Kalki 2898 AD Trailer: ‘క‌ల్కీ 2898 AD’పై ఆర్జీవీ కామెంట్స్.. ఈ పజిల్ పూర్తి చేస్తే రూ.లక్ష ఇస్తారట, మీరు సిద్ధమేనా?

'క‌ల్కీ 2898 AD' సినిమా ట్రైల‌ర్ ఇప్పుడు ఇదే ట్రెండింగ్. అయితే, ఆ ట్రైల‌ర్ కంటే ఆర్జీవి ట్వీట్ ఇంకా ట్రెండింగ్ లోకి వ‌చ్చింది. ఏకంగా ల‌క్ష రూపాయ‌లు ప్ర‌క‌టించ‌డంతో అంద‌రూ ఆసక్తిక‌రంగా చూస్తున్నారు.

Image Credits: Twitter

RGV Puzzle On Kalki Trailer Tweet Viral: ప్ర‌భాస్ న‌టించిన సినిమా 'క‌ల్కీ 2898 AD'. ఈ సినిమాపై భారీ అంచ‌నాలు ఉన్నాయి ప్రేక్ష‌కుల్లో. జూన్ 27 కోసం ఎదురుచూస్తున్నారు చాలామంది. ఇక ఇటీవ‌ల రిలీజైన 'క‌ల్కీ 2898 AD' సినిమా ట్రైల‌ర్ అయితే క్రేజ్ ని పెంచేసింది అంద‌రిలో. ప్ర‌స్తుతం ట్రెండింగ్ లో ఉంది. అయితే, ఇప్పుడు ఆ ట్రైల‌ర్ కంటే ఆ ట్రైల‌ర్ గురించి ఆర్జీవి చేసిన ట్వీట్ ఇంకా ట్రెండింగ్ గా మారింది. కార‌ణం ట్రైల‌ర్ కి సంబంధించి ఆయ‌న ఇచ్చిన ప‌జిల్. సరైన సమాధానం చెప్పినవారికి ఆయన రూ.ల‌క్ష బ‌హుమ‌తి కూడా ఆఫర్ చేశారు.

ప్ర‌శంస‌లు కురిపించిన ఆర్జీవి.. 

ఆర్జీవి వివాదాస్ప‌ద డైరెక్ట‌ర్ గా పేరు. ఏది ఒక ప‌ట్టాన న‌చ్చ‌దు ఆయ‌న‌కు. న‌చ్చితే మాత్రం దాని మీద విప‌రీత‌మైన ప్ర‌శంస‌లు కురిపిస్తాడు. అయితే, ఆయ‌న‌కు 'క‌ల్కీ 2898 AD' ట్రైల‌ర్ తెగ న‌చ్చిందంట‌. ఆ విష‌యాన్ని చెప్తూ ఒక ప‌జిల్ పోస్ట్ చేశారు ఆర్జీవి. ఒక సెంటెన్స్ ఇచ్చి, అందులో కొన్ని ప‌దాల‌ను మిస్ చేశాడు ఆర్జీవి. ఫిల్ ఇన్ ది బ్లాంక్స్ ఇచ్చారు. ఆ ప‌దాల‌ను ఎవ‌రైతే.. క‌రెక్ట్ గా ఫిల్ చేస్తారో వాళ్ల‌కి రూ.ల‌క్ష ఇస్తాన‌ని ట్వీట్ చేశారు ఆర్జీవి. దీంతో ఆయ‌న ట్వీట్ ఇప్పుడు వైర‌ల్ అవుతుంది. అంద‌రూ ప‌జిల్ ని సాల్వ్ చేసే ప‌నిలో ప‌డ్డారు. 

🔥🔥🔥 Check out the M_____F___ing P_____ L___ing A___ B____ing Trailer of KALKI 2898 AD😘😘😘 .. I will give 1 lakh prize for whoever first fills the correct words in the blanks 💪💪💪 https://t.co/Moex5gZKnV

— Ram Gopal Varma (@RGVzoomin) June 21, 2024

ప్ర‌ముఖ ద‌ర్శ‌కుడు నాగ్ అశ్విన్ ద‌ర్శ‌కుడిగా ప్ర‌భాస్ ప్ర‌ధాన పాత్ర‌లో న‌టిస్తున్న సినిమా 'క‌ల్కీ 2898 AD'. ఆ సినిమాకి సంబంధించి ఇప్ప‌టికే ప్ర‌మోష‌న్స్ మొద‌లుపెట్టారు. పాన్ ఇండియా సినిమాగా వ‌స్తున్న ఈ సినిమాలో అమితాబ్ బ‌చ్చ‌న్, దీపికా ప‌దుకొనే, క‌మ‌ల్ హాస‌న్ త‌దిత‌రులు ప్ర‌ధాన పాత్ర పోషిస్తున్నారు. ఈ సినిమా సైన్స్ ఫిక్ష‌న్ గా తెరకెక్కిన విష‌యం తెలిసిందే. జూన్ 27న సినిమా రిలీజ్ కానున్న నేప‌థ్యంలో ఇటీవ‌ల ముంబైల్ గ్రాండ్ ప్రీ రిలీజ్ ఈవెంట్ నిర్వ‌హించారు మేక‌ర్స్. ఈ సంద‌ర్భంగా రిలీజ్ చేసిన ట్రైల‌ర్ అంద‌రినీ ఆక‌ట్టుకుంది. ట్రైల‌ర్ హాలీవుడ్ రేంజ్ లో ఉంది. సినిమాలో నటించిన నటీనటులు అంతా దాదాపుగా ఈ ట్రైలర్‌లో చూపించారు నాగ్ అశ్విన్. 

రిలీజ్ కోసం వెయిటింగ్.. 

ఫ‌స్ట్ లుక్, టీజ‌ర్, భైర‌వ‌, బుజ్జి కాన్సెప్ట్స్ ఇలా అన్ని చూసిన ఫ్యాన్స్ వేయి క‌ళ్ల‌తో సినిమా రిలీజ్ కోసం వెయిట్ చేస్తున్నారు. ఇక ఇప్ప‌టికే ఈ సినిమాకి సెన్సార్ కూడా పూర్తైన‌ట్లు తెలుస్తోంది. ముంబై నుంచి అందుతున్న రిపోర్ట్స్ ప్రకారం 'Kalki 2898 AD'కి యు/ఎ సర్టిఫికెట్ వచ్చిన‌ట్లుగా తెలుస్తోంది. దానికి సంబంధించి రివ్యూ కూడా సోష‌ల్ మీడియాలో వైర‌ల్ అవుతుంది. ప్ర‌భాస్  యాక్టింగ్, కామెడీ అన్నీ భ‌లే ఉన్నాయ‌ని సెన్సార్ మెంబ‌ర్స్ చెప్పిన‌ట్లుగా తెలుస్తుంది. బాక్సాఫీస్ ద‌గ్గ‌ర క‌చ్చితంగా బంప‌ర్ హిట్ కొడుతుంద‌ని అనుకుంటున్న‌ట్లు ఎక్స్ ద్వారా పేర్కొన్నారు కొంత‌మంది. ఏదేమైనా ప్ర‌భాస్ ని క‌ల్కీగా చూసేందుకు ఎదురుచూస్తున్న‌ట్లు ఫ్యాన్స్ కామెంట్లు పెడుతున్నారు. చూడాలి ఈ సినిమా ఏ రేంజ్ లో రికార్డు బ‌ద్ద‌లుకొడుతుందో మ‌రి.