఎలా ఉందంటే?

సముద్ర తీరంలో హీరో హీరోయిన్ల మధ్య లవ్, రొమాంటిక్ ఫీలింగ్‌ను తమదైన స్టైల్‌లో సందీప్ వంగా అద్భుతంగా చూపించారు. తొలుత ఒకరంటే ఒకరు ప్రాణంగా ఉండే జంట... ఆ తర్వాత ఒకరినొకరు చెంపపై కొట్టుకుని 'ఐ హేట్ యూ' అని చెప్పుకోవడం బిగ్ ట్విస్ట్. ఈ మూవీతోనే వేణుగోపాల్ రెడ్డి దర్శకుడిగా ఎంట్రీ ఇస్తున్నారు. రొమాన్స్, హ్యూమర్‌తో పాటు సస్పెన్స్ ఎలిమెంట్స్ కూడా టచ్ చేసినట్లు గ్లింప్స్‌ను బట్టి తెలుస్తోంది. 

వాసుకి వైభవ్ కంపోజ్ చేసిన స్వీట్ మెలొడియస్ ట్యూన్‌తో సాగుతూ.. హీరో హీరోయిన్స్ మధ్య లవ్, వారి మధ్య ఏర్పడిన దూరాన్ని చూపిస్తూ సాగింది. 'అణువు అణువును ఉర్రూతలూపే ప్రణయ కల్లోలమే - రోమాంచకం, ఊహకే అందని ఉవ్వెత్తునెగిసే ఉత్తుంగ తరంగమే - రోమాంచకం...' అంటూ గ్లింప్స్‌లో లిరిక్స్ ఈ మూవీ ఎంత వైబ్రేటింగ్‌గా ఉండబోతుందో తెలియజేస్తోంది. ప్రేమ, హాస్యం, సస్పెన్స్ కలగలిపి ఆడియన్స్ ఉర్రూతలూగించేందుకు వస్తోంది.

ప్రభాస్ ప్రశంసలు

రోమాంచకం గ్లింప్స్‌నకు పాన్ ఇండియా స్టార్ ప్రభాస్ ఫిదా అయ్యారు. తన ఇన్ స్టా స్టోరీలో వీడియో పోస్ట్ చేసిన ఆయన సందీప్ వంగాతో పాటు సుమంత్ ప్రభాస్‌కు విషెష్ చెప్పారు. 'లవ్‌లీ గ్లింప్స్. చాలా ఎంజాయ్ చేశా. సందీప్ రెడ్డి వంగాకు కంగ్రాట్స్. సెప్టెంబర్ 3న గ్రాండ్ సక్సెస్ కాబోతోంది.' అంటూ రాసుకొచ్చారు.

నటీనటులు : సుమంత్ ప్రభాస్, అనంతిక సానిల్ కుమార్, ఉపేంద్ర లిమయె, వెంకటేష్ కాకుమాను, నరేంద్ర రవి, మణి, సోహన్, తదితరులు

టెక్నికల్ టీమ్ : DOP - పవన్ పప్పుల, మ్యూజిక్ - వాసుకి వైభవ్, బ్యానర్ - భద్రకాళీ పిక్చర్స్, ప్రెజెంటర్ - సందీప్ రెడ్డి వంగా, ప్రొడ్యూసర్ - ప్రణయ్ రెడ్డి వంగా, రచన, దర్శకత్వం - వేణుగోపాల్ రెడ్డి.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

అఖిల్ లెనిన్ ఓటీటీ ప్లాట్ ఫామ్ ఫిక్స్ - ఎందులో స్ట్రీమింగ్ అవుతుందంటే?