Nilave Trailer : మరో అర్జున్ రెడ్డి వచ్చేస్తున్నాడా? - రొమాంటిక్ 'నిలవే' ట్రైలర్... సందీప్ వంగా స్టూడెంట్ అంటున్న మూవీ లవర్స్
Nilave Trailer Reaction : లేటెస్ట్ లవ్ రొమాంటిక్ ఎంటర్టైనర్ 'నిలవే' ట్రైలర్ వచ్చేసింది. మరో అర్జున్ రెడ్డి వచ్చేస్తున్నాడా? అనేలా ఉన్న ట్రైలర్ ట్రెండ్ అవుతోంది. ఈ నెల 13న సినిమా రిలీజ్ కానుంది.
Sowmith's Nilave Trailer Released : 'అర్జున్ రెడ్డి'... రౌడీ బాయ్ విజయ్ దేవరకొండ కెరీర్లోనే ది బెస్ట్ మూవీగా నిలిచింది. డైరెక్టర్గా సందీప్ వంగా పేరు ఈ మూవీతో సెన్సేషన్గా మారింది. రొమాంటిక్ సీన్స్ ఎక్కువగా ఉండడంపై విమర్శలు వచ్చినా యూత్ను ఈ లవ్ రొమాంటిక్ ఎంటర్టైనర్ ఎంతగానో ఆకట్టుకుంది. తాజాగా న్యూ లవ్ రొమాంటిక్ ఎంటర్టైనర్ 'నిలవే' మూవీ ట్రైలర్కు కూడా మూవీ లవర్స్ నుంచి అంతే రెస్పాన్స్ వస్తుంది.
ట్రైలర్ ఎలా ఉందంటే?
'నా స్టోరీకి ది ఎండ్ అనుకున్నా. కానీ నిన్ను చూశాకే అర్థమైంది నా కథ ఇప్పుడే మొదలైందని' అంటూ హీరో చెప్పే డైలాగ్తో ట్రైలర్ ప్రారంభం అవుతుంది. సూసైడ్ చేసుకోవాలనుకునే హీరో హీరోయిన్ను చూసి మనసు మార్చుకుంటాడు. హీరోయిన్కు తెలియకుండానే హీరో ఫోటోలు తీయగా... అలా వారి మధ్య పరిచయం ప్రేమగా మారుతుంది. పెళ్లికి ముందే ఇద్దరూ రిలేషన్ షిప్ కంటిన్యూ చేస్తారు. అలా లవర్స్ మధ్య జరిగిన సంఘర్షణే 'నిలవే' స్టోరీ అని ట్రైలర్ను బట్టి తెలుస్తోంది.
ఇరువురి మధ్య రొమాంటిక్ సీన్స్ హైప్ క్రియేట్ చేస్తున్నాయి. 'ఒకరితో కలిసి ఉన్నప్పుడు వారెప్పుడూ మనతోనే ఉంటారనే నమ్మకంతో ఉండాలి. ఎప్పుడు మనల్ని వదిలెళ్లిపోతారనే భయంతో కాదు.' అనే డైలాగ్ ఇంట్రెస్ట్ క్రియేట్ చేస్తోంది. ప్రాణంగా ప్రేమించుకున్న లవర్స్ మధ్య పెళ్లికి ప్రాబ్లమ్ ఏంటి? తన ప్రేయసిని హీరో ఎందుకు వదిలి వెళ్లాల్సి వచ్చింది? అనేది తెలియాలంటే మూవీ రిలీజ్ వరకూ ఆగాల్సిందే.
'అర్జున్ రెడ్డి'తో కంపేర్ చేస్తూ...
ఈ మూవీ ట్రైలర్ 'అర్జున్ రెడ్డి' మూవీని కాస్త పోలి ఉందని... సౌమిత్ సందీప్ వంగా స్టూడెంట్లా ఉన్నారంటూ సోషల్ మీడియాలో కామెంట్స్ వస్తున్నాయి. ట్రైలర్ కట్, రొమాంటిక్ సీన్స్, బీజీఎం అదిరిపోయిందంటూ ప్రశంసిస్తున్నారు. ఈ మూవీలో సౌమిత్ సోలాడి హీరోగా నటిస్తూనే సాయి కే వెన్నంతో కలిసి దర్శకత్వం వహించారు. సౌమిత్ సరసన శ్రేయాసి సేన్ హీరోయిన్గా నటించారు.
వీరితో పాటే హర్ష చెముడు, సుప్రియా ఐసోలా, రూపేష్ మారాపు, జీవన్ కుమార్, గురురాజ్, సిద్ధార్థ్ గొల్లపూడి, అనాల సుశ్మిత తదితరులు కీలకపాత్రలు పోషించారు. పీవోసీ ఆర్ట్స్ ప్రొడక్షన్ బ్యానర్పై రాజ్ అల్లాడ, గిరిధర్ రావు పొలాడి, సాయి కె వెన్నం నిర్మించారు. వాలెంటైన్స్ డే సందర్భంగా ఈ నెల 13న సినిమా ప్రేక్షకుల ముందుకు రానుంది.
Also Read : 'రామాయణ'లో కోలీవుడ్ స్టార్? - గ్రేట్ మైథలాజికల్ స్టోరీలో ఆ రోల్కు ఓకే చెప్తారా?
టాప్ హెడ్ లైన్స్
ట్రెండింగ్ వార్తలు
