Pawan Kalyan Lungi Look Bro : 'తమ్ముడు' కాదు 'బ్రో' - 'వయ్యారి భామ'ను గుర్తు చేసిన పవన్ కళ్యాణ్

Pawan Kalyan Bro Movie Teaser Update : పవన్ కళ్యాణ్, సాయి తేజ్ 'బ్రో' టీజర్ అప్డేట్ ఇస్తామని దర్శకుడు సముద్రఖని చెప్పారు. ఈ సందర్భంగా విడుదల చేసిన స్టిల్ ఫ్యాన్స్‌ను ఖుషి చేస్తోంది.

'బ్రో' సినిమాలో పవన్ కళ్యాణ్, సాయి ధరమ్ తేజ్

'తొలి ప్రేమ' రీ రిలీజ్ ట్రైలర్ వేడుకకు నిర్మాత వివేక్ కూచిభొట్ల అతిథిగా వచ్చారు. ఆ ట్రైలర్ చూసిన తర్వాత... అందులో పవర్ స్టార్ పవన్ కళ్యాణ్ (Pawan Kalyan) ఎంత ఎనర్జీతో కనిపించారో, ప్రస్తుతం సెట్స్ మీద ఉన్న 'బ్రో' సినిమాలో కూడా అంతే ఎనర్జీగా ఉన్నారని ఆయన చెప్పారు. లేటెస్టుగా విడుదలైన స్టిల్ చూస్తే ఆయన మాటలు నిజమేనని చెప్పక తప్పదు!

'తమ్ముడు'ను గుర్తు చేసిన 'బ్రో'!
Bro Movie Teaser : 'బ్రో' సినిమా టీజర్ అప్డేట్ త్వరలో చెబుతామని దర్శకుడు సముద్రఖని ఓ పోస్టర్ ట్వీట్ చేశారు. అందులో మామా అల్లుళ్లు పవన్ కళ్యాణ్, సాయి ధరమ్ తేజ్ (Sai Dharam Tej) లుంగీలో కనిపించారు. ముఖ్యంగా పవన్ లుంగీ లుక్ 'తమ్ముడు' సినిమాను గుర్తు చేసింది. అందులోని 'వయ్యారి భామ...' పాటలో లుక్, ఈ లుక్ సేమ్ టు సేమ్ ఉందని చెప్పాలి. పవన్ అప్పుడు ఎలా ఉన్నారో, ఇప్పుడూ అలాగే ఉన్నారు.

ఇది స్పెషల్ సాంగులో లుక్?
'బ్రో' సినిమాలో బాలీవుడ్ బ్యూటీ ఊర్వశి రౌతేలా (Urvashi Rautela) ఓ స్పెషల్ సాంగ్ చేశారు. ఆ పాటలో మామా అల్లుళ్లతో కలిసి ఆమె స్టెప్పులు వేశారు. ఇది ఆ సాంగులో స్టిల్ అని సమాచారం. మెగాస్టార్ చిరంజీవితో  కలిసి 'వాల్తేరు వీరయ్య'లో మొదటి పాటలో ఊర్వశి రౌతేలా స్టెప్పులు వేశారు. ఆ తర్వాత అఖిల్ అక్కినేనితో కలిసి 'ఏజెంట్'లో స్పెషల్ సాంగ్ చేశారు. రామ్, బోయపాటి శ్రీను సినిమాలో సాంగ్ కూడా చేశారు. 

Soon… #bro teaser 🙏🏼🙏🏼🙏🏼 pic.twitter.com/C92GT8HAzE

— Sai Dharam Tej (@IamSaiDharamTej) June 27, 2023

'బ్రో' స్పెషల్ సాంగ్ కోసం గట్టిగా ఖర్చు పెట్టారట. ఊర్వశి రౌతేలా ఒక్కో పాటకు మినిమమ్ 50 లక్షల రూపాయలు తీసుకుంటారని టాక్. ఆవిడ రెమ్యూనరేషన్ కంటే నాలుగైదు రేట్లు పాట కోసం ఖర్చు పెట్టారని తెలిసింది. సెట్ దగ్గర నుంచి లైటింగ్ వరకు ఏ విషయంలోనూ కాంప్రమైజ్ కావడం లేదని తెలిసింది.

ఒక్క రోజు లైటింగ్ కోసమే 75 లక్షలు!
పవన్ కళ్యాణ్, ఊర్వశి రౌతేలా స్పెషల్ సాంగ్‌లో లైటింగ్ హైలైట్ అవుతుందని చిత్ర బృందం సన్నిహిత వర్గాల నుంచి అందిన సమాచారం. ఒక్క రోజు లైటింగ్ కోసమే 75 లక్షల రూపాయలు ఖర్చు చేస్తున్నారు. అది ఎలా ఉంటుందో సినిమా విడుదలైన తర్వాత తెలుస్తుంది. ఎలా లేదన్నా ఈ పాట కోసం సుమారు మూడు కోట్లు ఖర్చు అవుతుందని టాక్.

'బ్రో' స్పెషల్ సాంగులో పవన్ కళ్యాణ్, సాయి ధరమ్ తేజ్... ఇద్దరితోనూ ఊర్వశి రౌతేలా స్టెప్పులు వేయనున్నారు. అమితాబ్ బచ్చన్, ఆయన తనయుడు అభిషేక్, ఐశ్వర్య స్టెప్పులు వేసిన 'ఖజారారే... ఖజారారే...' తరహాలో ఈ సాంగ్ ఉంటుందట. ఆల్రెడీ విడుదల చేసిన స్టిల్స్ చూస్తే... పవన్ కళ్యాణ్ షూస్ హైలైట్ అయ్యాయి. లక్షల రూపాయల ఖరీదు చేసే షూలను ఆయన కోసం తెప్పించారు.  

ప్రపంచవ్యాప్తంగా జూలై 28న విడుదల!
మాస్ మహారాజా రవితేజ 'శంభో శివ శంభో', నాని 'జెండా పై కపిరాజు' చిత్రాల తర్వాత తెలుగులో సముద్రఖని దర్శకత్వం వహించిన సినిమా 'బ్రో'. పీపుల్స్ మీడియా ఫ్యాక్టరీ, జీ స్టూడియోస్ సంయుక్తంగా నిర్మిస్తున్నాయి. టీజీ విశ్వప్రసాద్ నిర్మాత. జూలై 28న ఈ  చిత్రాన్ని ప్రేక్షకుల ముందుకు తీసుకు వస్తున్నారు.