Jailer 2 Release Date : నాని 'ది ప్యారడైజ్' Vs రజనీ కాంత్ 'జైలర్ 2'! - బాక్సాఫీస్ వద్ద గట్టి పోటీ తప్పదా?

Jailer 2 Update : తలైవా రజనీ కాంత్ బ్లాక్ బస్టర్ జైలర్ సీక్వెల్ రిలీజ్ డేట్ కన్ఫర్మ్ అయినట్లు తెలుస్తోంది. గతంలో జూన్‌లో వస్తుందని భావించినా అది కాస్త వెనక్కు వెళ్లే అవకాశాలు కనిపిస్తున్నాయి.

'జైలర్ 2' రిలీజ్ డేట్ అదేనా!

Source : https://www.youtube.com/watch?v=PmPoS5oyuBw

Rajinikanth's Jailer 2 New Release Date : తమిళ సూపర్ స్టార్ రజనీ కాంత్ హీరోగా పవర్ ఫుల్ యాక్షన్ ఎంటర్టైనర్ 'జైలర్' బాక్సాఫీస్ వద్ద సంచలన విజయం సాధించిన సంగతి తెలిసిందే. నెల్సన్ దిలీప్ కుమార్ దర్శకత్వం వహించిన ఈ మూవీ దాదాపు రూ.600 కోట్ల కలెక్షన్లతో తలైవా కెరీర్‌లోనే బెస్ట్ మూవీగా నిలిచింది. ఈ మూవీ సీక్వెల్ 'జైలర్ 2' కోసం మూవీ లవర్స్ ఎంతగానో ఎదురుచూస్తున్నారు.

కొత్త రిలీజ్ డేట్ అదేనా?

'జైలర్ 2' ఈ ఏడాది జూన్ 12న రిలీజ్ అవుతుందని గతంలో తలైవా రజనీ అనౌన్స్ చేశారు. అయితే, ఇది వాయిదా పడే అవకాశాలు కనిపిస్తున్నట్లు తెలుస్తోంది. షూటింగ్ చివరి షెడ్యూల్ జరుగుతుండగా... పోస్ట్ ప్రొడక్షన్ పనులు, ప్రమోషన్స్ వంటి కారణాలతో మూవీ రిలీజ్ కావొచ్చని సినీ వర్గాలు పేర్కొంటున్నాయి. ఆగస్ట్ 21న మూవీ ప్రేక్షకుల ముందుకు తెచ్చేలా మేకర్స్ ప్లాన్ చేస్తున్నట్లు టాక్ వినిపిస్తోంది. దీనిపై మూవీ టీం అఫీషియల్ అనౌన్స్‌మెంట్ ఇవ్వాల్సి ఉంది.

'జైలర్ 2' మూవీలో ఫస్ట్ పార్ట్‌లో నటించిన వారంతా కనిపించనున్నారు. కేవలం అనౌన్స్‌మెంట్ వీడియోతోనే బిగ్ హైప్ క్రియేట్ చేశారు డైరెక్టర్ నెల్సన్. రజనీ కాంత్ భార్యగా రమ్యకృష్ణ కీలకపాత్ర పోషించారు. ఎస్ జే సూర్య కీ రోల్ ప్లే చేస్తున్నారు. అలాగే, యోగిబాబు, మిర్నా మీనన్, మోహన్ లాల్, జాకీ ష్రాఫ్, కరుణాడ చక్రవర్తి శివరాజ్ కుమార్, సునీల్, వినాయకన్ కీలకపాత్రలు పోషిస్తున్నారు. అనిరుధ్ రవిచందర్ మ్యూజిక్ అందిస్తుండగా... సన్ పిక్చర్స్ బ్యానర్‌పై కళానిధి మారన్ మూవీని నిర్మించారు.

విగ్రహాలు చోరీ చేసే ముఠా వల్ల ఓ రిటైర్డ్ పోలీస్ ఆఫీసర్ కుటుంబానికి ఎదురైన ఇబ్బందులు, తన కుటుంబాన్ని అంతం చేయాలనుకున్న ముఠా నాయకుడిని పోలీస్ ఆఫీసర్ ఎలా అంతం చేశారు? క్లైమాక్స్‌లో ఆయన తెలుసుకున్న షాకింగ్ నిజం... ఇవన్నీ ఫస్ట్ పార్టులో చూపించగా... ఆ తర్వాత ఏం జరిగింది సీక్వెల్‌లో చూపించనున్నారు.

పోటీ తప్పదా?

'జైలర్ 2' ఆగస్ట్ 21న రిలీజ్ చేసేందుకు ప్లాన్ చేస్తున్నారన్న ప్రచారం నేపథ్యంలో బాక్సాఫీస్ వద్ద గట్టి పోటీ  నెలకొనే అవకాశం ఉన్నట్లు తెలుస్తోంది. నేచరల్ స్టార్ నాని, శ్రీకాంత్ ఓదెల కాంబో పవర్ ఫుల్ గ్యాంగ్ స్టర్ డ్రామా 'ది ప్యారడైజ్' కూడా అదే రోజున రిలీజ్ కానుంది. మార్చి 26న రిలీజ్ కావాల్సిన ఈ మూవీ అనుకోని కారణాలతో వాయిదా పడింది. 

నాని మూవీ అనౌన్స్‌మెంట్ వచ్చినప్పటి నుంచే భారీ హైప్ క్రియేట్ అవుతోంది. ఇదివరకూ ఎన్నడూ చూడని విధంగా 'జడల్' పాత్రలో ఆయన కనిపించనున్నారు. పాన్ ఇండియా స్థాయిలో 8 భాషల్లో 'ది ప్యారడైజ్'ను భారీగా రిలీజ్ చేసేందుకు మేకర్స్ ప్లాన్ చేస్తున్నారు. ఒకవేళ 'జైలర్ 2' అదే రోజున వస్తే రెండు పెద్ద మూవీస్‌కు పోటీ తప్పదంటూ ఫ్యాన్స్ కామెంట్స్ చేస్తున్నారు.

మరిన్ని చదవండి

ఓటీటీలోకి 'శ్రీ చిదంబరం గారు' - 20 రోజుల్లోపే కొత్త మూవీ స్ట్రీమింగ్