Poonam Kaur: జనసేనానికి వ్యతిరేకంగా... లేదంటే ఆ వీడియోలు విడుదల చేస్తాం - పూనమ్ కౌర్‌కు బెదిరింపులు

Pawan Kalyan Vs Poonam Kaur: పూనమ్ కౌర్ ఒక యూట్యూబ్ ఛానల్‌కు ఇచ్చిన ఇంటర్వ్యూ వైరల్ అవుతోంది. అందులో ఆమె మాటలను బట్టి జనసేనానికి వ్యతిరేకంగా కొందరు పావులు కదిపారని అర్థం అవుతోంది.

పూనమ్ కౌర్ సంచలన వ్యాఖ్యలు: బెదిరింపులకు పాల్పడ్డారా? అసలు ఏం జరిగింది?

Source : ABPLIVE AI

జనసేనానిగా తెలుగు దేశం, జనసేన, భారతీయ జనతా పార్టీల కూటమిలో... అలాగే ఆంధ్రప్రదేశ్ రాజకీయాల్లో జనసేన పార్టీ అధినేత, పవర్ స్టార్ పవన్ కళ్యాణ్ (Pawan Kalyan) క్రియాశీలక పాత్ర పోషిస్తున్నారు. ఏపీకి జరిగిన గత సార్వత్రిక ఎన్నికల్లో కూటమి ఘన విజయం సాధించింది. అయితే అప్పట్లో జనసేనానికి ఇరుకున పెట్టేందుకు ప్రత్యర్థులు అందుబాటులో ఉన్న ఏ ఒక్క అంశాన్ని వదల్లేదని తాజాగా నటి పూనమ్ కౌర్ ఇచ్చిన ఇంటర్వ్యూ చూస్తే అర్థం అవుతోంది.

పవన్ కళ్యాణ్ పేరు తీయలేదు కానీ...
పూనమ్ కౌర్ చెప్పిన మాటలను బట్టి!
ఏపీలో 2024 ఎన్నికలకు ముందు పవన్ కళ్యాణ్ మీద వైసీపీకి మద్దతుదారులైన పోసాని కృష్ణమురళి, యాంకర్ శ్యామల వంటి కొందరు విరుచుకుపడ్డారు. ఓ దశలో పూనమ్ కౌర్ (Poonam Kaur)కు పవన్ అన్యాయం చేశారని పేర్కొన్నారు పోసాని. అప్పట్లో పవన్ కళ్యాణ్ వర్సెస్ పూనమ్ కౌర్ డిస్కషన్ కూడా నడిచింది. సోషల్ మీడియా (ట్విట్టర్)లో గురూజీ అంటూ పూనమ్ చేసిన ట్వీట్లు త్రివిక్రమ్ శ్రీనివాస్ (Trivikram Srinivas)ను టార్గెట్ చేస్తూ చేసినవే అనే ప్రచారం సైతం నడిచింది. అయితే ఇప్పుడు తాజాగా ఒక యూట్యూబ్ ఛానల్ (మీడియా)కు ఇచ్చిన ఇంటర్వ్యూలో పూనమ్ కౌర్ సంచలన వ్యాఖ్యలు చేశారు.

ఒక స్టార్ హీరో మీద నెగెటివ్ ప్రెస్ మీట్లు పెట్టమని నన్ను ఫోర్స్ చేశారు.పదవులు ఇస్తాం, డబ్బులు ఇస్తాం అని ఆఫర్ చేశారు. చేయనని చెప్పేసరికి నన్ను బెదిరించారు. ఇది రా మీ రాజకీయం. సిగ్గు లేని వెదవల్లారా 💦💦💦 pic.twitter.com/OakofHRz1Z

— సనాతని హిందూ 🚩 (@IndianSanathani) January 5, 2026

''ఒక రోజు కడప నుంచి ఎవరో వచ్చారు. ఏదేదో చెప్పారు. నమస్కారం పెట్టి ఊరుకున్నా. తర్వాత మరొకరు వచ్చారు. ఇండస్ట్రీ నుంచి ఫోన్ చేశారు. నేను నమస్కారం అన్నాను. ఏం చేయాలి? మొదట డబ్బులు ఆఫర్ చేశారు. నేను నో అన్నాను. తర్వాత పదవులు ఆఫర్ చేశారు. వరస్ట్ ఏమిటంటే న్యూడ్ వీడియోలు విడుదల చేస్తామని బెదిరించారు'' అని పూనమ్ కౌర్ పేర్కొన్నారు. ఇదంతా పవన్ కళ్యాణ్, ఆయన జనసేన పార్టీకి వ్యతిరేకంగా మాట్లాడమని ఆమెను సంప్రదించినట్టు అర్థం అవుతోంది. కడప నుంచి వ్యక్తులు వచ్చారనే సరికి జగన్ మనుషులు అయ్యి ఉంటారని సోషల్ మీడియాలో కొందరు ట్వీట్లు చేస్తున్నారు.

పవన్ కళ్యాణ్ పేరు పూనమ్ కౌర్ ప్రస్తావించలేదు. అలాగే, ఆయనకు వ్యతిరేకంగా కూడా ఆమె మాట్లాడలేదు. అయితే ఇండస్ట్రీలో ఆయనను గురువు అంటారని, ఓ వ్యక్తిని తన పిల్లలకు ఆయన దూరం చేశారని పూనమ్ వ్యాఖ్యానించారు. అవి ఎవరిని టార్గెట్ చేసినవి? అనే డిస్కషన్ మొదలైంది.