Pushpa 2 Ticket Price : మూవీ లవర్స్​కు గుడ్ న్యూస్... తెలుగు రాష్ట్రాల్లో తగ్గిన "పుష్ప 2" టికెట్ రేట్లు

Pushpa 2 : భారీ అంచనాలతో డిసెంబర్ 5న థియేటర్లలోకి వచ్చిన మూవీ ' పుష్ప 2'. తాజాగా ఈ సినిమాకు రెండు తెలుగు రాష్ట్రాల్లోనూ టికెట్ ధరలు తగ్గినట్టుగా తెలుస్తోంది.

పుష్ప 2

Source : Twitter

Pushpa 2 Ticket Prices in AP and TS : నాలుగు రోజుల నుంచి 'పుష్ప 2 : ది రూల్' బాక్స్ ఆఫీస్ దుమ్ము దులుపుతోంది. డిసెంబర్ 5న మొదలైన 'పుష్ప 2' ప్రభంజనం ఇంకా కొనసాగుతోంది. ఇప్పటిదాకా ఈ సినిమా దాదాపు 800 కోట్లు కొల్లగొట్టి, రికార్డులను గల్లంతు చేసింది. ఈ నేపథ్యంలోనే తాజాగా 'పుష్ప 2' సినిమాను చూడాలనుకునే తెలుగు ప్రేక్షకులకు గుడ్ న్యూస్ అందింది. తెలంగాణ, ఆంధ్రప్రదేశ్ రాష్ట్రాల్లో 'పుష్ప 2' సినిమాకు సంబంధించిన టికెట్ రేట్లు తగ్గినట్టుగా తెలుస్తోంది. 

సుకుమార్ దర్శకత్వంలో అల్లు అర్జున్ హీరోగా నటించిన 'పుష్ప 2' మూవీ కలెక్షన్లపరంగా రఫ్పాడిస్తోంది. ఇప్పటికే ప్రపంచ వ్యాప్తంగా 500 కోట్లకు పైగా వసూళ్లను కొల్లగొట్టి, అత్యంత వేగంగా ఈ మైలురాయిని చేరుకున్న తొలి భారతీయ చిత్రంగా చరిత్రను క్రియేట్ చేసింది. ఓవైపు సినిమా అంచనాలను అందుకుని థియేటర్లలో పూనకాలు తెప్పిస్తుంటే, మరోవైపు తెలుగు రాష్ట్రాల్లో ఈ సినిమాకు భారీగా పెరిగిన టికెట్ ధరలపై తీవ్ర విమర్శలు వచ్చాయి. ఆంధ్రప్రదేశ్, తెలంగాణ రాష్ట్రాలలో బెనిఫిట్ షో టికెట్లు ధరలు ఏకంగా రూ. 800 నుంచి రూ. 1000 రూపాయలు ఉండడం గమనార్హం. ఆ తర్వాత కూడా టికెట్ ధరలు భారీగా ఉండడంతో ప్రేక్షకులపై భారం పడింది.

చాలావరకు సింగిల్ స్క్రీన్ లలో 'పుష్ప 2' టికెట్ ధరలు రూ. 300 ఉండడం సాధారణ ప్రేక్షకుడిని థియేటర్లకు రాకుండా ఆపింది అనే అభిప్రాయాలు వ్యక్తం అయ్యాయి. సామాన్య ప్రేక్షకుడికి సినిమాను చూడాలని ఉన్నప్పటికీ, ఫ్యామిలీతో కలిసి ఈ టికెట్ ధరలతో సినిమాను చూడడం కష్టమనే అభిప్రాయాలు వ్యక్తం అయ్యింది. దీంతో ఇప్పటిదాకా ఎక్కువగా అభిమానులే ఈ సినిమాను వీక్షించారు. కానీ ఇప్పుడు వీకెండ్ పూర్తయ్యింది. ఇకపై కూడా అభిమానులే సినిమా లాంగ్ రన్ భారాన్ని మోయలేరు. ప్రేక్షకుడిని థియేటర్లకు రప్పించాలంటే పెరిగిన టికెట్ రేట్లను తగ్గించక తప్పదు. అందుకే టికెట్ల రేటుపై చిత్ర బృందం పునరాలోచించినట్టు తెలుస్తోంది. తాజాగా ఈ వీకెండ్ తర్వాత తెలుగు రాష్ట్రాల్లోని చాలా చోట్ల టికెట్ ధరలు తగ్గించినట్టు సమాచారం. దీంతో ప్రేక్షకులకు ఉపశమనం కలిగినట్టుగా అయ్యింది. 

ఇప్పుడు టికెట్ ధర రెండు రాష్ట్రాల్లోనూ రూ. 200 ఉండగా, మల్టీప్లెక్స్ లో మాత్రం రూ. 395 ఉంది. అయితే ఈ టికెట్ ధరలు తెలంగాణ, ఆంధ్రప్రదేశ్ రాష్ట్రాలలో థియేటర్ చైన్లను బట్టి కాస్త తేడా ఉండే అవకాశం ఉంది. మొత్తానికి టికెట్ ధరల తగ్గింపు వల్ల చాలామంది ప్రేక్షకులు మరోసారి సినిమాలు చూడడానికి ఆసక్తిని కనబరిచే ఛాన్స్ ఉంది. ఇంకేముంది ఫలితంగా టికెట్ ధరల రేట్లు తగ్గడంతో ఫుట్ ఫాల్ పెరిగే అవకాశం ఉంటుంది. దీంతో కలెక్షన్లు మరింతగా పెరిగే ఛాన్స్ లేకపోలేదు. మరి టికెట్ రేట్లు తగ్గుముఖం పట్టిన తర్వాత 'పుష్ప 2'కు కలెక్షన్లు మరింతగా పెరుగుతాయని అంటున్నారు సినీ విశ్లేషకులు. మరి పుష్ప రాజ్ మ్యాజిక్ ఇలాగే కొనసాగుతుందా? తెలుగు రాష్ట్రాల్లో ఈ సినిమా హడావిడి ఇంకెన్ని రోజులు కొనసాగుతుందో చూడాల్సిందే.