Rashmika Mandanna: రష్మికను పూర్తిగా మార్చేసిన శేఖర్ కమ్ముల - 'కుబేర'లో ఆమె ఫస్ట్ లుక్ చూశారా?

Kubera Movie - Rashmika Look: నేషనల్ క్రష్ రష్మికా మందన్నాను దర్శకుడు శేఖర్ కమ్ముల పూర్తిగా మార్చేశారు. ఆయన దర్శకత్వం వహిస్తున్న కొత్త సినిమా 'కుబేర'లో ఆమె లుక్ నేడు విడుదల చేశారు.

'కుబేర' సినిమాలో రష్మిక

Source : Other

Rashmika Mandanna Look In Kubera Movie: రష్మిక... అభిమానులు ముద్దుగా నేషనల్ క్రష్ అని పిలుస్తారు. గాడ్ ఆఫ్ మాసెస్ నందమూరి బాలకృష్ణ అయితే ఆమెను 'క్రష్మిక' అంటుంటారు. ఇప్పటి వరకు రష్మికా మందన్నాను ప్రేమ కథల్లో చూసి ఉంటారు. పెర్ఫార్మన్స్ ఓరియెంటెడ్ క్యారెక్టర్లలో చూసి ఉంటారు. అయితే, ఆమెను ప్రేక్షకులు ఎప్పుడూ చూడని పాత్రలో 'కుబేర'లో చూడబోతున్నారు. నేషనల్ అవార్డు విన్నింగ్ ఫిల్మ్ మేకర్ శేఖర్ కమ్ముల ఆమెను అంతలా మార్చారు. 

'కుబేర'లో రష్మిక ఫస్ట్ లుక్ చూశారా?
కోలీవుడ్ స్టార్ ధనుష్ (Dhanush), కింగ్ అక్కినేని నాగార్జున (Akkineni Nagarjuna) హీరోలుగా శేఖర్ కమ్ముల దర్శకత్వం వహిస్తున్న పాన్ ఇండియా ఫిల్మ్ 'కుబేర'. ఈ సినిమాలో రష్మిక హీరోయిన్. కథలో అత్యంత కీలకమైన పాత్రలో నటిస్తున్నారు. ఈ రోజు ఆమె ఫస్ట్ లుక్, వీడియో గ్లింప్స్ విడుదల చేశారు.

Here’s the intriguing and captivating first look of @iamRashmika from the world of #SekharKammulasKubera 💥

- https://t.co/xtu0DhkFP1@dhanushkraja King @iamnagarjuna @sekharkammula @jimSarbh @Daliptahil @ThisIsDSP @SVCLLP @amigoscreation @AdityaMusic @KuberaTheMovie #Kubera pic.twitter.com/9U5dMk6I2m

— Kubera Movie (@KuberaTheMovie) July 5, 2024

భూమిలో పాతిన డబ్బులు వెలికి తీసిన రష్మిక!
'కుబేర'లో రష్మిక ఫస్ట్ లుక్ చూస్తే సాదాసీదాగా ఉంది. చుడిదార్ ధరించి పక్కింటి అమ్మాయి తరహాలో కనిపించారు. కానీ, ఆవిడ చేసిన పని చూస్తే ప్రేక్షకులకు షాక్ తగలడం ఖాయం. ఒక పలుగు, పార పట్టుకుని రాత్రి వేళలో నిర్మానుష్య ప్రాంతానికి వెళ్లారు. అక్కడ తవ్వడం మొదలు పెట్టారు. కాసేపటికి భూమిలో నుంచి బయటకు ఒక సూట్ కేస్ వచ్చింది. అది ఓపెన్ చేస్తే... సూట్ కేస్ నిండా డబ్బు. ఆ డబ్బును అక్కడి నుంచి తీసుకు వెళుతున్న రష్మిక! గ్లింప్స్ చూస్తే... ఆమె ఇప్పటి వరకు చేసిన పాత్రలకు ఎటువంటి సంబంధం లేనటువంటి పాత్ర చేశారని అర్థం అవుతోంది.

మైథలాజికల్ సోషల్ డ్రామాగా 'కుబేర' తెరకెక్కుతోంది. ఆల్రెడీ ధనుష్, నాగార్జున క్యారెక్టర్లకు సంబందించిన ఇంట్రడక్షన్ ప్రోమోలు విడుదల చేశారు. ఆ రెండిటికీ మంచి స్పందన లభించింది. ఇప్పుడీ రష్మిక వీడియో గ్లింప్స్ సైతం ప్రేక్షకులను అమితంగా ఆకట్టుకుంటోంది. సినిమాపై ఆసక్తి పెంచుతోంది.

ప్రస్తుతం 'కుబేర' చిత్రీకరణ హైదరాబాద్ పరిసర ప్రాంతాల్లో జరుగుతోంది. ఈ చిత్రాన్ని శ్రీ వెంకటేశ్వర క్రియేషన్స్, అమిగోస్ క్రియేషన్స్ పతాకాలపై సునీల్ నారంగ్, పుస్కూర్ రామ్ మోహన్ రావు ప్రొడ్యూస్ చేస్తున్నారు. తెలుగుతో పాటు తమిళ, హిందీ భాషల్లో ఏకకాలంలో తెరకెక్కుతోన్న చిత్రమిది.

'కుబేర' చిత్రానికి జాతీయ పురస్కారం అందుకున్న నటీనటులు, పలువురు సాంకేతిక నిపుణులు పని చేస్తున్నారు. జిమ్ శరభ్ కీలక పాత్ర పోషిస్తున్నారు. రాక్ స్టార్ దేవి శ్రీ ప్రసాద్ సంగీతం అందిస్తున్నారు. భారీ నిర్మాణ వ్యయంతో ఈ సినిమా రూపొందుతోంది. ఒక వైపు చిత్రీకరణ జరుగుతోంది. మరో వైపు పోస్ట్ ప్రొడక్షన్ పనులు ప్రారంభించారు.