నా ట్రస్ట్‌కు డబ్బులు ఇవ్వొద్దు, బదులుగా వారికి సహాయం చేయండి: రాఘవా లారెన్స్
ప్రముఖ నటుడు కొరియోగ్రాఫర్ రాఘవ లారెన్స్ సొంతంగా ఓ ట్రస్ట్ రన్ చేస్తున్న విషయం తెలిసిందే. అయితే తన ట్రస్ట్ కి ఎవరూ డబ్బులు పంపించకండి అంటూ లారెన్స్ తాజాగా ఓ వీడియోని సోషల్ మీడియాలో షేర్ చేశారు.
ప్రముఖ నటుడు, దర్శకుడు, కొరియోగ్రాఫర్ రాఘవ లారెన్స్ ఓవైపు సినిమాలు చేస్తూనే మరోవైపు సేవా కార్యక్రమాలు చేపడుతున్న విషయం తెలిసిందే. ఈ క్రమంలోనే సొంతంగా ఓ ట్రస్ట్ ను కూడా రన్ చేస్తున్నారు. ఆ ట్రస్ట్ ద్వారా ఎంతో మందికి సహాయం అందిస్తున్నారు. ఇదిలా ఉంటే ఇటీవల తన సోషల్ మీడియా వేదికగా రాఘవ లారెన్స్ 'తన ట్రస్ట్ కు ఎవరూ డబ్బులు పంపించకండి' అంటూ చెప్పిన విషయం అందరికీ తెలిసిందే. అయితే తాజాగా ఇప్పుడు సోషల్ మీడియాలో ఓ వీడియోని పంచుకున్నారు రాఘవ లారెన్స్.
ఈ వీడియోలో లారెన్స్ మాట్లాడుతూ.. "కొద్ది రోజులకు ముందు నేను ఒక ట్వీట్ చేశాను. అదేంటంటే నా ట్రస్ట్ కి ఎవరు డబ్బులు పంపించకండి అని, నా పిల్లల్ని నేనే చూసుకుంటాను అని. దానికి కారణం ఏంటంటే, నేను డాన్స్ మాస్టర్ గా ఉన్నప్పుడు ఓ ట్రస్ట్ మొదలు పెట్టాను. ఓ 60 మంది పిల్లల్ని ఇంట్లో ఉంచి పెంచడం, అలాగే వికలాంగులందరికీ డాన్స్ నేర్పించడం, ఓపెన్ హార్ట్ సర్జరీ చేయించడం.. ఇవన్నీ నేను డాన్స్ మాస్టర్ గా ఉన్నప్పుడే చేశాను. అయితే అప్పుడు ఒక్కన్నే ఇవన్నీ చేయలేకపోయేవాడిని. అందుకే నేను మిగతా వాళ్ళ సహాయం కోరుకున్నాను"అని అన్నారు.
"కానీ ఇప్పుడేమో నేను హీరో అయిపోయాను. హీరో అయ్యాక రెండేళ్లకొక సినిమా చేసే వాడిని. కానీ ఇప్పుడేమో సంవత్సరానికి మూడు సినిమాలు చేస్తున్నాను. బాగా డబ్బులు వస్తున్నాయి. నీకు బాగానే డబ్బులు వస్తున్నాయి కదా. ఎందుకు మిగతా వాళ్ళని అడిగి చేయాలి, నువ్వే చేయొచ్చు కదా అని నాలో నాకే అనిపిస్తోంది. సో నేను ఏదో పొగరుగా డబ్బులు వద్దు అని చెప్పడం లేదు. నాకు ఇచ్చే డబ్బుల్ని మీ ఇంటి పక్కన కష్టపడే ట్రస్టులు చాలా ఉన్నాయి. నేను చూశాను. వాళ్లకు సహాయం చేయండి. వాళ్లకి మీ సహాయం ఉపయోగపడుతుంది. ఎందుకంటే వాళ్ళకి చాలామంది సహాయం చేయరు. నేను ఎంత చెప్పినా సరే 'లేదు మేము మీతో కలిసి సాయం చేస్తామని' ఎంతోమంది చెబుతున్నారు. దానికి చాలా సంతోషం. కష్టపడే వాళ్ళు ఎవరో నేనే చెప్తాను. మీరే వెళ్లి వాళ్లకి మీ చేతితో సాయం చేయండి. అది మీకు ఎంతో సంతోషాన్ని కలిగిస్తుంది. థాంక్యూ సో మచ్" అంటూ తాజా వీడియోలో పేర్కొన్నారు.
దీంతో రాఘవ లారెన్స్ షేర్ చేసిన ఈ వీడియో ఇప్పుడు సోషల్ మీడియాలో వైరల్ అవుతుంది. ఇక రాఘవ లారెన్స్ సినిమాల విషయానికొస్తే.. ప్రస్తుతం ఆయన హీరోగా 'చంద్రముఖి 2' అనే సినిమా తెరకెక్కుతోంది. పి. వాసు దర్శకత్వం వహిస్తున్న ఈ సినిమాలో లారెన్స్ సరసన బాలీవుడ్ బ్యూటీ కంగనా రనౌత్ హీరోయిన్గా నటిస్తోంది. ఇప్పటికే సినిమా నుంచి విడుదలైన పోస్టర్స్, సాంగ్స్ మంచి రెస్పాన్స్ అందుకున్నాయి. లైకా ప్రొడక్షన్స్ బ్యానర్ పై సుభాస్కరన్ నిర్మిస్తున్న ఈ చిత్రానికి ఎం. ఎం. కీరవాణి సంగీతం అందిస్తున్నారు. రజినీకాంత్ 'చంద్రముఖి' సినిమాకి సీక్వెల్ గా రూపొందుతున్న ఈ మూవీ వినాయక చవితి కానుకగా సెప్టెంబర్ 19న విడుదల కానుంది.
Also Read : థియేటర్స్‌లో గ్రాండ్‌గా రిలీజ్ కాబోతున్న 'మా ఊరి పొలిమేర 2' - ఎప్పుడంటే?
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
