Robinhood OTT Release Date: ఓటీటీలోకి నితిన్ 'రాబిన్ హుడ్' మూవీ - ఎప్పుడు, ఎందులో స్ట్రీమింగ్ అవుతుందో తెలుసా?

Robinhood OTT Platform: నితిన్, శ్రీలీల జంటగా నటించిన రీసెంట్ మూవీ 'రాబిన్ హుడ్' ఓటీటీలోకి వచ్చేందుకు సిద్ధమవుతోంది. ఈ మూవీ మే ఫస్ట్ వీక్‌లో ప్రముఖ ఓటీటీ 'జీ5'లో అందుబాటులోకి రానున్నట్లు తెలుస్తోంది.

రాబిన్ హుడ్ మూవీ ఓటీటీ రిలీజ్

Source : https://x.com/movie_charles/

Nithiin's Robin Hood Movie OTT Release Date Locked: టాలీవుడ్ యంగ్ హీరో నితిన్ (Nithiin), శ్రీలీల (Sreeleela) జంటగా నటించిన రీసెంట్ మూవీ 'రాబిన్ హుడ్' (Robinhood). వెంకీ కుడుముల దర్శకత్వంలో యాక్షన్, రొమాంటిక్, కామెడీ, లవ్ ఎంటర్‌టైనర్‌గా తెరకెక్కిన ఈ మూవీ మార్చి 28న ప్రేక్షకుల ముందుకు వచ్చి.. బాక్సాఫీస్ వద్ద మిక్స్‌డ్ టాక్ తెచ్చుకుంది. తాజాగా, ఓటీటీలోకి రిలీజ్ అయ్యేందుకు సిద్ధమవుతోంది. 

ఎప్పటి నుంచి స్ట్రీమింగ్ అంటే?

'రాబిన్ హుడ్' డిజిటల్ స్ట్రీమింగ్ హక్కులను 'జీ5' (Zee5) సొంతం చేసుకున్నట్లు తెలుస్తుండగా.. శాటిలైట్ హక్కులను 'జీ తెలుగు' ఛానల్ సొంతం చేసుకుందని తెలుస్తోంది. ఈ సినిమా థియేట్రికల్ రన్ పూర్తవుతున్న క్రమంలో మే 2 నుంచి ఓటీటీలోకి రాబోతోందని సమాచారం. మరి దీనిపై అధికారిక ప్రకటన రావాల్సి ఉంది. 'భీష్మ' మూవీ తర్వాత వెంకీ, నితిన్ కాంబోలో వచ్చిన 'రాబిన్ హుడ్' అనుకున్నంత స్థాయిలో అంచనాలు అందుకోలేకపోయింది. మైత్రి మూవీ మేకర్స్ బ్యానర్‌పై.. నవీన్ ఎర్నేని, వై.రవిశంకర్ నిర్మించారు. సీనియర్ నటుడు రాజేంద్ర ప్రసాద్, వెన్నెల కిశోర్, బ్రహ్మాజీ, షైన్ టైమ్ చాకో, దేవదత్ నాగే, శుభలేఖ సుధాకర్ కీలక పాత్రలు పోషించారు. ఈ సినిమాతోనే ప్రముఖ క్రికెటర్ డేవిడ్ వార్నర్ టాలీవుడ్‌లోకి ఎంట్రీ ఇచ్చారు. 

స్టోరీ ఏంటంటే?

చిన్నప్పటి నుంచి అనాథ అయిన రామ్ (నితిన్) ఓ అనాథాశ్రమంలో ఆశ్రయం పొందుతుంటాడు. తన లాంటి వారి ఆకలి, అవసరాలు తీర్చేందుకు నేరాల బాట పడుతూ రాబిన్ హుడ్‌గా మారతాడు. చోరీ సొమ్ముతో అనాథ శరణాలయాలకు అండగా నిలుస్తాడు. అలా హోం మంత్రి (ఆడుకాలం నరేన్) బిజినెస్ పార్ట్‌నర్ ఇంట్లోనే దొంగతనం చేస్తాడు. దాంతో ఎలాగైనా 'రాబిన్‌హుడ్'ను పట్టుకోవాలని స్ట్రీక్ట్ పోలీస్ ఆఫీసర్ విక్టర్ వర్గీస్ (షైన్ టామ్ చాకో)ను రంగంలోకి దించుతారు. అతనికి దొరికినట్లే దొరికి తప్పించుకుంటాడు రామ్. కొద్ది రోజులు చోరీలకు బ్రేక్ ఇచ్చి జాన్ స్నో (రాజేంద్ర ప్రసాద్) నడిపే ఇండియాస్ నెంబర్ వన్ సెక్యూరిటీ ఏజెన్సీ కంపెనీలో చేరతాడు.

ఇదే సమయంలో ఆ కంపెనీకి భారీ డీల్ వస్తుంది. ఆస్ట్రేలియాలో సెటిల్ అయిన నీరా వాసుదేవ్‌ (శ్రీ లీల) ఇండియా వస్తుంది. వారం రోజుల పాటు ఆవిడ సెక్యూరిటీ బాధ్యతలు చూసుకోవడానికి కోటిన్నర ఆఫర్ చేస్తారు. ఇండియా వచ్చిన నీరాను తన అమ్మమ్మ ఊరు రుద్రకొండ తీసుకువెళ్తారు. ఆమె తాతయ్యతో పాటు బంధువులు అక్కడ ఉంటారు. అయితే కొన్నేళ్లుగా ప్రపంచానికి దూరంగా ఆ ఊరి ప్రజలందరూ బ్రతకడానికి కారణం ఏమిటి? రుద్ర కొండను తన గుప్పెట్లో పెట్టుకున్న సామి (దేవదత్త నాగే) ఎవరు? నీరాను అతడు ఇండియా ఎందుకు రప్పించాడు? అంతర్జాతీయ స్థాయిలో వ్యాపారం చేస్తోన్న డ్రగ్ మాఫియా నీరాను ఎందుకు టార్గెట్ చేసింది. వాళ్ల నుంచి నీరాను రామ్ ఎలా కాపాడాడు? రామ్, మీరా మధ్య ప్రేమ కథ ఏమిటి? చివరకు ఏమైంది? అనేది తెలియాలంటే మూవీ చూడాల్సిందే.

మరిన్ని చదవండి

కేసరి చాప్టర్ 2 రిలీజ్ - ప్రేక్షకులకు అక్షయ్ కుమార్ స్పెషల్ రిక్వెస్ట్ ఏంటో తెలుసా?