Ranbir Kapoor: ‘రామాయణం’ కోసం మేకోవర్‌ అవుతున్న రణ్‌బీర్‌ - విలువిద్యలో ప్రత్యేక శిక్షణ, ఫోటోలు వైరల్‌

Ranbir Kapoor: రణ్‌బీర్‌ కపూర్‌ నెక్ట్స్‌ మైథలాజికల్‌'రామయణం'లో నటిస్తున్న సంగతి తెలిసిందే. ఈ సినిమా కోసం అతడు మేకోవర్‌ అవుతున్నాడు. ప్రస్తుతం విలువిద్య నేర్చుకునే పనిలో పడ్డాడు.

Image Credit: Ranbir Kapoor/Twitter

Ranbir Kapoor Learns Archery For Ramayan: బాలీవుడ్‌ దర్శకుడు నితీష్ తివారీ ప్రతిష్టాత్మకంగా తెరకెక్కించబోతున్న చిత్రం ‘రామాయణం’ (Ramayan). బాలీవుడ్ చాక్‌లేట్‌ బాయ్‌, స్టార్‌ హీరో రణబీర్ కపూర్, నేచులర్‌ బ్యూటీ సాయి పల్లవి లీడ్‌ రోల్లో ఈమైథలాజికల్‌ చిత్రాన్ని తెరకెక్కిస్తున్నారు నితీష్ (Nitesh Tiwari's Ramayana). అంటే రణ్‌బీర్‌ (Ranbir Kapoor) రాముడిగా, సాయి పల్లవి సీతగా నటించబోతున్నారు. ప్రస్తుతం ప్రీ ప్రొడక్షన్‌ వర్క్‌ జరుపుకుంటున్న ఈ ప్రాజెక్ట్‌పై ఇప్పటికీ ఆఫీషియల్‌ అనౌన్స్‌మెంట్‌ రాలేదు. కానీ, ఈ చిత్రాన్ని వచ్చే ఏడాది (2025) దీపావళికి రిలీజ్‌ చేయాలని మేకర్స్‌ ప్లాన్‌ చేస్తున్నారంటూ ఓ వార్త ప్రచారంలో ఉంది. దీనిపై ఇప్పిటికీ అధికారిక ప్రకటన లేకపోయినా ఈ మూవీ విషయంలో బయటకు వస్తున్న పుకార్లే అప్‌డేట్స్‌ అవుతున్నాయి.

రాముడిలా మేకోవర్ అయిన రణ్ బీర్

ఇక ఈ సినిమాను శ్రీరామ నవవి సందర్భంగా ఆఫీషియల్‌ ప్రకటించే అవకాశం ఉందని సమాచారం. అయితే తాజాగా ఈ మూవీ మరో ఆసక్తికర అప్‌డేట్‌ ఒకటి బయటకు వచ్చింది. ఈసారి నోటీ మాటలు మాత్రమే కాదు ఏకంగా ఫోటోలే బయటకు వచ్చాయి. ఇటీవల యానిమల్‌ బిగ్గెస్ట్‌ హిట్‌ రణ్‌బీర్‌ రామయణంలో తన లుక్‌, మేకోవర్‌పై దృష్టి పెడుతున్నాడట. ఇందుకోసం ప్రత్యేకంగా శిక్షణ కూడా తీసుకుంటున్నాడు. రాముడు అంటే విలు విద్యలో సిద్ధహస్తుడు అనే విషయం తెలిసిందే. రామయణంలో రాముడి పాత్ర పోషిస్తున్న రణ్‌బీర్‌ ఆ పాత్రకు తగ్గట్టుగా మేకోవర్‌ అవుతున్నాడు. అంతేకాదు విలు విద్యలో కూడా ప్రత్యేకంగా శిక్షణ పొందుతున్నాడు.

తాజాగా రణ్‌బీర్‌ తన ఆర్చరీ కోచ్‌తో (విలు విద్య శిక్షకుడు) దిగిన ఫోటోలు నెట్టింట బయటకు వచ్చాయి. వీటిని ఓ నెటిజన్‌ రణ్‌బీర్‌ ఫ్యాన్‌ పేజీలో షేర్‌ చేస్తూ.. తన ఆర్చరీ(విలు విద్య) కోచ్‌ రణ్‌బీర్‌. రణ్‌బీర్‌ తన 'రామయణం' కోసం విలు విద్య శిక్షణ పొందుతున్నాడు" అంటూ ఫోటోలు షేర్‌ చేశాడు. ప్రస్తుతం ఈ ఫోటోలు నెట్టింట వైరల్‌ అవుతున్నాయి. కాగా ఈ ఫోటోల్లో రణ్‌బీర్‌ పూర్తిగా రాముడిలా మేకోవర్‌ అయ్యాడు. రెండు చెవులకు పోగులు పెట్టుకుని ఉన్నాడు. అంతే హెయిర్‌ స్టైల్‌ కూడా కొత్తగా ఉంది. చూస్తుంటే ఇక త్వరలోనే రామాయణం మూవీ సెట్స్‌పైకి వచ్చేలా ఉందనిపిస్తుంది. 

RK with 🏹archery coach 📸🤳#recentclicks pic.twitter.com/aBBLfkLa49

— Ranbir Kapoor 👑❤️ (@Khushali_rk) March 25, 2024

ఏప్రీల్‌ 17న అప్‌డేట్‌!

ఇదిలా ఉంటే ఈ మైథలాజికల్‌ డ్రామాగా వస్తున్న ఈసినిమాలో నార్త్‌, సౌత్‌ ఇండస్ట్రీలకు చెందిన పలువురు స్టార్స్‌ కూడా ఈ మూవీలో భాగమవుతున్నారు. ఈ సినిమాలో రావణ్‌ గా కన్నడ స్టార్ హీరో యష్, హనుమంతుడిగా సన్నీ డియోల్‌ కనిపించబోతున్నారు. కైకేయి పాత్రలో లారా దత్తా, విభీషణ పాత్రలో విజయ్ సేతుపతి నటించబోతున్నారు. రావణుడి చెల్లి శూర్పణఖ పాత్రతో హీరోయిన్ రకుల్ ప్రీత్ సింగ్ కనిపించనుందని సమాచారం. ఇప్పటికే రకుల్ ప్రీత్ సింగ్ లుక్ టెస్ట్ లో పాల్గొన్నట్లు తెలుస్తోంది. జాకీ భగ్నానితో తన పెళ్లి తర్వాత రకుల్ నటించబోయే తొలి చిత్రం ‘రామాయణం’ కాబోతోంది.