Ram Charan : రామ్ చరణ్‌కు గాయం? - పెద్ది షూటింగ్‌కు బ్రేక్!

Ram Charan Injury : గ్లోబల్ స్టార్ రామ్ చరణ్‌కు పెద్ది షూటింగ్ సెట్‌లో గాయమైనట్లు తెలుస్తోంది. ఆయన కంటికి గాయం కాగా... అది చిన్నదేనని రెండు రోజులు విశ్రాంతి తీసుకుంటే సరిపోతుందని అంటున్నారు.

హీరో రామ్ చరణ్‌కు గాయం?

Source : https://www.instagram.com/p/DUVaZ2JE2BK/

Ram Charan Injured In Peddi Shooting : గ్లోబల్ స్టార్ రామ్ చరణ్, డైరెక్టర్ బుచ్చిబాబు కాంబోలో విలేజ్ స్పోర్ట్స్ డ్రామా 'పెద్ది' ఏప్రిల్ 30న వరల్డ్ వైడ్‌గా ప్రేక్షకుల ముందుకు రానుంది. ఇప్పటికే షూటింగ్ చివరి దశకు చేరుకోగా... చిన్న చిన్న సీన్స్ ఓ సాంగ్ పెండింగ్ ఉన్నట్లు తెలుస్తోంది. తాజా షూటింగ్‌లో హీరో రామ్ చరణ్‌కు గాయమైనట్లు తెలుస్తోంది.

ఆయన కంటికి స్వల్ప గాయమైనట్లు వార్తలు వస్తున్నాయి. అయితే, అది చిన్న గాయమేనని... రెండు రోజులు విశ్రాంతి తీసుకుంటే సరిపోతుందని సినీ వర్గాలు చెబుతున్నాయి. అభిమానులు ఆందోళన చెందాల్సిన పని లేదని సోషల్ మీడియాలో పోస్టులు పెడుతున్నాయి. దీంతో షూటింగ్‌కు కొద్ది రోజులు బ్రేక్ పడే ఛాన్స్ ఉంది. ప్రస్తుతం హైదరాబాద్‌లోనే చరణ్‌తో కొన్ని కీలక సీన్స్ షూట్ చేస్తున్నారు మేకర్స్. త్వరలోనే ఓ స్పెషల్ సాంగ్ సైతం షూటింగ్ చేయబోతున్నారట. 

స్పెషల్ సాంగ్ పెండింగ్

చెప్పిన టైంకే మూవీ రిలీజ్ చేసేందుకు టీం అహర్నిశలు శ్రమిస్తున్నారు. మరోసారి వాయిదా పడుతుందంటూ వస్తోన్న రూమర్స్‌కు ఓవర్సీస్ బుకింగ్ డేట్‌తో మేకర్స్ చెక్ పెట్టారు. చరణ్ బర్త్ డే సందర్భంగా ఈ నెల 27 (శుక్రవారం) నుంచి బుకింగ్స్ ఓపెన్ అవుతాయని అనౌన్స్ చేశారు. ఇక అదే రోజున మెగా అభిమానులకు బిగ్ సర్ప్రైజ్‌గా టీజర్ సైతం రిలీజ్ చేసే ఛాన్స్ ఉంది. ఇప్పటికే షూటింగ్ చివరి దశకు చేరుకుంది. పోస్ట్ ప్రొడక్షన్ పనులకు సిద్ధం అవుతున్నారు.

కొన్ని సీన్స్, స్పెషల్ సాంగ్ పెండింగ్ ఉన్నట్లు తెలుస్తోంది. చరణ్ సరసన మృణాల్ ఠాకూర్ ఈ పాటలో నటించనున్నారనే ప్రచారం సాగుతోంది. దీనిపై అధికారిక ప్రకటన రావాల్సి ఉంది. చరణ్‌కు గాయం కావడంతో షూటింగ్ కాస్త ఆలస్యం కావొచ్చని తెలుస్తోంది.

సినిమాలో చరణ్ సరసన జాన్వీ కపూర్ హీరోయిన్‌గా నటిస్తున్నారు. అలాగే, కన్నడ స్టార్ శివరాజ్ కుమార్, మీర్జాపూర్ ఫేం దివ్యేందు శర్మ, బొమన్ ఇరానీ, జగపతి బాబు కీలక పాత్రలు పోషించారు. మైత్రీ మూవీ మేకర్స్, సుకుమార్ రైటింగ్స్ సమర్పణలో వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తున్నారు. ఆస్కార్ విన్నర్ ఏఆర్ రెహమాన్ మ్యూజిక్ అందిస్తున్నారు. తెలుగుతో పాటు తమిళం, హిందీ, కన్నడ, మలయాళం భాషల్లో ఏప్రిల్ 30న రిలీజ్ కానుంది.

మరిన్ని చదవండి

గద్దర్ అవార్డుల్లో గోల్‌మాల్... రెండు కోట్లు నొక్కేశారా? బీఆర్ఎస్ నేత సంచలన ట్వీట్