Fauzi Update : ప్రభాస్ ఫ్యాన్స్కు గుడ్ న్యూస్ - 'ఫౌజీ' యాక్షన్ స్టార్ట్... బిగ్ అప్డేట్ ఇదే!
Prabhas Fauzi Movie : డార్లింగ్ ఫ్యాన్స్కు గుడ్ న్యూస్. పాన్ ఇండియా స్టార్ ప్రభాస్ హీరోగా రాబోతోన్న 'ఫౌజీ' షూటింగ్ శరవేగంగా సాగుతుండగా... దీనిపై కీలక అప్డేట్ వచ్చింది.
Prabhas's Fauzi Movie Shooting Update : పాన్ ఇండియా స్టార్ ప్రభాస్, 'సీతారామం' ఫేం హను రాఘవపూడి కాంబోలో రాబోతోన్న పీరియాడికల్ డ్రామా 'ఫౌజీ'. ఇప్పటికే రిలీజ్ చేసిన ఫస్ట్ లుక్ భారీ హైప్ క్రియేట్ చేస్తుండగా... షూటింగ్పై కీలక అప్డేట్ వచ్చింది.
రెడీ ఫర్ యాక్షన్
ఈ మూవీ టాకీ పార్ట్ దాదాపు కంప్లీట్ కాగా... యాక్షన్ పార్ట్ ఇంకా మిగిలి ఉన్నట్లు తెలుస్తోంది. దాదాపు 100 రోజుల పాటు ఈ సీక్వెన్స్ షూట్ చేసేందుకు మేకర్స్ ప్లాన్ చేస్తున్నారట. దీని కోసం సెకండ్ యూనిట్ను కూడా రంగంలోకి దించినట్లు సమాచారం. ఇంకా 100 నుంచి 120 రోజుల షూటింగ్ పెండింగ్లో ఉండగా... అన్నీ యాక్షన్ సీన్సే షూట్ చేయనున్నారు. అవసరమైతే తప్ప డూప్ను కానీ, బాడీ డబుల్ కానీ వాడకూడదని టీమ్ కండీషన్ పెట్టుకున్నట్లు తెలుస్తోంది. షూటింగ్ త్వరగా కంప్లీట్ చేసి పోస్ట్ ప్రొడక్షన్ పనులు స్టార్ట్ చేయనున్నారు.
Also Read : 'సాంప్రదాయనీ సుప్పినీ సుద్ధపూసనీ' ట్రైలర్ - డైరెక్ట్గా ఓటీటీలోకే శివాజీ, లయ క్రైమ్ కామెడీ థ్రిల్లర్
రెండు పార్టులుగా 'ఫౌజీ'
స్వాతంత్ర్యానికి ముందు 1930 టైంలో జరిగిన ఘటనల ఆధారంగా ఈ మూవీ తెరకెక్కనున్న సంగతి తెలిసిందే. ఇందులో డార్లింగ్ ప్రభాస్ ఓ బెటాలియన్ నాయకుడిగా... పవర్ ఫుల్ సైనికుడిగా కనిపించనున్నారు. ఇప్పటికే ఫస్ట్ లుక్ గూస్ బంప్స్ తెప్పిస్తుండగా... స్టోరీపై బిగ్ హింట్ ఇచ్చారు డైరెక్టర్ హను. మహాభారతంలో కౌరవుల పక్షాన నిలబడ్డ కర్ణుడు, పద్మవ్యూహాన్ని ఛేదించిన అర్జునుడు, ధైర్య సాహసాలతో తనకు తానే గొప్ప విలు విద్య నేర్చుకున్న ఏకలవ్యుడిని గుర్తు చేసేలా... ధర్మం వైపు నిలబడ్డ ఓ వారియర్ స్టోరీని చూపించబోతున్నట్లు తెలుస్తోంది. రెండో ప్రపంచ యుద్ధం టైంలో స్వాతంత్ర్య సమర యోధుల హిస్టరీని చూపించనున్నారు.
ఈ మూవీ రెండు పార్టులుగా ఉంటుందని డైరెక్టర్ హను ఇదివరకే అనౌన్స్ చేశారు. అయితే, సీక్వెల్ కాదని... ప్రీక్వెల్ అని క్లారిటీ ఇచ్చారు. 'ఫౌజీ'తో ఓ సరికొత్త ప్రపంచాన్నే సృష్టించబోతున్నట్లు తెలిపారు. 'భారతదేశ వలస రాజ్యాల చరిత్రను ఇది అన్వేషిస్తోంది. కొన్ని విషాదంగా ముగిసిన మరో కథలు అద్బుతం జరిగే విషయాలు ఉండొచ్చు. ఫస్ట్ పార్ట్లో ప్రభాస్ రోల్ ఒక కోణంలో సాగితే ప్రీక్వెల్లో ఆయన రోల్ కంప్లీట్ డిఫరెంట్గా ఉంటుంది.' అంటూ ఓ ఇంటర్వ్యూలో చెప్పగా హైప్ పదింతలైంది.
రిలీజ్ ఎప్పుడంటే?
సినిమాలో ప్రభాస్ సరసన ఇమాన్వీ హీరోయిన్గా నటిస్తుండగా... అనుపమ్ ఖేర్, జయప్రద, భానుచందర్, మిథున్ చక్రవర్తి తదితరులు కీలకపాత్రలు పోషిస్తున్నారు. మైత్రీ మూవీ మేకర్స్ బ్యానర్పై నవీన్ యెర్నేని, వై రవిశంకర్ భారీ బడ్జెట్తో మూవీ నిర్మిస్తున్నారు. విశాల్ చంద్రశేఖర్ మ్యూజిక్ అందిస్తుండగా... ఆగస్ట్ 14న పాన్ ఇండియా స్థాయిలో సినిమా ప్రేక్షకుల ముందుకు రానుంది.
టాప్ హెడ్ లైన్స్
ట్రెండింగ్ వార్తలు
